Isayas 52:5 - Fanawbuid tagsibaliwas Fakayabian

⁵ Ay katsi, nataw at kinfasludan sa ayu? Ngay taw Babilunya nafagsuguan yangay ayu yud e famayad, ay at ngay tagfangguna guro guseganan, ay gfalingun gugat angku.

Isayas 52:5 ပူးပေါင်းရင်းမြစ်များ

2 Samwel 12:14

Ay aroro sam nafakamulun, nafon o sam ngay fawayan sik buknga laman gfalingun Yawi. Nu katanya, ay ngenge ban umbul.”

Alubad. 44:12

Dewa ami am fagagbilugun fag ngay taw, nafalo wo emi sa talay fag famayad, ay nusdi at famamut sirut wo nabul ya.

Alubad. 44:16

Kabavn em dungganan ang way lang em ngay fawayan takaylat gfasud emi at famalingun at famauri.

Alubad. 74:10

Dius, seduge tua ban em ngay fawayan nu gfalingun emu? Ay seduge tua ban nu gfauri am ngayan? O nunda ban kabavn wan?

Alubad. 74:18

Yawi, amatangi at yud e fagsafulun fag ngay fawayan nu gfalingun emu ay nu gfauri am ngayan.

Nu Galin 3:7

Ay Yawi glong yay fia te, “Nalag au ku ngay taw nu gidapan sis talun Igiptu. Nadungug kyangay nu gurungan get gubuk aroro maksvn at fun at ngay fagsuguan nu gfaidapan, ay anfanyu au anya fagayu.

Isayas 22:16

“Sinu at nasugu emu te, nangali o sa sangaba tigyangan buksul laman ban am fagnamolian emu, magamut at kinbul fag ngay taw takadungug?

Isayas 37:28

Nasaful kwan fagayu sabaliwa emu. Nu inda nu gbanwan o, ay nu daginan o, ay nu dada ro wo, ay nu setain nu kadotama o angku.

Isayas 37:6

Isayas nalong sa anya fagayu te, “Longi sa ay tagfayafun te, Yawi glong te, ‘Lag o kalimu am nadungug fag longan Asirya at fun at fagsuguan nu gfalingun angku.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Isayas 51:20

Kanya fagayu kalufuy ay mataygilid sa sangay sagbatan, kata sik ngay arasyo at kinsiuk sa sik sangdaw. Yawi at maksvn fag dotama andasug sa anya fagayu. Am Dius nasalag anya fagayu.

Isayas 51:23

Namon kban sa sangay tagfaidapan ayu, at nasugu ayu te, ‘Malubi laman nansiad ami ayu.’ Ay kanya nasiad ay ngay guyuy kata nu glao sa sangaba dalan.”

Isayas 52:3

Katatuy Yawi tam Fun at longan: “Nafagsuguanan am yud e famayad, nu katanya, namalangfe kban ayu yud e famayad.

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Takabalu 2:3

Ay at kaksvnan nu kadotama, kanya nafalyam wan ngay taw Israel at fagmabalyananun ay nafababawan. Kata sik afuy, kanya nafamin ngay taw Israel ay anggan fagayu nusnge wain tagsit ligung.

Esekyel 20:14

Dewa katanya, kwa nafakamulun takatanya, aroro kwa kaylat ku ngayan nu gafaplan sa sangay talun tagligung ku ngay taw, at nasaful te, au wan at nafalfas ngay taw Israel siginans talun Igiptu.

Esekyel 20:9

Dewa katanya, kwa nafakamulun takatanya, aroro kwa kaylat ku ngayan nu gafaplan sa sangay talun tagligung si sangay taw Israel, ku fagnamalagun nu setain nu gfalfas au ku ngay taw siginans talun Igiptu.

Sefanias 1:10

Au, Yawi, glong au te, ginanya yangay ban fag menit, dumungug ban am tagwaywayan sis Erusalem at sakbawan at ngayan te, Sakbawan Albon. Ay dumungug yangay ban am tagbia fag uro siginan at bagu fag afud furuan, ay tagsi sangay buksul fag ngay bale nu kafugfug.

Ruma 2:24

Aroro marirukan te, “Nafoyung am yud Udyu fag ngay taw laman kanya fagayu gfauri Dius.”

Tagfangguna 18:3

Kaduge kafag limak mangama sis Mikas at bale, natoglag te, Mikas at ufud fag baguama sik taw Lebi way aroro siginan nu garingang. Ay kanya fagayu ginto anya te, “Wain am fagsteun? Sinu at nataban emu stae? Ay nataw am fakamulun?”