Isayas 52:3 - Fanawbuid tagsibaliwas Fakayabian

³ Katatuy Yawi tam Fun at longan: “Nafagsuguanan am yud e famayad, nu katanya, namalangfe kban ayu yud e famayad.

Isayas 52:3 ပူးပေါင်းရင်းမြစ်များ

Alubad. 44:12

Dewa ami am fagagbilugun fag ngay taw, nafalo wo emi sa talay fag famayad, ay nusdi at famamut sirut wo nabul ya.

Alubad. 44:13

Nafaplan o emi ay tibak talun taw gfalingun kase emi.

Isayas 1:27

Aroro sit kamatuyanan, furuan ban Erusalem, umlangfe, ay fagayu ban at nafababaun ay naubun at ngay asalanan umsik matuyan.

Isayas 45:13

Au at nafili Sirus laman namafasludan ku ngay algan at masine. Ay namafasludan au nusnga setaw at balyawvtan. Ay kanya ban gdog yay nangawat ku furuan, ay namalfas ban ku ngay taw at natabanan sa tibak talun. Kanya ban namakamulun takatanya dewa yud e famayad. Au Yawi at Mabalyanan at nalong takatanya.”

Isayas 50:1

Yawi nalong sat ngay taw te, “O nunda naiyan kwan furuan Erusalem kata sik mangama at naiyan at mangena? Inday am rirukan am famatuyan? O nunda nafataban au emu sa tibak talun at taw kata sik taw at nafafagsuguanan at sisian sat fagbedanan, laman famayad at bedan? Duan! Am fagnatabananun aroro siginan am ngay asalanan. Erusalem, naiyan au emu, aroro nafamabo o.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Isayas 63:4

Nafakamulun au takatanya, aroro andasug wan fag menit nu gfaurianan au ku ngay fawayan ay nu gfalangfe au ku ngay taw.

Eremyas 15:13

Namagbilug kban say ngay fawayan ay ngay ramraman ay ay ngay fagagbilugun, aroro sa ay asalanan siginan ay nafakamulun at mauri sas fagdaul ay talun.

Esekyel 16:31

Nafawat o ngay bale sangay sagbatan ay sa sangay fagaweanan laman fagnansegan tibak fagsegan. Nu mauri o gtungud yay sik takamatugtug fag mangena, aroro wo gfae bayad ya sas fagayu at nanamataladan emu.

Esekyel 34:27

Ngay kayu ban grawvg tua anggan kafag ngay taw at ngay tanum, ay kanya ban fagayu di e fakalimuun, ay gina kban naiyan tagfagsuguan anya fagayu, kanya ban fagayu sumaful te, au Yawi.

Lebitiku 25:54

Ay kanya fag taw Israel nu dway makatu gfafoli, takata kanya fag balyawvtan, gfalfas wan anya ay anggan at ngay baguama gina gfalfas ay gfafoli fag banwa.

1 Pedru 1:18

Nasaful wam at nafalangfe ayu siginan at yud e tungkul fag ugali, tagsiginan ay ngay mangaguyang. At nafalangfe ayu bunwa takarasras ay takamin, kata sanbung salapi ay gintu,