Isayas 52:12 - Fanawbuid tagsibaliwas Fakayabian

¹² Dewa katanya, lag gabanganan nu glo am, kata nu e faglagyuun am, aroro au wan Israel at Dius Yawi tagsi ay fagunan ay si ay faguyanan.

Isayas 52:12 ပူးပေါင်းရင်းမြစ်များ

1 Krunika 14:15

Ay nu nadungug ro am sik awang sis tungud kayu balsamu kata sik ngay tagfawayan nu gtadtalasan, loi wa ro vtv laman namawayan, aroro kanya wan fagsafulan te, gfangguna au ayu namawayan ngay taw Filistia”

Nu Galin 12:11

Kaduge am kon, falganani nu glo am; suluni ay lapak ay atulagani. Fasakiti nu kon am. Katanya ay fagmafulun sabaliwa Tagbarita nu Glangfe, laman gfauseganan am angku.

Nu Galin 12:33

Ngay taw Igiptu gfasakit nu gfalao ngay taw Israel siginan at talun, aroro gamatangan te, manbul.

Nu Galin 12:39

Ay nu siwa sangaba dalan, kanya fagayu nafatama tinapay at yud e famabia at nabuba gina ngay taw Igiptu gaiyan anya fagayu. Nu katanya, kanya fagayu wa nafasuglat ya famabia tinapay sat fangawat tinapay, ay wa anke buknga ya laman gfalganan at fetus fag ngay fakonun.

Nu Galin 14:8

Yawi nafaogat Faraun, Igiptu at fun at amatanganan, ay nu katanya, kanya nanamafalo ngay taw Israel, dewa katanya, fagayu taw Israel nalao ay maseganama tua at amatanganan.

Isayas 26:7

Ay at matuyan fag ngay taw at dalan madatag tua, ay o wan, Dius at Matuyan at nafadatag.

Isayas 28:16

Nu katanya, katatuy Yawi tam Fun at longan: “Dungugani fagayu am! Namae fagfatungkudan au gang sas Siun; sik gang maksvn, ay at yud guigan, ay mafanud. Nusnga sinu tagafanud sa anya di ban e fakaplaun.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 45:2

Gguna kban emu, ay namadatag au ngay buksul, ay nanrasras au ngay sakbawan at mawatan tansu, anggan famalabag fag ngay sanbung.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Isayas 49:11

Namae dalan kban sa ku ngay buksul, ay namabat au ku ngay dalan daul.

Isayas 51:14

Wa glugo ya at ngay maubungan kalfas wan. Ay wa ban umbul sit fakaubungan, ay di ban kamin at fakonun.

Isayas 57:18

Nasaful kwan kanya fag ngay taw at ugali, dewa katanya, gfalyam kyay, ay galo au ay gfasun ngay takabalu.

Isayas 58:8

Ay nu katanya tua ay fakamulun, dumamlag am kata nu bagu kamenit, ay namafia kwan ayu. Au Yawi at matuyan tagsi ay fagunan, ay siginan ku fagmabalyananun tagsi ay faguyanan, gdiri ktua ban ayu.

Mikas 2:13

Nanluang kban at nataban ayu fag furuan at sakbawan, ay gguna kban ayu gina am gduksun. Au Yawi ay Fun, at namangguna ban ayu.”

Tap 10:25

Ay taguyan glao Dan at ngay kasugfunanan at fagfanggunaun fag ngay taw, kanya fagayu gbuba at famatoglag fag ramit. Kanya fagayu tagulit ngay gaban si baliwas faguyanan. Ay Akyeser, Amisaday at baguama, tagfangguna anya fagayu.

Deuterunumyu 16:3

Nangon am kanya fag ngay fagbaugun gasfuan tinapay at yud e famabia. Kaduge fituk menit, ay fakonun tinapay yakman lang at yud e famabia, kata ay nafakamulun ebi gina am gabanganan glao siginans talun Igiptu. Oni tuy fag tinapay, fagtoglagan nu setain nu gagwantan am, laman kabavn gamatang am nu glao am siginans talun Igiptu.

Deuterunumyu 20:4

Aroro ay Dius Yawi gufud tua ayu, ay kanya namawayan ay ngay fawayan laman sa ayu, ay namababo ayu sa ay ngay fawayan.”

Uswe 4:11

Kanya fagayu nu ndife wan, nafadife yangay Fagsuadan Nasadian. Ay tagfon fanggalangun gdog yay gguna ngay taw.

Uswe 6:9

Ay tibak ngay tagfawayan gguna ngay tagfon fanggalangun, ay e tibak tagfawayan galo ngay tagbuba Fagsuadan Nasadian. Ay wa karagang budyung nu gawang.

Tagfangguna 4:14

Ay Debura nalong sas Barak te, “Katsi wa fag menit Yawi nu namababo emu sas Sisera. Ay kanya yangay ro taggubuk emu.” Nu katanya, Barak natagbung siginans Buksul Tabur gadgaloan at ngay tagfawayan fag safuluk libu.