Isayas 52:11 - Fanawbuid tagsibaliwas Fakayabian

¹¹ Duksuni wan siginans Babilunya ay lag am gted nusnge wain at masuya. Duksuni wan fagayu am tagbuba ngay fagagbilugun tagsis Yawi at bale, ay masinei tua.

Isayas 52:11 ပူးပေါင်းရင်းမြစ်များ

1 Krunika 15:12

Ay kanya nalong sa anya fagayu te, “Am fag ngay tagfangguna ngay talanan tagsiginans Lebi at kasugfunanan, fasinei ay ngay sadili, gasfuan ay ngay kaiban fag ngay taw Lebi, laman manamuba am Israel at Dius Yawi at Fagsuadan Nasadian sa ku nafalganan fag bale.

Nu Galin 30:19

Kanya Arun talamean at fagfegusan at ngay daluap ay at ngay darafa.

Isayas 1:16

Fasinei wan ay ngay sadili kata nu gigus am. Faragangi wan nu gfakamulun am at mauri sa ku daga salubangan.

Isayas 48:20

Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Eremyas 31:21

Fiungi tua ay turuki sa ay ngaba dalan laman ay fagaloan, ay amatangi tua ay dalan, aroro sanya yay ban ay dalan gina am kafoli. Ku ngay sisian fag ngay taw Israel ulii wan sa ay ngay furuan ayu daul.

Eremyas 50:8

“Lagyui wan siginans talun Babilunya! Ubuni wan kanya fag talun! Gunai wa lagyui kata sik kambing nu gguna tibak kambing.

Eremyas 51:45

Ku nafili fag ngay taw, ayayui wan siginans Babilunya! Falangfei ay ngay leleg gina au yud yay nafadasug ku fandotaman sa anya fagayu.

Eremyas 51:6

Lagyui wan siginans Babilunya! Falangfei ay sadili! Wa masine nu kabul am aroro sa sangay taw Babilunya at ngay asalanan. Buknga wan laman namasud au talun Babilunya kata at ngay nafakamulun.

Esekyel 44:23

Kanya fagayu gfoyung sa ku ngay taw te, inday at matuyan ay at yud matuyan, ay at yud e malong, ay at ke malong.

Lebitiku 10:3

Nu katanya, Muisis nalong sas Arun te, “Katanya Yawi at longan at masuad te, ‘Nusnga sinu fag tagfon fanggalangun at nangakbang sa angku masine nu gsaful te, dakdi e malong, ay masine fagayu taw nu gfauseganan tua angku.’ ” Ay Arun wa naringang.

Lebitiku 11:45

Au wan Yawi, at nafalangfe ayu siginans talun Igiptu, laman au tua ban ay Dius. Nu katanya, ay ugali at yud tua e malong, aroro kdi e malong.

Lebitiku 11:47

sumaful am at masine ay at mauri fag fagbaugun, ay ay fakonun ay ay fagyudun kon.

Lebitiku 21:6

Fatigwanani wan ay sadili sa angku ay Dius, ay lag gfae fakaplaun ku ngayan. Fakamuluni ban gugat takatanya aroro am wan tagirug ngay fanggalangun laman ku fakonun.

Sakaryas 2:10

Yawi nalong te, “Fagayu am tagsis Siun, uroi useganani, aroro kadasug au ay namanwan gfagamutan ayu. Ay ginanya ban fag buknga ngayuk talun at namababaun ay at namauseganan angku. Ay kanya ban fagayu ku ngay taw yangay.” Nu nfasludan ban takatanya, sumaful am te, Yawi at Mabalyanan at nasugu angku stae sa ayu.

Tap 16:26

Sanya ginan, kanya nalong sa sangay taw te, “Ayayui wan siginan kafag ngay taw mauri! Ay lag gted nusnge wain at fagagbilugun, aroro nu nafakamulun ro am takatanya, umfaurianan yangay ro am gasfuan anya fagayu aroro sat asalanan.”

Tap 19:11

“Nusnga sinu at nated at mabulan, tuyani anya te, mauri, kaduge fituk menit.

Tap 19:16

“Tuyani te, masuya kaduge fituk menit, nusnga sinu fag taw at nasas day fagmafulan nu nated way at kinbul ay dewa sik taw at kinbul maugali. Katanya yangay nusnga sinu fag taw at nated sik fagfolian ay mannga sik taw at bini, tuyani anya te, masuya.

Tap 8:6

“Fasamani Lebi at ngay kasugfunanan siginan ngay taw Israel, ay fasinei.

Fakamulun 10:14

Ay Pedru nabalus te, “Ku Fun, kwa kaylat. Kwa kon nusnge wain at masuya ay at yud masine.”

Fakamulun 10:28

nu katanya, kanya nalong sa anya fagayu te, “Nasaful wam te, wa masine sik taw Udyu nu gfagadgalangan sik yud Udyu fag taw ay nusdi at nansibo sat bale. Dewa katanya, Dius nafalag angku te, ‘Lag o gtuyan te, masuya nusnga sinu fag taw.’

Ruma 14:14

Aroro sa ku fagmasadiun sa tam Fun Isus, nasaful au ay natuyan kwa te, we fakonun at masuya. Dewa katanya, nusnga sinu fag taw nu gamatangan way te, sik fakonun masuya way sa anya, anud, kanya gfasuya anya.

2 Kurintu. 6:17

“Nu katanya, tam Fun glong te, Ayayui wan siginan kafag ngay taw. Ay lag am gted nusnge wain tagfasik masuya ayu. Nu nafakamulun tua ban am takatanya, kaylat kwan ayu.”

Efesu 5:11

Lag am gfagamutan ngay taw tagfakamulun at yud masine, tagfaning fagmadulumun. Abat ngate, falagi way sa anya fagayu te, mauri at ngay fakamulun.

1 Pedru 2:11

Ku fakesugun ku ngay faduksay, maksvn nu glong au sa ayu te, am takata sik ngay betaw tagbanwan ste swa daga, ubuni wan ay mauri fag fakaylatun tagfawayan ayu.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.

At Nafasure 18:4

Ay arodi nadungug au sadi yak aringang siginans banwa nu glong te, “Ku ngay taw, ayayui sanya ginan fag furuan, laman diam kataip sat ngay asalanan, ay laman ban diam gafaurianan kata anya.