Isayas 52:10 - Fanawbuid tagsibaliwas Fakayabian

¹⁰ Yawi namalag at fagmabalyananun yud e malong sas fagayu talun at ngay taw, ay fagdaul daga lumag Dius nu gfalangfe.

Isayas 52:10 ပူးပေါင်းရင်းမြစ်များ

Ub 40:9

Ay o mabalyanan yangay o kata angku? Ay o maringang o kata sik lingsi kata nu garingang au?

Alubad. 22:27

Ngay taw sas fagdaul daga nangamatang ay nangafoli sas Yawi. Ay fagayu talun at taw nanseg anya.

Alubad. 67:2

laman fagayu talun at ngay taw sumaful am ngay balyawvtan ay nu gfalangfe o.

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 30:30

Ay sanya Yawi namadungug at mabalyanan fag aringang, ay namasure at daluap laman gfasaful te, mafalganan wa namauri aroro maksvn nu kadotama. Gfasfuan sik tagigang fag afuy, ay arak way nu umbusbus, ay glimbad ay gtalafun, ay arak yelu kadaul ngay gang ayu sirut.

Isayas 33:13

Am fag ngay talun at ngay taw, dewa at munakbang ay dewa tangayayu, dungugani ku ngay nafakamulun ay toglagi te, mabalyanan au.”

Isayas 40:5

Umsure ban Yawi at fagmabalyananun, ay fagayu ban taw lumag takatanya. Umfasludan ban takatanya, aroro au Yawi at nalong.”

Isayas 45:22

Fagayu am sas fagdaul daga, akbangi sa angku laman umlangfe am. Aroro au wan Dius ay we tiba ya.

Isayas 48:20

Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 51:9

Yawi, gubuki wan emi. Fasurei am fagmabalyananun laman gfalangfe o emi. Gubuki emi kata ebi am nafakamulun sa emi. O nunda bunwa o at naramyuk tagbia fag mangilafang at ngayan te, Rakab?

Isayas 53:1

Sinu at nafanud em foyungan? Ay dada Yawi at fagfasurean at fagmabalyananun?

Isayas 59:16

Yawi andulo sat nalag te, nusdi sadi we nagubuk ngay tagafalingunan. Nu katanya, kanya nafasure at fagmabalyananun nu gfalangfe ngay tagafalingunan. Ay aroro sat fagmatuyanun, nagubuk tua anya fagayu.

Isayas 62:1

Aroro kesug au Siun, kwa ban gfaragang nu garingang au yakmay at fagmatuyanun ay at fakalangfean kalag kata sik salung tagdamlag.

Isayas 63:5

Andulo au aroro nusdi sadi we nagubuk angku. Nu katanya, siginan ku fagmabalyananun au way lang at nafalangfe ku ngay taw. Ku dotama wan at nasugu angku laman gfaurianan au ku ngay fawayan.

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Lukas 2:30

aroro ku mata nalag wan em Tagfalangfe,

Lukas 3:6

Ay fagayu ban taw lumag Dius nu gfalangfe.

Fakamulun 13:47

Aroro tam Fun nasugu emi te, ‘Nawat au emu kata sik salung sas yud Udyu fag ngay taw, laman namoyung fakalangfean sas fagdaul daga.’ ”

Uswe 4:24

Kanya nafakamulun takatanya laman ngay taw sas fagdaul daga sumaful te, Yawi sik mabalyanan fag Dius, ay laman kabavn gsuyu tuam ay Dius Yawi.’ ”

At Nafasure 14:6

Ay sanya ginan nalag au sadi yak tagbarita nu glayug sis kiwang gbuba at Masine fag Barita at yud e fakatabuan, ay kanya gfoyung sas fagayu taw tagbanwan sas fagdaul daga, sas fagayu talun, ay sas fagayu kasugfunanan, ay sas fagayu fangaringang, ay sas fagayu gaban taw.

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”