Isayas 52:1 - Fanawbuid tagsibaliwas Fakayabian

¹ Furuan Siun, afuloi, alunggungi ay maksvni tua! Ay fasurei am fagmabalyananun, o at yud e malong fag furuan Erusalem, aroro at yud taw Israel, am natuyan te, masuya, wa ban gdog ya gsakbo sa emu.

Isayas 52:1 ပူးပေါင်းရင်းမြစ်များ

1 Krunika 16:29

Fauseganani Yawi, at mauseganan ay at matuyan fag famauseganan, ay bubai ngay famonun sat daga salubangan. Segi Yawi, aroro di e malong.

Nemyas 11:1

Ginanya fag buknga, taw Israel at ngay tagfangguna gbanwan sis furuan Erusalem. Ngay taw nafafidfilian laman siginan galay safuluk talanan mesa sadik talanan, at namanwan sas Erusalem, ay at siam banwani way sit mesa furuan.

Alubad. 110:3

Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

Nu Galin 28:2

Fawati at yud e mamalong fag ngay lanbung laman sam kaka Arun laman gfauseganan anya.

Nu Galin 28:40

Awati yangay tagtayuk at bilug fag ngay lanbung ay sik ngay famutus fagwan ay ngay sangbo laman sas Arun at ngay baguama laman ngay taw gtoglag tua gugat anya.

Isayas 1:21

Amatangani! Ebi furuan Erusalem sik matuyan oma fag furuan, ay katsi, kata way sik takamatugtug fag mangena. Ebi ngay taw tagbanwan sanya, matuyan oma, ay katsi, sik ngay takamabul way.

Isayas 1:26

Ay gdog kyay ban nanfili sik ngay tagwabilug ay sik ngay tagfalu longan laman sa ayu. Ay ay furuan ban kangayan te, sik matuyan ay tagkasakan fag furuan, aroro ngay tagbanwan sanya masine ay matuyan at ugali.”

Isayas 26:2

Luangi wan furuan at ngay sakbawan laman masakbo at matuyan fag ngay taw tagfaning Yawi.

Isayas 35:8

Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.

Isayas 4:3

Ay fagayu ban at kinsawad ay tagleleg yay sis Siun, at masuad, Erusalem fag furuan daul, Yawi ban gtuyan anya fagayu te, at matuyan fag ngay taw.

Isayas 48:2

Ay glong am te, am wan tagbanwan sit yud e malong fag furuan, ay gafanud am sas Yawi at Mabalyanan, Israel at Dius.”

Isayas 49:18

Damai sa am ligung; am ngay taw kafoli wan. Gfatuyanan au te, kafanud nu gleleg au, gfanagsag ban o anya fagayu kata sik mangena at nangadadwa at ke dalag.

Isayas 51:17

Furuan Erusalem, afuloi wan! Yawi at dotama kata sik fanlangu am nafamin, ay granranugan o.

Isayas 51:9

Yawi, gubuki wan emi. Fasurei am fagmabalyananun laman gfalangfe o emi. Gubuki emi kata ebi am nafakamulun sa emi. O nunda bunwa o at naramyuk tagbia fag mangilafang at ngayan te, Rakab?

Isayas 60:1

“Erusalem, alunggungi wan, ay yamagi kata menit, aroro andasug wan am tagfalangfe. Yawi ban at fagmabalyananun tagyamag emu.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 64:10

Am ngay furuan at yud e malong ay anggan furuan Erusalem kata wa sik talun yud e gbanwan.

Eremyas 31:23

Yawi at Mabalyanan, Israel at Dius glong te, “Gina kban nafafoli ngay taw Uda sat talun siginan at fagatabananan, kanya ban fagayu gdog yay glong te, ‘Yawi nangus gfadante at fagbanwanan fag buksul at yud e malong.’

Esekyel 44:9

Nu katanya, au, Fun Dius Yawi glong au te, nusnga sinu fag taw at yud gafanud sa angku tagsiginan tibak talun wa masakbo sa ku bale, dewa kanya fag taw gbanwan si ay talun.

Daniel 10:9

Ay nadungug au kanya fag taw nu garingang. Ay kaduge kanya garingang, ku amatanganan nalyam ay anlub au.

Uel 3:17

Yawi nalong te, “Ngay taw Uda, ginanya ban sumaful am te, au wan ay Dius Yawi tagbanwan sis Buksul Siun at yud e malong. Ay Erusalem ban umsik yud e malong, ay tiba bank talun at ngay tagfawayan wa manamawayan ya ayu.

Naum 1:15

Ngay taw Uda, banawani sa sangay buksul! Kadasug wan sik tagfoyung at masine fag barita tagfae fagmanabayanun ayu. Nu katanya, afuli useganani, ay fafasludani ay ngay fatuyanan sas Yawi, aroro at mauri fag ngay taw wa ban namawayan ya ayu, abat ngate, umkamin wan.

Agay 2:4

Ay dewa katanya, faksvni tua ay ngay amatanganan! Fataglayuni nu kawat am ku bale aroro gufud ktua gugat ayu. Au, Yawi at Mabalyanan, taglong tuy.

Sakaryas 3:4

Nu katanya, tagbarita glong sa tibak tagbarita tagsit salubangan te, “Buli wan Uswe at lanbung.” Sanya ginan, tagbarita glong sas Uswe te, “Nabul kwan am ngay asalanan. Ay katsi, namasulun au sa emu at masine fag lanbung.”

Mateu 4:5

Sanya ginan, Satanas nataban Isus sas Erusalem, at yud e malong fag furuan, ay nafalindug anya sas Dius at bale sat tiba tungud fag afud.

Lukas 15:22

“Ay at mama nasugu at ngay fagsuguan te, ‘Masakiti, bubai stae at masine fia fag lanbung, laman fantubus at lanbung. Fasuluni sik fanumyu sat sumyu ay fae lapaki anya.

Ruma 13:14

Suluni tam Fun Isus at nafon antam fag ugali, ay lag am gfaning ya ay bilug at fakaylatun.

Ruma 3:22

Dius natap fagayu taw kata nu yud e asalanan siginan nu gafanud sas Isus tam Fun, aroro Dius di e fagfili taw.

Efesu 4:24

ay fagfasiun ayu at bagu tua fag taw at kinkawat takata Dius, laman ay ugali matuyan tua ay di e malong.

Efesu 5:14

Ay at nayamagan matuyan nasasad mayamag. Kata sik longan te, “O fag taw tagtiug, afuloi wan, ay abangkadi siginans fakabulun, ay tam Fun Isus dumamlag emu.”

Efesu 6:10

Ay sas fakatabuan ku longan, maksvni tua nu masadi am sa tam Fun ay siginan at fagmabalyananun at gubuk.

At Nafasure 11:2

Ay lag o namasud ya sas Dius at ligung bale, aroro sanya nafon wan sa sangay taw at yud natoglag Dius. Ay kanya ban fag ngay taw nangiklas furuan Erusalem, kaduge ufatk safulu e duak magdanun.

At Nafasure 19:14

Ay at ngay tagfawayan tagsis banwa galo anya, gsakay sa sik malaksi fag ngay kabayu, ay galanbungan at masine fag lanbung, at masulo ay at mabakbakan.

At Nafasure 19:8

Ay nafasulun wan sa anya at masine fag lanbung, at masulo ay at mabakbakan.” (At masine fag lanbung at masuad, Dius at ngay taw at ngay fakamulun at masine.)

At Nafasure 21:2

Ay nalag au at bagu fag furuan daul Erusalem at yud e malong nu kadaga siginans banwa siginans Dius. Kanya fag furuan kata sik mangena at nangadadwa, at mafalganan wan namablang at fainduganan.

At Nafasure 21:27

Ay waban e gsakbo ya sanya nusnge wain at masuya, ay nusnga sinu fag taw tagfakamulun at maksvn nu mapla, ay fagayu takamuag. Tagsakbo ban sanya kayu way lang ban at ke ngayan at marirukan sis Tupa Riangan at fafil fagrirukan at ngay ke leleg ban.