Isayas 51:9 - Fanawbuid tagsibaliwas Fakayabian

⁹ Yawi, gubuki wan emi. Fasurei am fagmabalyananun laman gfalangfe o emi. Gubuki emi kata ebi am nafakamulun sa emi. O nunda bunwa o at naramyuk tagbia fag mangilafang at ngayan te, Rakab?

Isayas 51:9 ပူးပေါင်းရင်းမြစ်များ

Ub 26:12

Siginan at fagmabalyananun mafaragang way lugwak, ay siginan at fagsafulun nababo ule daul at ngayan te, Rakab.

Ub 9:13

Dius nu ndotama wa gfaragang ya. Dewa Rakab fag fagsegan takatas ule daul at ngay fagsuguan garungan nu kalimu Dius.

Alubad. 21:13

Yawi, gseg ami emu, aroro sam fagmabitsugun. Galubad ami sa emu ngay alubad at mauseganan, aroro sam fagmabalyananun.

Alubad. 44:1

Dius, nadungug ami siginan em ngay mangaguyang am nafakamulun sa anya gina yay kanya fagayu gleleg.

Alubad. 44:2

Siginan am fagmabalyananun, naiyan o tibak gaban taw at yud gafanud sa emu siginan at furuan, ay nafaurianan o anya fagayu. Dewa katanya, nafabanwan tuo sanya em ngay mangaguyang, ay nafae ramraman tuo.

Alubad. 44:23

Ku Fun, fakamuluni wan! Wain am fagyudun gfakamulun wan? Bunwa ban nangus kabavn nu gaiyan o emi.

Alubad. 44:24

Wain am fagsuksuanun emi, ay am fagyudun kasalag em ngay fagidapun? Wain am fagyudun gfaragang ngay taw nu gfaurianan emi?

Alubad. 59:4

Kdoma e nafakamulun at mauri, dewa katanya kanya fagayu mafalganan laman namawayan angku. Yawi, at Mabalyanan fag Dius, ay Israel at Dius, fakamuluni wan! Faurianani wan tibak talun at ngay taw at yud gafanud sa emu. Lag o kafanyu ya takamuag fag ngay taw.

Alubad. 7:6

Yawi, falagi wan am dotama sa ku ngay fawayan takauri angku. Ay fasurei am fagmatuyanun.

Alubad. 77:5

Gamatang kway gugat at kinlangfe fag ngay menit ay fag ngay banwa.

Alubad. 78:65

Dewa katanya, Fun Dius kata sik taw at bagu kafulo, ay kata sik mabitsug fag taw at kinseganama aroro nainum fanlangu.

Alubad. 87:4

Glong te, “Nu nanriruk kway ro ngay talun tagtoglag angku ay at kinsik ngay taw Erusalem, ku fagrirukun ro: talun Igiptu, talun Babilunya, ay griruk kyangay ro anggan ngay taw Filistia, ay ngay taw Tiru, ay ngay taw Etiupya. Ay gtuyan kyangay ban te, ‘Anggan kanya fagayu kata nu kasalug sis Erusalem.’ ”

Alubad. 89:10

Siginan am fagmabalyananun, nafabul o ay narufa ule daul at nafangayan te, Rakab, ay nababo o am ngay fawayan.

Alubad. 89:11

O way tagagbilug banwa ay daga, ay o yangay at nawat fagayu tagsis fagdaul daga.

Alubad. 93:1

Yawi, o wan em Fun at ke fagmasineun ay at mabalyanan. O wan at nawat fagdaul daga, nu katanya, di gbadbalian.

Nu Galin 6:6

“Nu katanya, longi sa sangay taw Israel te, ‘Au wan Yawi. Gfalfas kban ayu siginans fagidapun ay siginan nu gafagsuguanan am sa sangay taw Igiptu. Siginan ku fagmabalyananun, maksvn fag faurianan ku fagnamadasugun sa sangay taw Igiptu. Ay gfalangfe kban ayu.

Isayas 27:1

Ginanya ban, Yawi gbitbitan at mabalyanan at maruk fag fiso laman namabul Libyatan, kafag ule daul tagalafang sasad dagat.

Isayas 30:7

Kanya fag talun, Igiptu wan, at yud e tungkul fagayu at gubuk. Nu katanya, gfangayan au anya te, “sik tagbia fag mangilafang at yud e tungkul.”

Isayas 51:17

Furuan Erusalem, afuloi wan! Yawi at dotama kata sik fanlangu am nafamin, ay granranugan o.

Isayas 51:5

Munakbang wan nu gfon au ayu fagmasineun. Wa ban glugo ya nu namalangfe au ayu. Namagtainan kban sas fagayu talun at taw. Ay anggan ban tagsi tangayayu fag ngay furuan gsarig sa angku, ay gfanya ku fagmabalyananun nu kadasug.

Isayas 52:1

Furuan Siun, afuloi, alunggungi ay maksvni tua! Ay fasurei am fagmabalyananun, o at yud e malong fag furuan Erusalem, aroro at yud taw Israel, am natuyan te, masuya, wa ban gdog ya gsakbo sa emu.

Isayas 52:10

Yawi namalag at fagmabalyananun yud e malong sas fagayu talun at ngay taw, ay fagdaul daga lumag Dius nu gfalangfe.

Isayas 53:1

Sinu at nafanud em foyungan? Ay dada Yawi at fagfasurean at fagmabalyananun?

Isayas 62:8

Yawi nafatuyanan te, namakamulun takatanya siginan at fagmabalyananun. Ay kanya nalong te, “Kwa ban gfon ya ay ngay trigu sa ay ngay fawayan tagsiginan tibak talun. Ay kanya ban fagayu wa nanginum ya ay ngay wat ubas at mamam, ay nainlufuyan.

Esekyel 29:3

‘Au, Fun Dius Yawi, glong au te, Faraun, Igiptu at fun, o wan ku fawayan. Kata o sik aktat daul at masurungan sisad liskung. Ay longi yangay te, o wan tagagbilug Liskung Nilu laman am fagnangigusan.

Mikas 7:15

Fasurei sa emi at ngay madulo kata ebi am nafakamulun, gina o gfalfas emi siginans talun Igiptu.

Abakuk 2:19

Afanyuan am, tagdarangin sa sangay fagsegan te, ‘Mafuloani ay gubuki emi.’ At matuyan, kanya wa mafoyung ayu. Kanya fagayu dewa masifigan gintu ay salapi, wa gleleg.

Abakuk 3:13

Siginan takatanya, nafalangfe o am nafili fag ngay taw, ay at mauri fag talun at tagfangguna nafabul wo, anggan at fagfanggunaun fag ngay taw.

Sakaryas 10:11

Ay at fagidapun ban dewa kadaul sdagat malangfe tua, ay dewa dagat maksvn nu glugwak ummanabayan yay, ay umlanggang Liskung Nilu at fagngabasadan. Asirya ban we fakamanagsagun ya, ay Igiptu ban we fagmabalyananun ya.

Sakaryas 2:13

“Fagayu am maragangani sis Yawi at daga salubangan, aroro kanya kadasug siginan at fagbanwanan at yud e malong.”

Lukas 1:51

Dius nafalag at mabalyanan fag fakamulun. Ay kanya naiyan wan fagayu takamatungudun sat amatanganan.

Uan 12:38

Nu katanya, anfasludan Dius at taglong Isayas at longan te, “Ku Fun, sinu at nafanud sa em foyungan, ay dada tam Fun nu gfasure at fagmabalyananun?”

Fakamulun 7:7

Dewa katanya, namaurianan kban kafag talun at ngay taw tagfagsuguan ayu, ay am ngay kasugfunanan ban lumao sanya ginan ay kafoli stie fag talun laman nanseg angku.’

Deuterunumyu 4:34

O nunda e tibak dius at nafaskud gbul sik gaban taw siginan sik talun laman at ngay taw, siginan ngay famaskud, ay at madulo fag ngay fakamulun, ngay awayan ay at mabalyanan fag ngay fakamulun? Dewa katanya, ay Dius Yawi nafakamulun takatanya sis talun Igiptu, ay am wan at nalag takatanya.

At Nafasure 11:17

Ay glong te, “Dius em Fun at mabalyanan sas fagayu, o wan Dius siginan ebi sfakasigadan ay dasug katsi. Guseganan ami sa emu aroro nagbilug wo am maksvn fag fagmabalyananun ay gfasigad wo gfagtainan.

At Nafasure 12:9

Ay e naukas ule daul, at madanama fag ule at ngayan te, Takamuag, ay Satanas, tagdaya sas fagdaul daga at taw. E naukas anya sas daga, gasfuan at ngay tagbarita.

Tagfangguna 6:13

Gidyun gbalus te, “Yawi nangus nu si tua emi, wain fakatatuyun em kayaunanan? Wain kanya at fagyudun gfakamulun at madulo kata ebi at nafakamulun gina gfalangfe em ngay mangaguyang siginans talun Igiptu? Katsi Yawi nafabayan wan emi ay nafon sa sangay taw Midyan.”