Isayas 51:6 - Fanawbuid tagsibaliwas Fakayabian

⁶ Tangdai sas banwa, ay damai sas fagdaul daga. Banwa umkalyam kata sik anus, ay fagdaul daga umrasras kata sik lanbung, ay sanya fag ngay taw umbul masakit kata ngay lango. Ay dewa katanya ku fagnamonun fag fakalangfean gtaglayun tua ban gugat, ay ku fagmasineun ban di e fakatabuan kabavn.

Isayas 51:6 ပူးပေါင်းရင်းမြစ်များ

Alubad. 103:17

Dewa katanya, di e fakatabuan Yawi nu kesug ngay taw tagsuyu ay tagfaning at nasadian, ay tagamatangan tua gugat at ngay suguan. Ay gfataglayun yangay ban at fagmatuyanun anggan sa kafag ngay taw at ngay kasugfunanan.

Alubad. 111:3

Fagayu at fakamulun gfalag te, mabalyanan ay masine. Ay at fagmatuyanun ban katanya tua gugat.

Isayas 13:13

Nanguig kban banwa ay fagdaul daga. Ay ginanya ban fag menit, namakamulun au takatanya laman namasure au ku maksvn fag dotama.

Isayas 33:6

Kanya wan tagbakvd ayu, ay gdiri wa fia ayu ay namon ayu sik fagmamatanganun ay fagsafulun. Ay at mafanud tua fag fagmaramramanun, tagsuyu tua Yawi.

Isayas 34:4

Fagayu nusnge wain tagsis banwa umtinas wan, ay banwa mafabilugan kata sik fafil. Ay fagayu galeme umtong wan kata sik ngay don ubas at kinlangke, ay kata sik ngay rawvg kayu at kin-gong.

Isayas 40:26

Tangdai sas banwa! Sinu nunda at nawat ngay galeme? Dius wan at nawat kanya fagayu, ay gfasadsadian gfasure gina glong at mesa ngayan. Ay siginan at fagmabalyananun, nusdi sadi di e nalyam.

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Isayas 50:9

Dungugani! Yawi tam Fun ku taggubuk. Sinu at malong te, e asalanan au? Kanya kata way sik lanbung takadan, fatung at naon.

Isayas 51:8

Aroro takatanya fag ngay taw kata way sik lanbung, ulud at naurit. Ay dewa katanya ku fagmasineun gtaglayun tua ban kabavn, ay namalangfe au fagayu kasugfunanan.”

Isayas 54:10

Ngay buksul ban ay ngay fungsu dewa anbaras wan, nu kesug kban emu di kabali, ay di ban e fakatabuan ku fatuyanan sa emu te, gfae fagmanabayanun kban emu. Au wan Yawi taglong tuy.

Isayas 54:9

Nu sa angku, katsi kata ebi gina au gfatuyanan sas Nui te, kwa ban gdog ya gfae lino sas fagdaul daga. Ay kdi ban kadotama ya ay namaurianan ayu.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Mateu 24:35

Banwa ay daga kalyam way ban, dewa katanya, ku longan ban sanya tua gugat kabavn.

Uan 5:24

“Matuyan nu glong au ayu te, nusnga sinu tagdungugan ku longan ay tagafanud sat nasugu angku, e leleg tua at yud e fakatabuan. Ay kanya di ban gafaurianan nu bunway anlangfe siginans fakabulun ay mul leleg at yud e fakatabuan.

Deuterunumyu 4:19

Lag am galo sa tagseg nusnge wain tagsis banwa kata menit, magdanun, ay ngay galeme. Yawi nafasanya kanya fagayu laman sas fagayu tagbanwan sis fagdaul daga.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

Ebreu 9:12

Dius at Nafili sadi ginan way gsakbo sat Mafasamanan Fia fag Suluk, ay ansak wan. Ay gina kanya gsakbo at buba bunwa kambing ay baka riangan at taguk, nu bunway at sadili tua taguk, ay nafon tua sa antam sik fakalangfean at yud ban e fakatabuan kabavn.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.