Isayas 51:5 - Fanawbuid tagsibaliwas Fakayabian

⁵ Munakbang wan nu gfon au ayu fagmasineun. Wa ban glugo ya nu namalangfe au ayu. Namagtainan kban sas fagayu talun at taw. Ay anggan ban tagsi tangayayu fag ngay furuan gsarig sa angku, ay gfanya ku fagmabalyananun nu kadasug.

Isayas 51:5 ပူးပေါင်းရင်းမြစ်များ

Alubad. 110:6

Ay gfaurianan yangay ban tibak talun at taw, gasfuan ngay fun sas fagdaul daga. Ay ngayu ban at mabulan sat ngay talun.

Alubad. 67:4

Ngay taw sas fagdaul daga guseganan ay galubad, aroro matuyan nu ginsaful o anya fagayu, ay gtabanan tuo gugat.

Alubad. 85:9

Anud, kanya mafalganan gugat gfalangfe fagayu tagsuyu anya, laman gfalag te, at fagmabalyananun si tua antam ay si tam talun.

Alubad. 96:13

sis Yawi at daga salubangan, aroro kanya kadasug wan, laman namagtainan ngay taw sas fagdaul daga, kata at fagmatuyanun.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 24:15

Nu katanya, fagayu taw tagbanwan sas fakamenitan ay tagbanwan sa sangay tigyangan dagat, segi Yawi, Israel at Dius.

Isayas 26:4

Fagayu am afanudi tua gugat sas Yawi, aroro kanya wan sik gang tam fagsarirungan kabavn ban.

Isayas 33:2

Yawi, afanyui emi aroro gafanud tuami sa emu. Fabitsugi emi kayu menit, ay falangfei emi gina ami gidapan.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Isayas 40:10

Yawi tam Fun kadasug, ay namagtainan e fagmabalyananun. Kanya kadasug wan gbuba at ngay famonun sat ngay taw.

Isayas 42:4

Kanya ban di kamomuy ay di umyud e fagsegun yakmay ban nafae fagmatuyanun sas fagdaul daga. Anggan ngay taw tagsiginan tangayayu fag ngay talun tagsis wabilug dagat gfanya at ngay foyungan.”

Isayas 46:13

Wa ban glugo, namae fagmatuyanun au furuan Erusalem. Munakbang wan nu gfalangfe au, ay namae fagusegananun kban taw Israel.

Isayas 49:1

Dungugani angku, am tagbanwan sa tangayayu fag ngay talun sis wabilug dagat: Gina au yud ansalug, Yawi nafili angku laman at fagsuguan.

Isayas 54:17

We mababo emu nusnga setaw fag famawayan, ay mabalus tuo nusnga sinu tagfalingun emu. Kanya wan ku famonun sa ku ngay fagsuguan, ay namababo kban anya fagayu. Au, Yawi, taglong tuy.”

Isayas 56:1

Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Isayas 59:16

Yawi andulo sat nalag te, nusdi sadi we nagubuk ngay tagafalingunan. Nu katanya, kanya nafasure at fagmabalyananun nu gfalangfe ngay tagafalingunan. Ay aroro sat fagmatuyanun, nagubuk tua anya fagayu.

Isayas 62:11

Dungugani! Yawi nafabuba sik foyungan sas fagdaul daga, glong te, “Longi sa sangay taw Israel te, at Tagfalangfe andasug wan, ay gbuba ngay famonun.”

Isayas 63:5

Andulo au aroro nusdi sadi we nagubuk angku. Nu katanya, siginan ku fagmabalyananun au way lang at nafalangfe ku ngay taw. Ku dotama wan at nasugu angku laman gfaurianan au ku ngay fawayan.

Uel 3:12

Yawi nalong yay fia te, “Fasafuli sa sangay taw tagsiginan tangayayu fag ngay talun te, loi sas datag Eusafat ay sanya nu namaurianan au anya fagayu.

Sefanias 2:11

Yawi namadulo anya fagayu siginan nu grufa fagayu fagsegan sas fagdaul daga. Nu katanya, ngay taw sa tangayayu fag ngay talun sumeg yangay Yawi sit mesa talun.”

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Mateu 3:2

“Ubuni ay ngay asalanan, aroro munakbang wan Dius sas banwa nu gfagtainan taw.”

Markus 16:15

Ay Isus nalong sat ngay tagadal te, “Loi wan sas fagdaul daga, ay namoyung am at Masine fag Barita sas fagayu taw.

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Fakamulun 17:31

Aroro Dius nafalganan wan sik menit laman nanginsaful taw at asalanan, siginan at nafili fag taw. Kanya nafatuyan takatanya sas fagayu taw siginan nu gfadog gfaleleg at nafili fag taw.”

Ruma 2:16

Gfaning ku foyungan sa ayu sabaliwa at Masine fag Barita te, matuyan ginanya ban fag menit Dius gfadasug at faurianan siginan tam Fun Isus, laman gfaurianan fagayu taw kata at mesa nasuksuk fag ngay fakamulun.

2 Kurintu. 5:10

Aroro galay ban tam at sadi nangalindug tam sa tam Fun Isus at daga salubangan. Ay kanya nanginsaful te, o e asalanan tam, laman mul tam at famayad sas fagayu tam nafakamulun at masine ay at mauri kaduge tam gleleg ste swa daga.

Deuterunumyu 30:14

Kanya fag ngay suguan si wa ay ngay bibig ay ay ngay amatanganan, nu katanya, faningi fia.

1 Samwel 2:10

Kanya gfabul at ngay fawayan, ay gfae lingsi laman namaurianan takatanya fag ngay taw. Yawi wan tagwabilug sas fagdaul daga. Ay at nafili fag fun gbabo tua ban gugat ay mabalyanan.”