Isayas 51:4 - Fanawbuid tagsibaliwas Fakayabian

⁴ Ku ngay taw, dungugani angku. Ku talun at ngay taw, dungugani angku. Namon au ayu ku ngay suguan, ay kanya umkata sik salung sas fagayu talun at taw.

Isayas 51:4 ပူးပေါင်းရင်းမြစ်များ

Alubad. 106:5

laman anggan au, kataip kyangay sam nafili fag ngay taw at fagmanabayanun, ay sat fagusegananun. Kaylat kyangay gfauseganan emu gfasfuan am nafili fag ngay taw.

Alubad. 147:20

Kanya wa nafakamulun takatanya sa tibak talun. Nu katanya, kafag ngay talun at taw wa saful at ngay suguan. Segi Yawi!

Alubad. 33:12

Mauseganan sik talun at ngay taw, at Dius nu Yawi tua. Ay mauseganan at nafili fag ngay taw aroro anya wa fia.

Alubad. 50:7

Dius gdog yay glong te, “Ku ngay taw, dungugani ku fagnanlongun! Ngay taw Israel, au wan ay Dius. Au wan tagfatuyan te, e asalanan am!

Alubad. 78:1

Ku ngay kaiban, dungugani ku ngay foyungan.

Nu Galin 19:6

ay am wan ku nafili fag ngay taw, ay umkata ban am sik fagfagtainanan tagfon fanggalangun ay sik gaban taw at mafasamanan sa angku.’ Nanlong o tuy sa sangay taw Israel.”

Nu Galin 33:13

Nu mafanud tua te, guseganan o angku, foyungi sa angku ku fakamulun laman gtoglag au emu ay laman gtaglayun nu guseganan o angku. Amatangani te, tuy fag furuan am ngay taw.”

Fangatulun 6:23

Aroro am ngay fagtainan at ngay foyungan ay at ngay suguan kata sik salung gyamag sam dalan, ay at ngay famararang gfoyung emu sat matuyan fag ugali, laman sam fagmasineun ay nu nafafaning tua ban o, ngaduge tua ban nu gleleg o.

Isayas 1:27

Aroro sit kamatuyanan, furuan ban Erusalem, umlangfe, ay fagayu ban at nafababaun ay naubun at ngay asalanan umsik matuyan.

Isayas 2:3

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Isayas 26:2

Luangi wan furuan at ngay sakbawan laman masakbo at matuyan fag ngay taw tagfaning Yawi.

Isayas 26:8

Yawi, nafaning wami fagayu am ngay suguan, ay gafanud wami sa emu. Em fakaylatun namauseganan wami emu.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Isayas 42:21

Yawi kaylat gfalag te, at faugali mabalyanan ay masine, laman gfasaful sas fagayu taw te, kanya matuyan.

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 55:3

Akbangi ay dungugani angku laman gleleg tuam. Nangawat au sik nasadian laman sa ayu, ay wa ban e fakatabuan. Kafanyu kban ay kesug ayu kata ku nafatuyanan sas Dabid!

Isayas 63:8

Yawi nalong te, “Matuyan kanya fagayu ku ngay taw, ay ku ngay sisian at yud nafamabo angku.” Nu katanya, Yawi nafalangfe anya fagayu.

Mikas 4:2

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun tagsis furuan Erusalem.

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

1 Kurintu 9:21

Ay katanya yangay kaduge au gfadgaloan yud Udyu fag ngay taw, at yud gfaning Muisis at Faugali, kwa yangay gugali gfaning kafag Faugali, laman mafataban au anya fagayu sas fagafanudun. Bunwa te, kwa gfaning ya Dius at faugali, nu bunway aroro gfaning au tam Fun Isus at faugali.

Deuterunumyu 18:18

Nanfili kban sik taglong kata emu siginan kafag ngay taw at kaiban, ay glong kban sa anya ku fagyalongunun sa anya fagayu.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.