Isayas 51:20 - Fanawbuid tagsibaliwas Fakayabian

²⁰ Kanya fagayu kalufuy ay mataygilid sa sangay sagbatan, kata sik ngay arasyo at kinsiuk sa sik sangdaw. Yawi at maksvn fag dotama andasug sa anya fagayu. Am Dius nasalag anya fagayu.

Isayas 51:20 ပူးပေါင်းရင်းမြစ်များ

Isayas 29:9

Am fag ngay taw Uda, katai yud e nasafulan. Katai yud glag. Alangui ay ranranugani, bunwa aroro nainum am fanlangu.

Isayas 40:30

Ngay baguama kamomuy yangay ay kalufuy ay kataid,

Isayas 49:26

Namaon kban sa sangay taw at nafalingun emu at sadili bilug, ay kanya ban fagayu umkata sik ngay tagalangu aroro nainum at sadili taguk. Nu katanya, fagayu ban taw sumaful te, au wan Yawi, at nafalangfe ay at nafalfas emu, Akub at Dius at mabalyanan.”

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 51:17

Furuan Erusalem, afuloi wan! Yawi at dotama kata sik fanlangu am nafamin, ay granranugan o.

Isayas 51:21

Nu katanya, dungugani am tagidapan, ay takaranug dewa am yud galangu.

Isayas 66:15

Dungugani! Yawi kadasug wan, gbuba afuy. Kanya gsakay sit ngay famawayan fag ngay faguyudan ay kata sik fulug tagbaribungan. Kanya namalag at dotama sat ngay fawayan, ay namaurianan anya fagayu siginan sik igang.

Isayas 8:21

“Kanya ban fag ngay taw lumao nusnga nday fag afud talun Israel, ginlufuyan ay ginlunusan. Nu katanya, kanya ban fagayu umdotama ay lumong at maksvn nu mauri sat fun ay sat ngay fagsegan. Ay kanya ban fagayu dewa natangda sas banwa

Eremyas 14:16

Ay e nangukas ban sas furuan Erusalem at ngay dalan at ngay kinbul at nafanud sanya fag ngay taglong. Kanya ban fagayu umbul sas awayan ay sas fanlunus. Wa ban e namoli ya at ngay mangena ay at ngay sisian. Ay namadasug kban sa anya fagayu at kasakan fag faurianan.

Eremyas 14:18

Ay nu nalao au sas fagtanuman ay sas furuan daul, nalag au at ngay kinbul sis awayan ay sis fanlunus. Ngay taglong ay ngay takamoyung gfataglayun nu gfakamulun, dewa katanya, wa saful at ngay fakamulun.’ ”

Takabalu 1:15

Fun Dius naiyan ku ngay tagfawayan siginan ku daga salubangan. Ay kanya nafaful ku ngay fawayan laman namabul ku ngay tagfawayan at mabaguama. Fun Dius nafamin ngay taw Uda kata nu gturis ubas at rawvg sis fagturisan.

Takabalu 1:19

Naet au gubuk sa ku ngay fasudsunan, dewa katanya, kanya fagayu natalyuyan way angku. Ku ngay tagfon fanggalangun ay ku ngay fagtainan furuan, anbul wan gina grvbvy at ngay fakonun laman gfataglayun gleleg.

Takabalu 2:19

Afuloi sis buknga yabi ay eti gubuk sas Fun Dius. Ay longi wan sa anya fagayu ay fagamatanganun, fakatai nu gbusbus am mamam. Ay darangini fabati ay ngay take laman sa ay ngay sisian at mamomuy kalunus tagsi sangaba dalan.

Takabalu 4:11

Yawi andotama maksvn furuan Erusalem, ay kanya nairug kafag furuan anggan at ngay fagfatungkudan turuk.

Takabalu 4:2

Ebi, kanya fagayu dewa kata sik gintu, katsi kata way lang sik tikung at mawatan siginans lifak.

Takabalu 5:13

Em ngay baguama nafabulunan gfakamulun si sangay faglubukan kata sik ngay fagsuguan, ay nafabuba sa em ngay munama at mabyat fag ngay kayu.

Esekyel 12:13

Dewa katanya, ggamat kban anya kata sik mangilafang ay nantaban sas talun Babilunya sa sangay taw Kaldea at talun. Dewa katanya, kanya ban wa glag, ay sanya waban nu kabul.

Esekyel 17:20

Nanggamat kban anya ay nantaban sas Babilunya ay kanya ban gafaurianan sanya, aroro nafamabo angku.

Esekyel 39:19

Ay ginanya yangay ban, kon am taba yakmay am ansuya, ay ginum ban am taguk yakmay am nalangu.

Deuterunumyu 28:20

Ay gasagsagan ban am ay kalyam sas fagayu ay fakamulun, yakmay ban am ankamin ay umkalyam, aroro nafamabo am anya.

At Nafasure 14:10

kanya ban fag ngay taw nanginum yangay fanlangu, at masuad te, Dius at fandotaman. Ay gfaurianan ban anya fagayu sas asupri, sis salubangan Tupa at Riangan ay sis Dius at ngay tagbarita.