Isayas 51:14 - Fanawbuid tagsibaliwas Fakayabian

¹⁴ Wa glugo ya at ngay maubungan kalfas wan. Ay wa ban umbul sit fakaubungan, ay di ban kamin at fakonun.

Isayas 51:14 ပူးပေါင်းရင်းမြစ်များ

Esra 1:5

Yawi nafamatangan tibak taw Israel laman kafoli sas Erusalem. Nu katanya, kanya fagayu nafalganan laman nangawat Yawi at bale. Ay galo yangay sanya Uda ay Benamin at ngay kasugfunanan, anggan ngay tagfon fanggalangun, ay ngay taw Lebi.

Isayas 30:20

Tam Fun Dius kata nu nafainum ayu ay nafaon sik ngay faurianan ay fagidapun. Kanya dewa nafakamulun takatanya sa ayu, kanya wan ay takamoyung ay di sumuksuan ayu. Lumag wam fia anya,

Isayas 33:6

Kanya wan tagbakvd ayu, ay gdiri wa fia ayu ay namon ayu sik fagmamatanganun ay fagsafulun. Ay at mafanud tua fag fagmaramramanun, tagsuyu tua Yawi.

Isayas 48:20

Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Isayas 49:25

Dewa katanya, Yawi nabalus te, “Kin, mafalangfe tuo am ngay fawayan at ngay nataban, ay manamul yay o at nabul fag ngay ramraman. Namawayan au at nafawayan emu ay namalangfe au am ngay taw.

Isayas 52:2

Erusalem, malindug o ay fagfagi am dafugun sim bilug, ay dogi funani, ay alfasi siginan am fagmasiukanun.

Eremyas 37:16

Kanya fagayu nafasakbo Eremyas sa tangabasad fag suluk ay kanya glugo wan nu sanya.

Sakaryas 9:11

Yawi nadog yay nalong te, “Ay am fag ngay taw Israel, namalfas au at ngay natabanan si ayu. Kanya fagayu kata sik ngay taw at nafatong sa sik bubun at yud e mamam. Namalfas au anya fagayu aroro sa ku nasadian ku nawat sa ayu, ku nafaksvn siginans taguk.