Isayas 51:13 - Fanawbuid tagsibaliwas Fakayabian

¹³ O wam gamatang ya angku? Au oma at nawat ayu. Au wan at narafad banwa ay au yangay at nawat fagfatungkudan fagdaul daga. Wain ay fakalimuun yay gugat ngay taw takadotama ay tagfalingun ayu? Ay kanya ban fagayu wa kadotama ya ayu, laman di e gfaurianan ya ayu.

Isayas 51:13 ပူးပေါင်းရင်းမြစ်များ

Ester 5:14

At mangena ay at ngay fagadgalangan nalong anya te, “Fawati sik fagrabingan duak safulu e tuluk sangbada at kabatan. Ay balabag ban sbalabag, nanget o sas fun te, rabingi Mardukyu laman mabayan tuo fia gfadgaloan tam fun sat nafalganan fag yafun.” Nu katanya, Aman nafawat sik fagrabingan.

Ester 7:10

Nu katanya, kanya fagayu narabing Aman sat nafalganan fag fagrabingan laman sas Mardukyu. Ay fun at dotama nalyam wan.

Ub 37:18

O magubuk ro wo Dius nu gfae linyabu, katugas sik taganyang fag salaming tansu?

Ub 9:8

Kanya tua at narafad banwa ay at mafaragang lugwak.

Alubad. 104:2

Yamag gsifig emu kata am lanbung, ay nawat o banwa laman am fagbanwanan.

Alubad. 106:13

Dewa katanya, kanya fagayu masakit nalyam Dius at ngay nafakamulun, ay wa nafanya ya at ngay foyungan.

Alubad. 76:10

Dius, nu kadotama o ngay taw dewa maksvn, takatanya, gfaksvn way laman ngay taw gfauseganan emu! Ay nagbilug o kafag ngay taw at dotama laman am famawayan.

Isayas 10:24

Nu katanya, tam Fun, Yawi at Mabalyanan glong te, “Ku ngay taw tagbanwan sis Siun, lag am kalimu ngay taw Asirya at nafaidapan ayu kata ebi ngay taw Igiptu nu gfaidapan ayu.

Isayas 14:4

namalingun ban am Babilunya at fun. Katatuy ban ay nalong: “Katsi nababawan wan ebi fag fun takamaidapan, ay anragang wan nu kamalingun.

Isayas 16:4

Fabanwani emi si ay talun ay balabagi emi siginan sa ngay taw takaylat namabul emi.” Takamalingun ay takamabul umkalyam wan, ay wa ban e gfawayan ya talun Israel.

Isayas 17:10

Ngay taw Israel, umfasludan ban sa ayu takatanya, aroro nalyam am Dius tagfalangfe ayu, ay fagsarirungan fag gang. Nu katanya, ay fananum dewa at mafilian fia, kata way sik ubas siginan tibak talun,

Isayas 40:21

O nunda yam nasaful ay yam batang gdungug? O nunda ye nafoyung ayu siginans fagsigadan? O yam natogdungug siginan ngay nu kawat fagdaul daga?

Isayas 40:22

Dius malunggung sit fagbanwanan sis tungud fagdaul daga ay gfunan, ay nu glag at ngay taw ste swa daga kata way sik ngay fitfit. Kanya nawat banwa kata nu narafad sik umut, ay kata nu kawat sik bale ramit laman ngay taw at fagbanwanan.

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Isayas 43:1

Israel, katatuy Yawi, at nawat emu, at fagyalongun sa emu: “Dangay o kalimu aroro namalangfe au emu. Nauro au am ngayan, ay au wan am tagagbilug.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 45:12

Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’

Isayas 45:18

Yawi, o at nawat banwa ay fagdaul daga. O wan Dius. Wo nawat fagdaul daga way ro e gleleg, nawat o kanya laman e gbanwan. Ay nalong o te, “Au wan Yawi, sas day angku we tibak dius.

Isayas 48:13

Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.

Isayas 49:26

Namaon kban sa sangay taw at nafalingun emu at sadili bilug, ay kanya ban fagayu umkata sik ngay tagalangu aroro nainum at sadili taguk. Nu katanya, fagayu ban taw sumaful te, au wan Yawi, at nafalangfe ay at nafalfas emu, Akub at Dius at mabalyanan.”

Isayas 54:14

Ay umkaksvn tua ban o aroro am ngay taw ban at ugali matuyan tua. Ay am ngay fawayan ban lumagyu emu, nu katanya di ban am e fakalimuun ya, ay kanya ban fagayu wa manangakbang ya sa emu laman namalimu.

Isayas 57:11

Yawi nalong te, “Sinu fia ay fakalimuun fag ngay fagsegan laman kamuag am sa angku? Nalyam wam angku ay wam gamatang ya. Wain ay fagyudun gsuyu angku? O siginan nu yud au garingang ngaduge fag buknga?

Isayas 7:4

Nanlong o sa anya te, ‘Madiriani tua laman di o kalimu. Ay manabayani tua am amatanganan. Lag gafanawa dewa fun Peka ay fun Resin maksvn nu kadotama emu. Aroro kanya fag dua kata way sik famaygang takanus at yud e afuy ya.

Isayas 9:4

Aroro gfalfas ban o am ngay taw siginan nu gafagsuguanan. Ay namalfas ban o anya fagayu kata ban sik ngay fagbaugun, nanlifung ban o at ngay fantungud liug ay anggan at famalang anya fagayu. Namakamulun ban o takatanya, kata ebi am nafakamulun gina o gbabo ngay taw Midyan.

Eremyas 2:32

O sik baguina kalyam at ngay dalag taganyang ay at fangadadwa fag lanbung? Ku ngay taw oma am, dewa katanya ngaduge wan nu yud am gamatang ya angku.

Eremyas 38:19

Ay fun Sedekya glong sas Eremyas te, “Kalimu au ngay taw Udyu at nafadiuganan sa sangay taw Babilunya, aroro ngay taw Babilunya mafon angku sa anya fagayu ay kanya fagayu mafauri angku.”

Eremyas 41:18

Aroro kanya fagayu kalimu ngay taw Babilunya aroro Ismael nafabul Gedalya, Babilunya at fun at nafili fag fun sirut sas fagdaul talun Uda.

Eremyas 51:15

Siginan Yawi at fagmabalyananun ay at fagsafulun, kanya nawat banwa ay fagdaul daga.

Eremyas 51:19

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Daniel 3:15

Katsi gsugu au ayu te, nung ro am nadungug ngay fagfawangun at awang, malubi ay segi ku nafawat fag fagsegan. Ay nu dway ro am gseg, gsugu kro te, ukasi ayu sa sik faygangan daul. Sumaful ro tam te, o anud e dius at mafalangfe ayu.”

Daniel 3:18

Em fun, deyud ro nafalangfe emi, kaylat ami nu saful o te, wami gseg sam nafawat fag fagsegan.”

Daniel 3:19

Aroro siginan kafag tulu at famalus, fun ankaksvn nu kadotama ay kalag sit kamatan. Nu katanya, kanya nasugu te, “Faugati yap at faygangan fitu ginan nu masugba.”

Fakamulun 12:23

Ay arodi vtv tam Fun at tagbarita at sadi nafaurianan Erudes, aroro kafag fun nu kamatungudun wa sas Dius. Ay ulud naon anya ay anbul wan.

1 Kurintu 1:20

We tungkul ya at ke fagsafulun, ay tagfoyung Muisis at Faugali, ay at kinnanad kamabadbaboan katsi fag buknga. Dius nafasaful te, we tungkul ste swa daga fag fagmamatanganun.

1 Kurintu 15:55

“Fakabulun, dada wan am fagmababoun? Fakabulun, dada wan am fagmabalyananun?”

Deuterunumyu 32:18

Kanya fagayu wa gamatang ya at tagfalangfe fag Dius, at fagnansarigan fag gang at nawat anya fagayu.

Deuterunumyu 6:12

Tuyani te, wa ban am kalyam Yawi, at nafaduksun ayu siginans talun Igiptu nu inda nu gafagsuguanan am.

Deuterunumyu 8:11

Dirii tua laman ban diam kalyam Yawi, ay lag am kamabo at ngay suguan ay at ngay faugali ku nafon ayu katsi fag menit.

Ebreu 11:15

Ay kanya fagayu at fagamatanganun nu sa yay ebi at fagbanwanan fag talun, e buknga yay kafoli.

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.

At Nafasure 20:9

Ay kanya ban fagayu grapyagan glao sas fagdaul daga ay gligung Dius at ngay taw at fagbanwanan, at mesug fag furuan daul. Ay afuy umtong siginans banwa ay namamin anya fagayu.