Isayas 51:12 - Fanawbuid tagsibaliwas Fakayabian

¹² Yawi nabalus te, “Au wan tagfasun ayu. Nu katanya, wain ay fakalimuun ngay taw takabul way kata ayu? Kanya fagayu kata sik makmak tagakalangkeun wan.

Isayas 51:12 ပူးပေါင်းရင်းမြစ်များ

2 Fun 1:15

Yawi at tagbarita nalong sas Elyas te, “Nangalo wo anya, lag o kalimu.” Nu katanya, Elyas nanangalo kanya fag taw sas fun.

Alubad. 118:6

Yawi gufud tua angku, nu katanya, kdi e fakalimuun. Nataw ya nunda ngay taw at fagmafakamulunun sa angku?

Alubad. 146:4

Kanya ban fagayu nu nbul, kafoli way sas daga, ay fagayu ban at ngay algan kalyam yangay.

Alubad. 92:7

Kanya fagayu, dewa anke fagmakatuun, kata way sik makmak at natugbung oma masakit ay at kinke barugwak, kanya ban fagayu gafaurianan way.

Fangatulun 29:26

Ngayu at nangakbang sa sangay tagfangguna laman nanget te, fadiuganani anya, dewa katanya, Yawi way lang at mafon fagmatuyanun.

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 2:22

Lag am gafanud ya sa sangay taw, aroro kanya fagayu kabul way kata engasan nu masakit kalyam. Ay wain se mafanud tua nunda sa ayu kanya fag ngay taw?

Isayas 40:1

Dius nalong te, “Fasuni ku ngay taw.

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Isayas 49:13

Banwa, alubadi useganani. Fagdaul daga, useganani! Ngay buksul, alubadi. Aroro Yawi kesug ay gfasun ngay taw tagidapan.

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 52:9

Am at kinrasras fag ngay afud Erusalem, asfuani alubadi useganani, aroro Yawi namasun wan at ngay taw ay namalangfe wan Erusalem.

Isayas 57:11

Yawi nalong te, “Sinu fia ay fakalimuun fag ngay fagsegan laman kamuag am sa angku? Nalyam wam angku ay wam gamatang ya. Wain ay fagyudun gsuyu angku? O siginan nu yud au garingang ngaduge fag buknga?

Isayas 61:2

Nasugu yangay angku laman namoyung au te, katsi fag buknga Yawi namalangfe at ngay taw ay namaurianan at ngay fawayan. Nasugu yangay angku laman namasun au ngay takabalu sas Siun. Abat ngate gfoli dafug sat alfuyu laman famasaful te, kabalu, kanya naugwag way langis ay nasangboan barugwak at famasaful te, e fagmanabayanun. Ay kanya umkata ngay fun kayu at mogat, Yawi at natanum. Ay e gtoglag ban anya fagayu te, at matuyan fag ngay taw tagfauseganan Yawi.

Isayas 66:13

Namasun kban ayu kata sik mina nu gfasun at ngenge.”

Isayas 8:12

Ay tibaginan lag am gafanud dewa gibugan glong te, ‘Fagayu taw at maseganama ansadi wan sat mauri fag algan yud e nasaful.’ Ay lag am gtadtaruyan kalimu sat ngay fakalimuun fag ngay taw.

Eremyas 38:19

Ay fun Sedekya glong sas Eremyas te, “Kalimu au ngay taw Udyu at nafadiuganan sa sangay taw Babilunya, aroro ngay taw Babilunya mafon angku sa anya fagayu ay kanya fagayu mafauri angku.”

Eremyas 41:18

Aroro kanya fagayu kalimu ngay taw Babilunya aroro Ismael nafabul Gedalya, Babilunya at fun at nafili fag fun sirut sas fagdaul talun Uda.

Esekyel 2:6

Lag o kalimu anya fagayu. Lag o kalimu dewa at ngay longan kata sik dugi ay sik libaga nu nagat. Kanya fag ngay taw sik ngay takamabo way.

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Uan 14:18

“Kdi gfabayan ayu, nu katanya, di ban kata sik ngay sisian at yud e galaga. Kafoli kyay ban sa ayu.

Fakamulun 9:31

Siginan ginanya, ngay tagafanud sas fagdaul talun Udea ay Galilea ay anggan Samarya, anke fagmanabayanun ay ankaksvn yangay nu gafanud ay gbanwan gfaning tam Fun. Ay at Masine fag Falad nafabitsug at ngay amatanganan, nu katanya, ngay tagafanud anfamut yay.

1 Pedru 1:24

Kata at Rirukan te, “Fagayu taw kata ways makmak, ay fagayu at fagmasineun kata ways barugwak. Makmak kalangke way ay at barugwak katong.

1 Samwel 15:24

Saul nalong sas Samwel te, “Nasalan au; kwa nafaning am ngay foyungan ay Yawi at suguan. Anlimu au ay nafaning kata ku ngay taw at fakaylatun.

1 Samwel 17:11

Saul ay at ngay tagfawayan nu nadungug Gulyat nu guro, maksvn nu kalimu.

1 Samwel 21:13

Nu katanya, Dabid nafafaningan sik tagfansaful; kanya griruk furuan at dingding sakbawan ay gfantingan at ilian sat ngaba umi.