Isayas 50:7 - Fanawbuid tagsibaliwas Fakayabian

⁷ Dewa katanya, kdi napla, aroro Yawi tam Fun nagubuk angku. Nu katanya, nafaksvn au ku amatanganan kata sik gang, aroro nasaful au te, kdi ban umkapla.

Isayas 50:7 ပူးပေါင်းရင်းမြစ်များ

Alubad. 110:1

Yawi nalong sa ku Fun te, “Gewan, malunggung o si ku siun baliwa yakmay kban nafababawan ay nafasam daga darafa am ngay fawayan.”

Alubad. 54:6

Yawi, gfon au sa emu sik maylat fag fanggalangun. Ay gfauseganan au emu, aroro matuyan tuo gugat.

Isayas 29:22

Nu katanya, Yawi, at nafalangfe Abrayam, glong sas Akub at kasugfunanan te, “Siginan ban katsi, kanya fagayu di e fakaplaun ya ay di e fagafanawaun.

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Isayas 49:23

Ngay fun ban gasfuan at ngay mangena namaning emu. Kanya ban nangulit am ngay sisian, ay gtudan ban gseg emu, ay nangafagtainanan emu. Nu katanya, sumaful o te, au wan Yawi. Fagayu tagafanud sa angku di ban umyud e fagsegun.”

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Isayas 50:9

Dungugani! Yawi tam Fun ku taggubuk. Sinu at malong te, e asalanan au? Kanya kata way sik lanbung takadan, fatung at naon.

Isayas 54:4

Lag o kalimu aroro wo gafaplan. Ay wo gamatang ya am fakaplaun gina o sik fagbubayun at mabaguina.

Eremyas 1:18

Katsi namaksvn au emu kaksvn sik furuan daul at ke alad, ay kamogat sik turuk ay sik dingding mawatan sanbung. Wa ban e mababo emu dewa ngay fun, ngay tagfangguna, ngay tagfon fanggalangun, ay fagayu tagbanwan sis Uda.

Mikas 1:2

Fagayu am tagbanwan sas fagdaul daga, dungugani. Aroro Fun Dius Yawi nangaringang sabaliwa ayu siginan at Bale yud e malong.

Lukas 9:51

Nu munakbang wan fag menit Isus nu kafoli sas banwa, anke algan glao sas Erusalem.

Uan 16:33

Nafoyung au ayu takatanya laman e fagmanabayanun tuam siginan ay fagmasadiun sa angku. Dumalan ban am fagidapun ste swa daga, ay dewa katanya, faksvni ay amatanganan, aroro nababo kwan at mauri ste swa daga.”

Ruma 1:16

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Ebreu 13:6

Watam gawabilugan ya glong te, “Tam Fun wan ku taggubuk, nu katanya, kdi e fakalimuun. Nu katanya nataw ya ngay taw at fagmafakamulunun sa angku at mauri?”

1 Pedru 4:1

Dakngani tam Fun Isus at bilug nainkidapan wan, anggan am masine nu mafalganan am sas fagagwantanun. Aroro nusnga sinu at nagwantan sas fagidapun, kanya wa gugali ya sas asalanan.

1 Pedru 4:16

Ay at fagfauriun ayu nu siginan tua ay fagafanudun sa tam Fun Isus, lag am kapla, nu bunway segi way tam Dius aroro nafangayan ayu te, Isus at taw.