Isayas 50:6 - Fanawbuid tagsibaliwas Fakayabian

⁶ Nafabayan au nu e gfalang ku guyuy, ay nasalubang au sa sangay taggulad ku umi. Nafabayan kwan nu gfalingun angku ay nu gtufe ku mata.

Isayas 50:6 ပူးပေါင်းရင်းမြစ်များ

Nemyas 13:25

Nu katanya, nasalag au nafauri ngay taw Uda. Ay tiba si anya nafalang au ay naguyud at ngay buk. Ay nafafatuyanan au anya fagayu sas Dius at ngayan, ay anggan sat ngay sisian te, “Lag ban am kamubay ya ay gfangindugan siginan tibak talun.”

Ub 16:10

Fagayu taw gfalingun angku, ay gfalang ku fingi laman gfapla angku, ay kanya fagayu masadi gfawayan angku.

Ub 30:10

At kaksvnan kanya fagayu nu kauri angku gsaruyan wan, ay wa gadgaragun ya gtufe ku kamatan.

Alubad. 129:3

Kanya fagayu nafae fakarukan si em ngay guyuy, kata sik daga at maalian.

Alubad. 69:7

Aroro gfaning au emu, gafalingunan au ay gafaplan.

Alubad. 69:8

Anggan ku ngay faduksay nu gdama angku, bunwa au at faduksay ya, ay kata kway lang sik betaw si em bale.

Isayas 53:5

At matuyan, siginan tam fakamaboun kanya anke fakarukan, ay kanya nafalangan aroro sa tam fagmauriun. At nadalan wan fag fagidapun at nafae fagmasineun antam, ay siginan at faginke fakarukan anfia tua tam.

Isayas 53:7

Kanya naidapan ay nafalangan, ay dewa katanya wa naringang. Ay kata sik fagfilasun fag tupa at nabuba sas fagfilasan ay kata yangay sik tupa tagaufoun, dewa katanya di e nalong.

Takabalu 3:30

Nu e nafalang at sadi am fingi fasalubangi yap at sadi am fingi. Ay aylati way am ngay fawayan dewa gfalingun emu.

Mikas 5:1

Ngay taw Erusalem, falganani ay ngay tagfawayan aroro ay ngay fawayan maligung ayu. Ay kanya ban fagayu namalang siginan sik tulag ngay tagfangguna sis Israel at fingi.

Tap 12:14

Yawi nabalus Muisis te, “O nunda at mama nu natufe anya sit mata laman gfae mauri, o kanya wa mabaluanan kaduge fituk menit? Nu katanya, faduksuni anya siginans fagmafulan ay to sanya yap kaduge fituk menit, ay nu nlangfe wan fituk menit, kanya masine wa gsakbo.”

Mateu 26:67

Ay kanya fagayu natufe Isus at kamatan. Ay tiba nasuntuk anya ay nafalang.

Mateu 27:26

Ay Pilatu nafalfas Barabas si sangay taw at wabilug. Ay nu nafafalangan Isus, nafatigwanan sa sangay tagfawayan, laman nantuktuk sas fasulungan kayu.

Mateu 27:30

Ay kanya natufe Isus, ay nabul siginan anya kafag anyamu ay nafalang at alfuyu.

Mateu 5:39

“Ay katsi glong au ayu te, lag gfasud ya dewa e nafauri ayu. Sik taw nu nafalang am siun fag fingi, fasalubangi am wala fag fingi.

Markus 14:65

Ay tiba gfasigad gtufe Isus ay gtabun Isus at mata ay gfalang anya, ay glong te, “Foyungi emi, sinu at nafalang emu.” Ngay tagulit gina gtaban anya maksvn nu gfalang.

Markus 15:19

Ay kanya fagayu nafalang sik anyamu sas Isus at alfuyu ay natufe anya ay natudan kata nu gseg anya.

Uan 18:22

Isus nu nalong takatanya, at sadi tagulit at munakbang si anya nafalang at fingi, ay kanya nalong te, “Wain fakatanyaun nu gbalus o sa tiba tungud fag tagfon fanggalangun?”

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.