Isayas 50:5 - Fanawbuid tagsibaliwas Fakayabian

⁵ Yawi tam Fun naringang sa angku ay gdungugan au. Kdi nafamabo ay kdi nalagyu anya.

Isayas 50:5 ပူးပေါင်းရင်းမြစ်များ

Alubad. 80:18

Ay fafolii yap sa emi em fagmabitsugun, laman ban guro tuami gugat emu. Ay di ban mi gtalyuyan ya emu.

Isayas 35:5

Ay nu nfasludan ban katanya, sik taw at yud glag, glag tua ban, ay at yud gdungug, gdungug tua ban.

Isayas 48:8

Wam nadungugan ay wam natogdungug kanya fagayu, aroro siginan ebi wam gdungugan. Nasaful kwa te, kamabo am, aroro siginan nu kasalug am kamabo wayam.

Mateu 26:39

Ay Isus nalo yay sirut ay namalub sas daga ay gdarangin te, “Mama, nu masine di, buli siginan angku ku fagnandalanun ban fag faurianan. Dewa katanya, lag gfaning ku fakaylatun, nu bunway fadasugi am fakaylatun.”

Uan 14:31

Gfakamulun au takatanya laman ngay taw tagste swa daga sumaful te, kesug au ku Mama, ay gfakamulun au kata at suguan angku. Bastam, glo watam ste ginan.”

Uan 15:10

Nu gfaning tuam ku ngay suguan, gbanwan tuam sa ku fakesugun, kata nu gfaning au ku Mama at ngay suguan ay gbanwan sat fakesugun.

Uan 8:29

Ay at nasugu angku gufud tua angku. Kanya di gfabayan angku gsesadian, aroro kabavn gfakamulun au tagfauseganan anya.”

Fakamulun 26:19

“Aroro katanya, fun Agripa, kdi nafamabo ku nalag fag taginfan siginans banwa.

Deuterunumyu 18:17

Nu katanya, Yawi nalong sa angku te, “Masine kanya fagayu at fagetun sa angku.

Filipus 2:8

Nu katanya, kanya gina sik taw nafamababaun tua, ay sik tagfaning fia anggan anbul sas fasulungan kayu.

Ebreu 5:8

Kanya dewa Dius at Baguama, nadalan yay sa sangay fagidapun, laman siginan nu gagwantan sumaful sabaliwa nu gfaning Dius.