Isayas 50:2 - Fanawbuid tagsibaliwas Fakayabian

² Wain am fagyudun naylat angku ebi gina au bagu kadasug? Wain am fagyudun gbalus angku ebi gina au guro emu? O nunda kwa mafalangfe emu? Mafalanggang kway dagat siginan sik aringang. Ay mafakata kway talun at magong ngay liskung laman ngay albon umbul.

Isayas 50:2 ပူးပေါင်းရင်းမြစ်များ

Fakasigadan 18:14

O nunda Yawi e fagyudun mafakamulun? Kata ku longan te, kafoli kyay ban stie sat fadogan fag banwa, kata katsi fag buknga, ay Sara namasalug ban sik munama.”

2 Krunika 32:15

Lag am galukan Esekyas. Lag am gafanud anya, aroro sas fagayu talun ay sas fagayu fagfunanan at ngay dius we mafalangfe at ngay taw siginan ku daluap ay ku ngay mangaguyang at daluap. Ay kaugat wa ro ay dius!”

Alubad. 106:9

Dius nalong sas Dagat Maraska te, “Fae dalani.” Ay kanya nafalao anya fagayu sanya fag dalan, dewa sas bangsi dagat, kata nu glao sis talun at yud e taw.

Alubad. 107:33

Yawi nafalanggang ngay liskung, ay kafag ngay liskung ankata sik talun at yud e taw, ay anggan ngay bulbug anlanggang yangay ay ankata at matat fag daga.

Nu Galin 14:21

Sanya ginan, Muisis nafatiuan at take sas tungud dagat ay Yawi nafadasug sik maksvn fag tagmara siginans fakamenitan, ay dagat ankafud. Ay fagngabak yabi, gtagmara wa gugat, ay dagat ankafud ay anke matat fag daga.

Nu Galin 14:29

Dewa katanya, ngay taw Israel nalao sat matat fag daga sas wabilug dagat, ay mamam kata sik alad sit dua tigyangan.

Nu Galin 7:18

Ngay albon umbul ban, ay liskung basung ban, ay ngay taw Igiptu ban wa mananginum steginan fag mamam.’ ”

Nu Galin 7:21

Nu katanya, ngay albon anbul wan ay kafag liskung basung, ay ngay taw Igiptu we fanginum ya. Ay sas fagdaul talun Igiptu at mamam ansik taguk.

Fangatulun 1:24

gina au guro, wam nafandungug ku ngay famalun ay ku ngay fansalag,

Isayas 11:15

Yawi ban namatat tagsis Igiptu fag dagat, ay namadasug sik masugba fag tagmara sas Liskung Eufrates laman umke fituk sarangan laman ngay taw madife.

Isayas 19:5

Liskung ban Nilu umlanggang,

Isayas 23:11

Yawi nafalugde at take sas dagat baliwa ay nauig wan fagayu at fagfagtainanan. Ay nasugu te, rasrasi wan Kanaan at fagnangakbangan fag furuan.

Isayas 36:20

Kayunya fag ngay dius, inday at nafalangfe at ngay talun at ngay taw siginan angku? Nu katanya, tain ro Yawi nu mafalangfe furuan Erusalem siginan ku daluap?”

Isayas 41:28

Narvbvy au te, o e fagsegan at mafalu, ay kwe nalag. Nusdi sadi we mafabalus ku ngay fagintoun.

Isayas 42:15

Nanrufa kwan ngay buksul ay anggan ngay fungsu, ay namagong au ngay tanum. Namalanggang au ngay liskung ay anggan ngay bunaw.

Isayas 43:16

Au Yawi at nafae dalan sas wabilug dagat.

Isayas 44:27

Ay nu nalong kban te, ‘Ngay liskung, alanggangi,’ matuyan, kalanggang.

Isayas 51:10

O nunda bunwa o at nafatat dagat ay at nafae dalan sis wabilug, laman am nafalangfe fag ngay taw umdife?

Isayas 54:6

Erusalem, kata o sik baguina at bagu kadadwa, gwayway o ay kabalu aroro am mangama naubun emu. Ay katsi, au, Fun Dius, guro au emu te, ‘Gewan, magamut tua ta.’

Isayas 59:1

Dungugani! Yawi mafalangfe tua, ay gdungug tua nu e get sa anya.

Isayas 59:16

Yawi andulo sat nalag te, nusdi sadi we nagubuk ngay tagafalingunan. Nu katanya, kanya nafasure at fagmabalyananun nu gfalangfe ngay tagafalingunan. Ay aroro sat fagmatuyanun, nagubuk tua anya fagayu.

Isayas 63:13

Dada wan ebi at nagubuk antam gina tam gdife dagat? Ay di tam antaid kata sik ngay kabayu nu glao sit masine fag dalan.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Isayas 65:12

Nu katanya, nafalganan kwan nu kabul am. Aroro ebi gina au guro ayu, wam nabalus angku, ay gina au garingang, wam nadungugan. Nafakamulun am at mauri sa ku daga salubangan; ku fagyudun kaylat fag ngay fakamulun.

Isayas 66:4

Ay nustua, namadasug kban sa anya fagayu ku faurianan at maksvn, tagfae fakalimuun ban maksvn anya fagayu. Aroro ebi gina au guro ayu, wam nabalus angku, ay gina au garingang, wam nadungugan. Kanya fagayu nafakamulun at mauri si ku daga salubangan, ay nafakamulun ku fagyudun kaylat fag ngay fakamulun.”

Eremyas 14:9

O kata yangay o sik taw at yud e fagmafakamulunun, ay sik tagfawayan at yud makatu gfalangfe? Yawi, dewa katanya, si tuo gugat emi, ay ami wan am ngay taw, nu katanya, lag o gfabayan emi.”

Eremyas 35:14

Yeunadab, Rekab at baguama, nafararang sat ngay gaban te, lag ginum fanlangu, ay at ngay gaban nafaning tua. Ay dasug katsi, kanya fagayu wa ginum fanlangu aroro gfaning tua at mangaguyang Yeunadab at suguan. Dewa katanya, am, wam nafaning angku, dewa ngayu ginan nu glong au sa ayu

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 5:1

Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:27

“Eremyas, nu nananlong ro wo takatanya sanya fagayu, wa ro gdungugan emu. Ay nu nauro ro wo anya fagayu te, ‘Akbangi sa angku,’ wa ro gbalus emu.

Eremyas 8:6

Nadungug kwan fagayu ay ngay nalong, dewa katanya, wa matuyan. Nusdi sadi si ayu we natalyuyan ay fagmauriun. Ay we ginto sat sadili te, “Wain ku fagnafakamulunun takatatuy?” Abat ngate, galay am at sadi gfataglayun wayam sas fagmauriun kasakit sik kabayu nu glagyu sas awayan.

Daniel 3:15

Katsi gsugu au ayu te, nung ro am nadungug ngay fagfawangun at awang, malubi ay segi ku nafawat fag fagsegan. Ay nu dway ro am gseg, gsugu kro te, ukasi ayu sa sik faygangan daul. Sumaful ro tam te, o anud e dius at mafalangfe ayu.”

Daniel 3:29

Ay katsi, gsugu au te, nusnga sinu fag taw dewa ndaginan fag talun, ay nusnga setaw at fangaringang, at nalong mauri sas Sadrak, Mesak, ay Abednegu at Dius, umsaruayan ban at ngay afud bilug ay umkiklas at ngay bale. Aroro we tibak Dius at mafalangfe kata at nafalangfe kafag tuluk baguama fag Dius.”

Daniel 6:20

Ay kanya nu ndasug sanya, mabaluanan guro te, “Daniel, tagleleg fag Dius at fagsuguan, o Dius nafalangfe tua emu sis wa liun?”

Daniel 6:27

Kanya gfalangfe ngay taw ay gfakamulun ngay madulo sas banwa ay sas fagdaul daga. Ay kanya nafalangfe Daniel sa sangay liun.

Usea 11:2

Dewa katanya, dewa au gfataglayun guro ngay taw Israel, kaugat way nu kayayu angku. Kanya fagayu gfon fanggalangun ay girug ngay famaebebanglu sat fagsegan Baal.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Naum 1:4

Ay nu naringang, dagat ay ngay liskung katat, ay kagong ngay tanum sa sangay gamasun sis Basan ay sis buksul Karmel ay Lebanun.

Abakuk 3:8

Yawi, kata o sik tagfawayan gsakay sis kabayu at faguyudan tagbabo gina e awayan, ay at mafalganan gfana. Dewa katanya, sinu am fakadotamaun? O ngay liskung ay dagat? Siginan sangay liskung, nafae fagfamiluganan o mamam.

Tap 11:23

Ay Yawi nalong sas Muisis te, “O nunda ku fagmabalyananun e fakatabuan way? Katsi ro lumag o te, o anud ku ngay longan kafasludan o ay mannga duan.”

Markus 4:39

Isus anfulo ay nasalag tagmara, ay glong sas lugwak te, “Aragangi wan!” Ay anragang wan ay anke fagmanabayanun wan.

Uan 1:11

Ay kanya dewa andasug sat sadili furuan, at ngay kaiban wa naylat anya.

Uan 3:19

Ngay taw at faginfauriananun aroro fagmayamagun dewa andasug ste swa daga, kesug way fagmadulumun abat ngate sas fagmayamagun aroro at ngay fakamulun mauri way.

Uswe 3:16

mamam anragang wa vtv nu gfamilugan ay anful sa sik fungsu sis Adam fag furuan munakbang sis furuan Saretan. We gfamilugan ya tagsas Dagat at Mabulan, nu katanya, ngay taw nadife munakbang sis furuan Eriku.