Isayas 50:1 - Fanawbuid tagsibaliwas Fakayabian

¹ Yawi nalong sat ngay taw te, “O nunda naiyan kwan furuan Erusalem kata sik mangama at naiyan at mangena? Inday am rirukan am famatuyan? O nunda nafataban au emu sa tibak talun at taw kata sik taw at nafafagsuguanan at sisian sat fagbedanan, laman famayad at bedan? Duan! Am fagnatabananun aroro siginan am ngay asalanan. Erusalem, naiyan au emu, aroro nafamabo o.

Isayas 50:1 ပူးပေါင်းရင်းမြစ်များ

1 Fun 21:25

We taw takaksvn Akab at nafakamulun nu mauri sis Yawi at daga salubangan aroro at mangena Esebel nafaylatan anya.

2 Fun 17:17

Kanya fagayu nafadotama Yawi siginan nu girug at ngay sisian laman at fanggalangun, ay nu nangakbang sa sangay taginsaful, ay nu nangasadi sa sangay kinbul at falad ay nu gfalao at ngay sadili laman mafakamulun at mauri.

2 Fun 4:1

E sik fagbubayun, ebi ataw at mangama sik taglong. Sik menit kanya naet sas Elisyu sik fanggubukun. Nalong te, “Ku mangama, ebi am fagsuguan at sadi, anbul wan, ay nasaful wo te, kanya nafaning tua Yawi. Katsi at fagbedanan fag taw andasug laman namul ku sisian fag duak mangama laman nanfagsuguan tuga famayad at mama at bedan.”

Nemyas 5:5

Ami, ay anggan em ngay sisian, dewa ami sik ngay taw Udyu, nafafagsuguan wami em ngay sisian sa em ngay kaiban Udyu, laman e salapi tuami. At matuyan, tiba em ngay baguina, nafalao wami laman sik ngay fagsuguan, wami e tiba yak balyawvtan, aroro tibak taw gagbilug wan em ngay tanum wat ubas.”

Ester 7:4

Aroro e nafatuyanan sik famonun sas fagayu taw at namabul emi. Nu e namabayad way emi laman namafagsuguan emi, gragangan kway lang, aroro tuy wa fia mafanud laman gfasalag au emu.”

Alubad. 44:12

Dewa ami am fagagbilugun fag ngay taw, nafalo wo emi sa talay fag famayad, ay nusdi at famamut sirut wo nabul ya.

Nu Galin 21:7

“Sik taw nung way namabayad at baguina laman sik fagsuguan, kanya ban wa makalfas sis fafituk banwa kata sik fagsuguan mangama.

Isayas 1:28

Dewa katanya, ngay takamabo ay ngay tagasalanan gsud ban gafaurianan, ay at kinyayu siginans Yawi umkamin ban.

Isayas 27:8

Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Isayas 43:27

Ebi am ngay mangaguyang anke asalanan sa angku, ay anggan am ngay fun nafamabo angku.

Isayas 46:8

Am fag ngay takamabo, amatangi ku ngay nafakamulun.

Isayas 52:3

Katatuy Yawi tam Fun at longan: “Nafagsuguanan am yud e famayad, nu katanya, namalangfe kban ayu yud e famayad.

Isayas 54:6

Erusalem, kata o sik baguina at bagu kadadwa, gwayway o ay kabalu aroro am mangama naubun emu. Ay katsi, au, Fun Dius, guro au emu te, ‘Gewan, magamut tua ta.’

Isayas 54:7

Sik kadugayan, naubun kwa emu, dewa katanya, gdog kyay nangalaga emu aroro maksvn nu kesug au emu.

Isayas 58:1

Yawi nalong te, “Faksvni nu guro am ay lag gfaragang, kata budyung nu gawang! Longi sa ku ngay taw, Akub at ngay kasugfunanan at ngay asalanan ay at fakamaboun.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Eremyas 3:1

Sik mangama nu naiyan wan at bubay ay at bubay nu nanangadadwa wan sa tibak mangama, kafag mangama wa masine ya gbul at bubay, aroro takatanya fag mangena gfasuya fagdaul talun. Nu katanya, am fag ngay taw Israel kata yangay am takamatugtug fag mangena. Kesug am ngayuk fagsegan. Ay takaksvn nya ay nafakamulun at mauri, tain nu manangafoli am sa angku? Au, Yawi, taglong tuy.

Eremyas 3:8

Nafasaruayan kwan ay naiyan siginan angku ngay taw Israel, aroro kanya fagayu gfanugtug siginan nu gseg tibak fagsegan. Dewa katanya, nalag au te, takamabo fag ngay taw Uda wa nlimu ku nafakamulun, abat ngate, kanya fagayu gfanugtug yangay.

Eremyas 4:18

Ay ngay ugali ay ay fakamulun maksvn nu mauri, kanya wan at fagindasugun sa ayu faurianan. Maksvn nu maidap at kindasug sa ayu fag faurianan! At kaksvnan kata nu natalfus sa ay ngay amatanganan.”

Usea 4:5

Ay kadasug ban sik buknga laman namaurianan au ayu fag ngay tagfon fanggalangun ay fag ngay taglong. Ay gfaurianan kyangay ban anggan ay mina fag talun Israel.

Lebitiku 25:39

“Ay kaiban fag taw Israel nu nke fagidapun way ay kanya nu nafaebayad way at sadili laman sik fagsuguan, lag am gfaksvn nu gfafakamulun am anya kata sik ngay fagsuguan.

Mateu 18:25

Ay kafag fagsuguan wa mafabayad takayu nya, ay at fun nasugu tiba te, ‘Faebayadi wan kafag taw ay at talnayan ay anggan fagayu at ramraman, laman at nagbulan famayad at bedan.’

Deuterunumyu 32:30

Tain ro sik taw nu mafafalo sadik libuk taw Israel? Ay tain ro duak taw nu mababo safuluk libuk taw? Wa ro umfasludan takatanya, at Dius Yawi, takata sik gang fagsarirungan, nu dway nafababo anya fagayu.