Isayas 5:8 - Fanawbuid tagsibaliwas Fakayabian

⁸ Ida, afanyuan am! Am takaylat gfayu ay bale ay takaylat gfabia ay daga, yakmay am naiyan fagayu taw tagbanwan sanya, ay am way lang tagbanwan sanya fag talun.

Isayas 5:8 ပူးပေါင်းရင်းမြစ်များ

Ub 15:28

kanya ban namanwan way sa sangay furuan at kinrasras, ay sa sangay bale at yud e gbanwan ya, ay sa takaiklas wan.

Ub 20:21

Wa ban e sawad si anya at ngay fakonun aroro umkamin ban at ngay ramraman.

Fangatulun 15:27

Sik taw tagfangalabian, gfae fagidapun way anya talanan. Ay sik taw nu ddi gbul famayad laman nanfandaya, gleleg tua kabavn.

Esekyel 11:15

“Taw at baguama, at sawad sis furuan Erusalem fag ngay taw gkamatoan sabaliwa at ibama at natabanan, kanya fagayu glong te, ‘Kanya fagayu ngayayu wan siginans Yawi, nu katanya, Yawi at fagfonan tuy fag daga, sa wa antam.’

Esekyel 33:24

“Taw at baguama, at sawad fag ngay taw tagbanwan yay si sangay furuan at marasrasan sis Israel glong te, ‘Abrayam sesadi way, ay kanya nagbilug fagdaul ste fag talun. Ay itam ngayu tua tam, nu katanya, matuyan magbilug tam ste fag talun.’

Amus 1:13

Katatuy Yawi at longan sabaliwas Amun: “Ngay taw Amun gfataglayun way gugat nu gasalanan, nu katanya, namaurianan kban anya fagayu. Kanya fagayu nafilas ngay taw Gilyad at ngay mangena tagfafion, laman magbilug at ngay daga.

Mikas 2:1

Ida am, tagintiugunan gugat gamatangan sat mauri. Ay balabag di gfafasludan am kata ay algan aroro e fagmabalyananun am gfakamulun takatanya.

Mikas 2:2

Ay gago am ay fagalabianun fag ngay daga ay fag ngay bale. Ay kamuag am sa sangay taw laman magbilug am at ngay bale ay at ngay ramraman.

Abakuk 2:6

“Dewa katanya, kanya ban fag ngay talun at ngay taw namalingun anya glong te, ‘Afanyuan am, tagbul deyud ay fagagbilugun, ay tagfandaya laman kae ramraman am. Seduge tua ban nunda nu gfakamulun am takatanya?’

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.