Isayas 5:7 - Fanawbuid tagsibaliwas Fakayabian

⁷ Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Isayas 5:7 ပူးပေါင်းရင်းမြစ်များ

Fakasigadan 4:10

Ay Yawi nalong sas Kain te, “Nataw am nafakamulun? Am arian at taguk guro sa angku siginans daga, glong te, ‘Faurianani at nafabul angku fag taw.’

2 Samwel 7:10

Nafon au sa ku ngay taw Israel sik talun, laman at sadili fagbanwanan. Ay at mauri fag ngay taw di ban gfasalag ya anya fagayu kata ebi ginan,

Ub 34:28

Kanya fagayu nafalingun at ngay taw at yud e kwa, ay Dius nadungug kafag ngay nafalingunan nu get gubuk.

Alubad. 147:11

Dewa katanya, kanya guseganan tua ngay taw tagsuyu anya, ay tagafanud te, mafangesug tua.

Alubad. 149:4

Aroro Yawi guseganan tua at nafili fag ngay taw, ay kanya gfababo takamababaun.

Alubad. 80:15

ami takata sik wat ubas am natanum siginan am fagmabalyananun. Amatangi gugat emi am ngay sisian am nafagurang laman sam fagusegananun.

Nu Galin 3:7

Ay Yawi glong yay fia te, “Nalag au ku ngay taw nu gidapan sis talun Igiptu. Nadungug kyangay nu gurungan get gubuk aroro maksvn at fun at ngay fagsuguan nu gfaidapan, ay anfanyu au anya fagayu.

Fangatulun 21:13

Sik taw at yud ggubuk tagidapan, gina ban kanya anke fagidapun, wa yangay ban e ggubuk ya anya.

Takamoyung 4:1

Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Sulumun at Alubad 7:6

Ku fakesugun fag baguina, nu masine o, we gtungud ya. Maksvn am nafon angku fag fagusegananun.

Isayas 1:21

Amatangani! Ebi furuan Erusalem sik matuyan oma fag furuan, ay katsi, kata way sik takamatugtug fag mangena. Ebi ngay taw tagbanwan sanya, matuyan oma, ay katsi, sik ngay takamabul way.

Isayas 1:6

Ay siginan ay alfuyu sitsigon ay basad darafa e fakasaitun wan; fagdaul ay bilug nalayungan wan, ay e fagafalanganan, ay e ngay fakarukan. Kafag ngay fakasaitun kabaga, ay wa kafutus ya ay we famafia.

Isayas 27:2

Ginanya yangay ban fag menit, nangalubad am sik alubad sabaliwas tanuman wat ubas gina ngayu at narabas.

Isayas 3:14

Kanya andasug laman namoyung te, sinu fag ngay tagfangguna at ke asalanan. Katatuy at longan sa kafag ngay tagfangguna, “Nafauri am ku tanuman wat ubas, at masuad te, ku ngay taw. Ay nafapnu am sa ay ngay bale nusnge wain ay nabul siginan at yud e kwa fag ngay taw.

Isayas 3:15

Wain ay fagnafauriananun ku ngay taw, ay ay fagnabulun at yud e kwa fag ngay taw at ngay fagagbilugun, kata nu natigna am at ngay alfuyu sas daga?” Katanya tam Fun, Yawi at Mabalyanan at longan.

Isayas 3:17

Nu katanya, namae buyu au at alfuyu, ay kanya ban fagayu umlanu.”

Isayas 30:12

Nu katanya, Israel at Dius at yud e Malong nalong te, “Aroro nasaruyan wayam ku foyungan ayu ay nafanud wam sas famalingun ay fandaya,

Isayas 46:12

Dungugani angku, am fag ngay taw takamabo, ay at yud matuyan.

Isayas 5:2

Kanya naali ay nabul wan fagayu gang, ay natanum sanya at mafilian fag ngay fananum ubas. Ay nawat sanya sik bale ngabat fagnangulitan, ay nafagarvy yangay gang laman at fagturisan at gutluan. Sanya ginan, kanya gfanya at rawvg at matamis, ay aroro mangaro, at rawvg mayat way.

Isayas 59:13

Nafamabo tam ay anyayu Yawi, ay wa tam nafaning tam Dius. Ankuri tam ay nafalingun tibak taw. Ay maksvn nu gamatangan tam te, setain nu mafamuag tam.

Isayas 59:14

Ay kanya wan Dius at fagyudun gfadasug faurianan sa tam ngay fawayan, ay kanya ya ngap nafon sa antam at famabo ay at fagmatuyanun. Aroro nusnga nday we fagmatuyanun ya, ay ngay taw wa masine ya fagfatigwanan.

Isayas 59:4

Wam gamatangan ya fagmatuyanun; kamuagan am sa ay iba. Mauri way ay ngay amatanganan anggan ay ngay fakamulun.

Isayas 62:5

Kanya at nawat emu, ay nangadadwa ban sa emu, kata sik baguama nu nangadadwa sa sik baguina. Ay nu setain sik baguama nu guseganan at fabubayan, katanya yangay am Dius nu guseganan emu.

Eremyas 12:10

Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 24:2

Sit sadi fag sabi, melo, masine, malesanan, ay bagu yay grabas. Ay sit faduak sabi, madanan way ay wa kaon ya.

Eremyas 50:46

Ay at kaksvnan ban ngay taw Babilunya nu gatabanan, daga guigan ay kanya ban fag ngay taw nu gwayway kadungug sas fagdaul daga.”

Esekyel 22:29

At ngay taw gfandaya ay gfangkamul, ay gfalingun at yud e kwa, ngay tagayudan ay ngay taw tagsiginan tibak talun, ay kanya fagayu wa nafalyam kafag ngay taw at ngay mamalong.

Usea 10:1

Ebi, ngay taw Israel kata sik ngay tanum wat ubas mataglu ay marabung ay at rawvg ngayu tua. Dewa katanya, kaduge kanya fagayu ankayu, kayu yangay nya at nawat fag ngay fagirugan ay gfasine at fagsegan fag ngay gang.

Mikas 6:12

Ay am fag ngay taw at maramraman, madot am, ay kamuag.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Abakuk 1:3

Wain yay am fagfalagun sa angku ngay fagmauriun? Dewa nday gfadfabulan, ay e fagmauriun, ay kadkaurian ay gbadbaboan.

Sefanias 3:17

aroro Yawi gufud tua ayu. Kanya kata sik maseganama fag tagfawayan at namalangfe ayu. Yawi guseganan ayu ay aroro kesug tua ayu, kanya gfon ayu sik bagu fag leleg. Kanya galubad guseganan laman sa ayu,

Mateu 23:23

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Dewa am gfon at fasafuluk afud sas Dius siginan ay famaenamnam fakonun, kata balanuy ay banglad, nalyam wayam gfakamulun at mafanud fag ngay suguan sis Muisis at Faugali, kata nu gfakamulun at matuyan sa ay iba, ay nu kafanyu am ay iba, ay nu matuyan ay longan sa ay iba. Nu ddi am nalyam at mafanud fag ngay suguan, dangay kalyam anggan talay fag ngay suguan.

Lukas 18:7

Anggan tam Dius ggubuk at filian fag taw nu guro sa anya fagngabak menit ay fagngabak yabi, o kin? O Dius gfadugean nu ggubuk?

Uan 15:2

Ay ku ngay sanga at yud grawvg, ku Mama ggatvng wan, ay tagrawvg fag ngay sanga, ku Mama galaga laman ngayu nu grawvg.

Deuterunumyu 15:9

Lag am gamatangan at mauri aroro munakbang wan at fafituk banwa nu gfalyam ngay bedan ay wam gfabedan ya sa ay ngay ibama tagidapan. Kanya ban fag ngay tagidapan nu naet way sa angku aroro sa ay nafakamulun, am ban at ke malong.

Santiagu 5:4

Damai! Wam nafon famayad sa sangay taw at nagutlu ay fare. Takatanya ay nafakamulun sik famasaful sa ayu te, mauri am. Ay kafag ngay taggutlu at uro andasug sa tam Fun at Mabalyanan.