Isayas 5:6 - Fanawbuid tagsibaliwas Fakayabian

⁶ Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Isayas 5:6 ပူးပေါင်းရင်းမြစ်များ

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

1 Fun 8:35

“Ay nu dway ban o gfadasug ya arak aroro am ngay taw anke asalanan sa emu, ay kanya ban fagayu nu gdarangin tua gsalubang sam bale, ay nu gfauseganan tua ban emu, ay gubun at ngay asalanan aroro nafaurianan o anya fagayu,

Ub 31:40

tugbungi wa nangus si ku lutuk at madugi fag makmak abat ngate trigu ay barli.” Ste way tsigon Ub at longan.

Fangatulun 24:31

ay ku nalag makmak way lang ay dugi, ay at alad anfuan wan.

Isayas 24:12

At furuan marasrasan way ban gugat, anggan at sakbawan.

Isayas 30:23

Yawi ban gfarak gina sis fantanuman fag buknga, ay umkayu ban ay tanum at rawvg. Ay fagayu ay ngay fagbaugun nu gfangonan sat tagbia fag fagnamafangonan.

Isayas 49:19

Anrasras wo ay nafasik mabaluanan, dewa katanya, katsi tagbanwan si emu wa sak ya. Ay at narasras emu umyayu wan.

Isayas 55:13

Abat ngate dugi dauy tagtugbung sanya fag daga, altimu tua. Ay abat ngate tanulung, sik dingin tua. Ay at ngay kinfasludan takatanya gfae fagusegananun tua ban angku. Ay kanya ban tagfalag te, mabalyanan au kabavn.”

Isayas 7:19

Ay kanya ban fagayu namanwan sas fagdaul talun Uda, ay sa tangabasad fag liskung, ay sa sangay luib, ay sat madugi fag ngay tanum, ay sas fagnamafangonan fagbaugun.

Eremyas 14:1

Katatuy Yawi at longan sa angku, sabaliwa tangaduge fag mangune:

Eremyas 14:22

Nusdi sadik fagsegan sa sangay talun we mafadasug arak, ay we mafae ayuyus, ay anggan banwa wa mafae arak. Yawi em Dius, o way lang at mafafakamulun takatanya, ay sa way lang emu nu gafanud ami.

Eremyas 25:11

Ay tuy ban fag talun umsik mabaluan. Ay tagbanwan sanya fag talun namakamulun sas Babilunya at fun kaduge fituk safuluk banwa.

Eremyas 45:4

“Baruk, katatuy yangay Yawi at longan, ‘Nanrasras kban tuy fag talun ku nawat. Nanggulad kban ku natanum. Ay namakamulun kban takatatuy sas fagdaul talun.

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Usea 3:4

At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

Usea 9:6

Dewa am glagyu fakabulun, gfaful yay ban ayu sas talun Igiptu ay namoli ayu sas Memfis. Ngay makmak ay madugi fag ngay tanum gfaut ay ngay mabyat fag ngay fagagbilugun salapi ay ngay bale.

Uel 1:7

Kanya fagayu nafamin wan ku ngay tanum wat ubas ay ku ngay kayu igus, ay naurit ngay tanum at ngay lukba yakmay namin.

Amus 4:7

Ay kwa nafarak kaduge tuluk magdanun yakmay andasug fanggutluan. Nafae arak au sa sik furuan ay sa tiba ngap kfuruan, duan. Ay nafae arak au sa sik gamasun ay sa ngap tibak gamasun wa karak.

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.

At Nafasure 11:6

Ay kanya fag dua e fagmabalyananun yangay gdingding banwa laman wa karak kaduge kamoyung Dius at longan. Ay kanya e fagmabalyananun gfakata taguk mamam, ay gfadasug ngay faurianan nusnga ginain nu kaylat.