Isayas 5:26 - Fanawbuid tagsibaliwas Fakayabian

²⁶ Ay kanya gyafe at daluap sa sangay taw sa tangayayu ngay talun, ay giful laman ngay taw tagbanwan sa tangayayu fag fatuan daga. Ay masakit kadasug sa Erusalem laman namawayan at ngay taw.

Isayas 5:26 ပူးပေါင်းရင်းမြစ်များ

Alubad. 60:4

Dewa katanya, nafoli o sa emi sik famasaful, laman fagsafulan te, sanya nu maful ami gina ami gfawayan.

Alubad. 72:8

Kanya tua ban nangus tagfunan siginan sik dagat anggan ndasug tsiuy baliwa fag dagat, ay siginans Liskung Eufrates anggan sa sik fungfung daga.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 11:12

Ginanya ban, Yawi namabat at famasaful fag ramit sa sangay taw sas fagayu talun, laman namaful fagayu at kinrapyag fag ngay taw Israel ay Uda siginan tibak afud talun sas fagdaul daga.

Isayas 13:2

Fabati sik fakatoglagan fag ramit sas tungud buksul at yud e kayu. Ay uroi daul ay yafei sa sangay tagfawayan laman nanakbo ay namawayan at mabalyanan fag ngay taw at furuan.

Isayas 13:3

Nasugu au ku nafili fag ngay tagfawayan tagfauri ku fakadotamaun fag ngay taw. Kanya fag ngay tagfawayan gfanagsag te, mafakamulun au.

Isayas 13:4

Dungugani tagaringang fag ngay taw sa sangay buksul. Dungugani at maful fag ngay fagfagtainanan ay fag ngay talun at ngay taw nu garingang. Yawi at Mabalyanan gfaful ngay tagfawayan laman namawayan.

Isayas 13:5

Kanya fagayu siginan tangayayu fag ngay talun. Yawi ay at ngay tagfawayan rumasras fagdaul talun.

Isayas 18:3

Fagayu am tagbanwan sas fagdaul daga, fanyai nu e gfabat sik famasaful fag ramit sas tungud buksul, ay dungugani nu gbudyung.

Isayas 30:16

Ay nalong am te, ‘Malagyu waymi siginan em ngay fawayan, aroro fagayu em ngay kabayu matarung tua.’ Anud, umlagyu wam fia, dewa katanya, at namafalo ayu amatarung yap tua.

Isayas 31:9

Fagayu at ngay tagfawayan lumagyu aroro kalimu, ay at ngay fagtainan wa nasaful te, tain ro at fakamulun gina nalag at ngay fawayan gfabat at famasaful fag ramit. Katanya Yawi at longan, at nafae afuy sis Siun, sis furuan Erusalem.

Isayas 39:3

Ay Isayas fag taglong nalao sas fun Esekyas ay nainto te, “Daginan kanya fag ngay taw ay nataw at algan?” Ay Esekyas nabalus te, “Kanya andasug siginans tangayayu fag talun, siginans Babilunya.”

Isayas 7:18

“Ginanya ban fag buknga, Yawi gfaful ngay lango siginans talun Igiptu at fungfung fagfamiluganan mamam ay anggan ngay gabe siginans Asirya at ngay fagtanuman.

Eremyas 4:13

Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Eremyas 5:15

Yawi glong te, “Ngay taw Israel, namadasug au sa ayu sik gaban taw tagsiginan tangayayu fag talun laman namaurianan ayu. Kanya sik gaban taw taglugo wan nu gbanwan sit talun, ay ay fagyudun togdungug at fangaringang.

Eremyas 51:27

Fabati sik ramit famasaful te, gawayan wan! Uyupi ngay budyung sa sangay furuan! Falganani laman namawayan talun Babilunya. Sugui ngay talun Ararat, Mini ay Askenas at ngay tagfawayan laman namawayan. Filii yap sik tagfangguna laman namangguna namawayan talun Babilunya. Fadasugi ngay kabayu kayu ngay liung.

Takabalu 4:19

Tagfafalo emi fag ngay fawayan asakit yap sik bio. Ay kanya fagayu gfafalo emi sa sangay buksul ay nanbalabag emi sat yud e taw fag talun, laman namawayan.

Esekyel 38:17

“ ‘Au, Fun Dius Yawi, glong kyay fia te, ebi nalong au sa ku ngay fagsuguan, Israel at ngay taglong te, e namawayan ban ngay taw Israel, ay o wan Gug ku nalong at namawayan.

Uel 2:7

Kanya fagayu kata ngay tagfawayan nu gfawayan, ay nu ggaygaritan sa sangay alad. Ay nu glao gturunan ay di gsidsikfitan. At ngay fawayan dewa gfana, kanya fagayu di gsaruayan.

Abakuk 1:8

At ngay kabayu amatarung yap ngay leupardu, ay amadot yap ngay idu talun tagfanloan sad yabi. Ay at ngay kabayu gtarung yangay siginan tangayayu fag talun, kata sik bio at masakit nanyukfu at fagnangonun.

Sakaryas 10:8

Nanguro au ay namaful ku ngay taw Matuyan wan namalangfe au anya fagayu ay namayu au at ngay kasugfunanan kata ebi taguna.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.