Isayas 5:25 - Fanawbuid tagsibaliwas Fakayabian

²⁵ Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 5:25 ပူးပေါင်းရင်းမြစ်များ

1 Fun 14:11

Idu ban nangon am ngay kalongan takabul sisad furuan, ay manuk tungud nangon at kinbul sis talun. Yawi at nalong tuy!’

1 Fun 16:4

Ngay idu ban nangon am ngay kalongan at kinbul sis furuan, ay manuk tungud nangon at kinbul sis talun.”

1 Fun 21:24

Ay takatap sam kalongan takabul sisad furuan daul, ngay idu nangon, ay takabul sis talun, manuk tungud nangon.”

2 Fun 13:3

Nu katanya, Yawi maksvn nu kadotama ngay taw Israel, ay ngaduge wan nu gfagbilug anya fagayu sas Kasael, Aram at fun, ay at baguama Ben-Adad.

2 Fun 9:37

Kafag mangena at bilug anrapyag kata sik masuya sas Esreel at gamasun ay we toglag ya anya.”

2 Krunika 36:16

Dewa katanya, kafag ngay taw nafalingun way Dius at ngay taglong, ay naase ay nafaeyud e masuad at ngay foyungan. Nu katanya, Yawi andotama anya fagayu, ay we mafaragang ya at dotama,

Ub 9:13

Dius nu ndotama wa gfaragang ya. Dewa Rakab fag fagsegan takatas ule daul at ngay fagsuguan garungan nu kalimu Dius.

Alubad. 106:40

Nu katanya, Yawi andotama at fakesugun fag ngay taw. Ay kafag ngay taw ansik mauri sa anya.

Alubad. 114:7

Siginan tam Fun Dius, Akub at Dius at daga salubangan, nangus fagdaul daga guigan.

Alubad. 18:7

Siginan Yawi at dotama fagdaul daga nauigan, ay nauigan yangay anggan ngay buksul at fagtungkudan.

Alubad. 68:8

Daga nauigan ay narak sis Buksul Sinay sim daga salubangan: Ay Israel at Dius ansure sanya.

Alubad. 77:18

Siginan tagridribudan fag tagmara, lingsi andungug, ay ngay limbad nayamag, ay fagdaul daga nauigan.

Alubad. 78:38

Dewa katanya, Dius anfanyu yay kafag ngay taw, ay nafalyam tua at ngay asalanan ay di nafamin nu gfabul. Dius dewa ngayu ginan nu kadotama maksvn, kanya gfaragang tua gugat.

Alubad. 83:10

Kanya fagayu anbul sis furuan Endur, ay at ngay bilug andan ay ansik ngay famataglu fananumun.

Nu Galin 7:19

Ay Yawi gdog yay nalong sas Muisis te, “Longi sas Arun te, ‘Buli am tulag ay fatiuani sas fagayu mamam sis talun Igiptu: sa sangay liskung, tagbia ay talay, ay sat nawat fag fagfamiluganan mamam, ay sa sangay bunaw ay sa sangay fagfafulan mamam. Ay kanya ro fag ngay mamam umsik taguk. Katanya ban at kumdasug sas fagdaul talun Igiptu. Anggan at ngay mamam sit ngay fagsuadan ay sit ngay tikung umsik taguk.’ ”

Isayas 10:4

Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 14:19

Ay dewa katanya o, e nangukas ban emu kata sik sanga at yud e fanambagun. Ay at fantabun ban am bilug sik ngay tagfawayan at bilug at kinbul sas awayan. E namatong ban emu sasad lusung gasfuan ngay kinbul sis awayan, ay nanalfi emu ngayuk gang. Kata yangay o sik mabulan fag taw at nasiadan ngay taw.

Isayas 23:11

Yawi nafalugde at take sas dagat baliwa ay nauig wan fagayu at fagfagtainanan. Ay nasugu te, rasrasi wan Kanaan at fagnangakbangan fag furuan.

Isayas 25:11

Ay dewa katanya, kafag ngay taw namabulun yay ban nangalangfe kata sik taw tagakalubgubun. Ay dewa katanya, dewa saful gfioan, Yawi namalubgub yay anya. Ay namababa ban anya aroro kamatungudun.

Isayas 29:2

Ay dewa katanya, namawayan kway ban kafag furuan, ay at ngay taw gwaywayan ban kabalu. Ay nu sa angku, kafag furuan umkata wa sik fagirugan tagatagukun.

Isayas 42:25

Nu katanya, Yawi nafalag sa antam at dotama maksvn, ay nafaidapan antam sa tam ngay fawayan. Kanya nu kadotama kata sik afuy at maligung tagirug antam, aroro wa tam nafandungug ay namatangan.

Isayas 51:20

Kanya fagayu kalufuy ay mataygilid sa sangay sagbatan, kata sik ngay arasyo at kinsiuk sa sik sangdaw. Yawi at maksvn fag dotama andasug sa anya fagayu. Am Dius nasalag anya fagayu.

Isayas 64:3

Ebi gina o andaga ay nawat fagayu nusnga setaw at madulo em fagyudun saful, ngay fungsu nauigan sim daga salubangan.

Isayas 66:15

Dungugani! Yawi kadasug wan, gbuba afuy. Kanya gsakay sit ngay famawayan fag ngay faguyudan ay kata sik fulug tagbaribungan. Kanya namalag at dotama sat ngay fawayan, ay namaurianan anya fagayu siginan sik igang.

Isayas 66:24

Ngay taw tagseg angku gina gduksun siginans Erusalem, kanya fagayu lumag at mabulan fag ngay taw at nafamabo angku. Ay ngay ulud takon anya fagayu wa kabul, ay afuy tagirug anya fagayu wa karabung. Ay fagayu ban taw kauri kafag ngay taw takamabo.”

Isayas 9:11

Nu katanya, Yawi ban namabitsug fun Resin at ngay fawayan, laman namawayan ngay taw Israel.

Isayas 9:16

Taw Israel at ngay tagfangguna gtabanan way at fagfanggunaun fag ngay taw sat yud matuyan, nu katanya, kafag ngay taw gaduanun.

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:20

Ay kanya fagayu gbul wan ay kon nusnge wain fag fakonun at nalag, dewa katanya, wa kapsug. Ay kon wan anggan at ngay sisian.

Isayas 9:21

Ngay taw Manase ay ngay taw Efraim nangawayan, ay sanya ginan, kanya fag dua nangasadi laman namawayan ngay taw Uda. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 15:3

“Au, Yawi, glong au te, namadasug kban sa anya fagayu ufatk faurianan: kanya ban fagayu kabul sas awayan, ay ngay idu nangguyudan at ngay bilug, ay ngay manuk tungud naninduk anya fagayu, ay tagfangagat fag ngay mela namamin at ngay nagsawadan.

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 17:4

Bunwa ban am ya tagagbilug ku nafon ayu fag talun. Namasik ngay fagsuguan kban ayu sa ay ngay fawayan, sa ay fagyudun toglag fag talun, aroro nafadotama am angku, ay ku dotama kata sik ngay afuy tagigang at yud karabung ya.”

Eremyas 4:24

Ay nalag au buksul nu guigan.

Eremyas 4:8

Nu katanya, suluni ay ngay lanbung famatoglag te, kabalu am ay waywayi te, “Yawi kadotama yay gugat antam.”

Eremyas 6:12

Ay namon kwan sa tibak taw at ngay bale anggan at ngay gamasun ay at ngay bubay. Umfasludan ban takatanya gina au nafaurianan ngay taw tagbanwan ste fag talun. Au, Yawi, taglong tuy.

Eremyas 8:2

Ay namarapyagan kban sa sik talun kafag ngay taw at ngay bini. Ay matimrangan ban sis menit at sugba ay sis magdanun ay si sangay galeme at yamag. Katanya ban at faurianan sa kafag ngay taw aroro nesug menit ay magdanun ay ngay galeme, ay nafaning kafag ngay tagyamag ay ankakbang sanya ay nafauseganan.

Eremyas 9:22

Ay Yawi nalong te, “At ngay mabulan kata sik fagbaugun at kek nangarapyag sa sangay gamasun, ay kata yangay taggutlu at nafamato fag ngay rawvg at yud e namul ya.

Takabalu 5:22

nu ddi o gaiyan emi kabavn, ay kadotama o emi maksvn.

Esekyel 15:6

“Katsi, au, Fun Dius Yawi, glong au te, ngay taw Erusalem kata way sik wat ubas tagtugbung magamut si sangay kayu sisad araw. Nangirug kban ngay taw Erusalem aroro kanya fagayu we masuad.

Esekyel 30:25

Namabitsug kban Babilunya at fun at ngay take, dewa katanya, gfae yud kban e tungkul Igiptu at fun at ngay take. Nu nafated kban ku fiso sas Babilunya at fun laman nangagbilug talun Igiptu, kanya ban fag ngay taw Igiptu sumaful te, au Yawi.

Esekyel 6:14

Gfaurianan kban anya fagayu nusnga nday nu gbanwan ay namasik mabaluan kban at talun, siginan at yud e taw fag talun ay tagsas fawalan baliwa fag alvngvdan ay sas Dibla tagsis fasiunan baliwa fag alvngvdan. Nu katanya, kanya ban fagayu sumaful te, au Yawi.”

Daniel 9:16

Em Fun, matuyan tuo, nu katanya gfainfanyuan au te, falyami wan nu kadotama o Erusalem, am nafili fag furuan ay fag buksul at yud e malong. Aroro siginan em ngay asalanan ay anggan em ngay mangaguyang at asalanan, ngay taw si em ngay ligung gfalingun Erusalem ay emi am ngay taw.

Usea 14:4

Dius nabalus te, “Gfalyam kban ku ngay taw at fakamaboun ay maksvn nu kesug au anya sas fagdaul ku amatanganan. Aroro nalyam wan ku dotama sa anya fagayu.

Amus 8:8

Nu katanya, namae fanguig kban say daga, ay fagayu ban am gwayway am. Ay daga ban umkabat kata Liskung Nilu nu kabia ay nu kalay at familugan sis talun Igiptu.

Mikas 1:4

Ay at fagnanloan ban fag ngay buksul umtinas kata sik ngay lune at mafasalungan. Ay at fagnanloan ban fag ngay datag umke karang kata mamam nu nabuntuk siginan tangabat fag afud daga.

Naum 1:5

Fungsu, buksul ay fagdaul daga guigan sit salubangan, ay fagayu taw gtadtaruyan kalimu.

Abakuk 3:10

Ngay buksul nu nalag emu, gtadtaruyan kalimu. Nu narak maksvn, dagat glugwak ay gbia nu kalung.

Sefanias 1:17

Yawi nalong te, “Namae fagidapun au ngay taw, ay kanya ban fagayu glao kata sik yud glag, aroro anke asalanan sa angku. Ay at taguk gtaribisan kata mamam, ay at ngay bilug kadan kata ngay nakaurian.

Deuterunumyu 31:17

Ginanya ban fag menit, nangauri au ay nangaiyan anya fagayu, ay gtalyuyan kban laman ban kanya fagayu umkamin. Ngayu ban fag faurianan ay fag fagidapun takadasug, ay kanya ban fagayu ginto te, ‘Ay wain? O nunda Yawi wa gufud ya antam at fagindasugun sa antam takatatuy fag ngay fagidapun?’

Deuterunumyu 31:18

Ay ginanya ban fag buknga gtalyuyan kwan anya fagayu, aroro nafakamulun at mauri nu gseg tibak fagsegan.

1 Tesalunika 2:16

Kafag ngay taw gsalag nu gfoyung ami at Masine fag Barita sas yud Udyu fag ngay taw laman gsalag kanya fag ngay taw nu kalangfe. Nu katanya, Dius gfaurianan ban anya fagayu aroro fagayu at asalanan maksvn wan nu mauri.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.