Isayas 5:24 - Fanawbuid tagsibaliwas Fakayabian

²⁴ Nu katanya, umkata ban am sik ngay nagutan ay sik makmak at kinyango ay at natubung masakit. Ay kata yangay am sik tanum at kindan at lalid ay at ngay barugwak at kinlangke ay takalayug kata lukbu, aroro natalyuyan am Yawi at Mabalyanan at longan, ngay taw Israel at Dius at yud e Malong, ay nafayud am e masuad at ngay foyungan.

Isayas 5:24 ပူးပေါင်းရင်းမြစ်များ

2 Fun 19:22

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Nemyas 9:26

“Dewa katanya, kanya fagayu kamabo yay gugat ay gasalanan sa emu. Ay natalyuyan am ngay suguan, ay nafabul am ngay taglong takaylat kafoli sa emu, ay maksvn nu kauri emu.

Ub 18:16

Ay umkata sik fun kayu at ngay lalid at kinyango wan, ay at ngay sanga kinyango wan.

Ub 8:17

At ngay lalid gulitan gang, ay kaylat sa tagagangun.

Alubad. 50:17

Nafae yud am e masuad ku ngay foyungan, ay wam nafaning ku ngay longan.

Nu Galin 15:7

Siginan am fagmabalyananun, nababo o fagayu tagfawayan emu. Nafalag o sa anya fagayu am dotama ay nafamin o anya fagayu kata sik nagruyusan fare at kinkirug.

Nu Galin 5:12

Nu katanya, ngay taw Israel nasaruayan laman nanrvbvy nagbiluganan fare sas fagdaul talun Igiptu.

Isayas 1:31

Ay at mabalyanan ban fag taw umkata sik baruk, ay at fakamulun kata sik batsio, ay fagdua umsik igang, ay wa ban e mafarabung ya kanya fag afuy.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 24:6

Nu katanya, Dius namauri wan fagdaul daga, ay at ngay taw umfaurianan aroro siginan at ngay asalanan. Ngayu bank taw umkirug ay wa ban ngayu at kumsawad.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 30:12

Nu katanya, Israel at Dius at yud e Malong nalong te, “Aroro nasaruyan wayam ku foyungan ayu ay nafanud wam sas famalingun ay fandaya,

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 47:14

At matuyan, kanya kata way sik ngay nagbiluganan at masakit kairug, ay wa mafalangfe at sadili siginan sad afuy. Kafag afuy di kata at maugali fag afuy nu bunway amasugba yap tua.

Isayas 8:6

“Kafanyu koma fia nu galaga au ngay taw Uda, kata Liskung Siluak tagarimanan nu gfamilugan, dewa katanya, kanya fagayu wa nsun si angku, ay guseganan sas fun Resin ay fun Peka.

Isayas 9:18

Aroro kafag ngay taw at fagmauriun maksvn wan kata sik afuy tagirug sas wa makmak tagadugiun. Kanya gbia nu gigang kata afuy nu girug sik araw, ay kata sik takabat fag anus at madamvl.

Isayas 9:19

Ay aroro Yawi at Mabalyanan maksvn nu kadotama anya fagayu, anggan at daga umkirug wan, ay kafag ngay taw umkata famaygang takayungu. Ay kanya ban fagayu wa kadkafanyuan ya.

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Eremyas 8:9

Ngay taw taglong te, e fagsafulun ami, umke fakaplaun ay umke fakalimuun aroro e nantaban ban anya fagayu. Aroro kanya fagayu natalyuyan ku ngay longan, nataw fag fagsafulun tagsi anya?

Esekyel 15:6

“Katsi, au, Fun Dius Yawi, glong au te, ngay taw Erusalem kata way sik wat ubas tagtugbung magamut si sangay kayu sisad araw. Nangirug kban ngay taw Erusalem aroro kanya fagayu we masuad.

Usea 11:9

Ay kwa ban gfasure ya at maksvn ku dotama. Ay kwa ban gfamin ngay taw Israel, aroro au wan Dius bundi au taw. Au wan at matuyan fag Dius tagufud ayu. Kwa kadasug sa ayu at ke fandotaman.

Usea 5:12

Namamin au ngay taw Israel ay Uda, kata ngay fatung nu gfamin sik bale.

Usea 9:16

Kanya fagayu kata sik tanum at kin-gong at lalid ay nu katanya, wa grawvg ya. Ay dewa ban gfafion, gfabul au at ngay fakesugun fag ngay sisian.”

Uel 2:5

Ay kafag ngay liung nu gliptuk sa sangay tungud buksul grvtrvtan kata ngay kabayu at faguyudan nu garinggit, ay kata ngay nagutan nu gigang. Kanya fagayu kata sik ngay tagfawayan at maseganama ay at mafalganan laman namawayan.

Amus 2:4

Katatuy Yawi at longan sabaliwas Uda: “Ngay taw Uda gfataglayun way gugat nu gasalanan, nu katanya, namaurianan kban anya fagayu. Kanya fagayu nafamabo ku ngay suguan ay wa nafaning ku ngay fangatulun. Ay siginan nu gseg at ngay mangaguyang at ngay fagsegan, kanya fagayu ansik malyaman.

Amus 2:9

Dewa katanya, aroro kesug au ngay taw Israel, nafabul kwan takamabatun fag ngay taw Amur takabat sik fun daligan ay kamaogat sik malyvm. Nafabul kwan anya fagayu, ay kwe nafasawad nusdi sadi.

Naum 1:10

Kata am sik tagalangu at mafasafungan madugi fag wat. Namamin au ayu kata nu e nairug ngay nagbiluganan fare.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Mateu 3:12

Kanya glayap laman gfasaman at ngay nagutan siginans trigu, ay gfaful ngay bintuy trigu sat fagfungsuan. Dewa katanya, at ngay upa nangirug sas afuy at yud ban karabung kabavn.”

Lukas 10:16

“Nusnga sinu tagdungugan ayu, gdungugan yangay angku. Ay nusnga sinu takauri gdungugan ayu, kauri yangay gdungugan angku. Ay nusnga sinu takauri angku, kauri way anggan at nasugu angku.”

Lukas 3:17

Kanya glayap laman gfasaman at ngay nagutan siginans trigu, ay gfaful ngay bintuy trigu sat fagfungsuan. Dewa katanya, at ngay upa nangirug sas afuy at yud ban karabung kabavn.”

Lukas 7:30

Ay ngay taw Fariseu ay tagfoyung Muisis at Faugali kauri Dius at algan sa anya fagayu, aroro ebi kafag ngay taw wa kaylat Uan nu gfasurung anya.

Uan 12:48

Nusnga sinu takauri angku at yud kaylat gfaning ku longan, e gfauri ban anya. Ku foyungan fag ngay longan tagfauri takatanya fag ngay taw sa taguyan fag menit.

Fakamulun 13:41

‘Am fag ngay taw takamalingun, umdulo ban am sa ku fagnamakamulunun ay umbul ban am, aroro e fagnamakamulunun kban gina si ay buknga, dewa katanya, wa ban am gafanud dewa e nanfamoyung sa ayu.’ ”

Deuterunumyu 28:24

Yawi ban at fagfadasugun sa ayu lukbu way, abat ngate mamam. Kanya ban namafaragfag sa ayu lukbu yakmay ban am anbul.

1 Tesalunika 4:8

Ay nusnga sinu at yud gfaning takatanya fag ngay suguan bunwa sas taw nu kamabo, nu bunway sa tuas Dius, at nafon antam at Masine fag Falad.

1 Samwel 15:23

Fakamaboun sas Yawi gsud yay nu mauri fagfangufitun, ay takamaogatun nu mauri gsud yay tagseg tibak fagsegan. Aroro wo nafaning Yawi at longan, kanya wa kaylat ya emu laman ngay taw Israel at fun.”

1 Samwel 15:26

Dewa katanya, Samwel nalong te, “Kwa nangalo ya emu. Aroro sam nafamaboan, Yawi wa kaylat ya emu laman ngay taw Israel at fun.”