Isayas 5:23 - Fanawbuid tagsibaliwas Fakayabian

²³ Wam naubung at ke asalanan fag ngay taw aroro nabul am famayad siginan anya, ay wam gfakamulun at matuyan sat yud e asalanan fag ngay taw.

Isayas 5:23 ပူးပေါင်းရင်းမြစ်များ

1 Fun 21:13

Ay duak taw mauri andasug ay namalunggung sis Nabut at salubangan. Nalong te, “Nabut nafauri Dius ay tam fun.” Nu katanya, kanya fagayu nataban Nabut sas day furuan daul ay nafana gang yakmay anbul.

2 Krunika 19:7

Suyui tua Yawi, ay matuyani tua nu gfawabilugan am, aroro Yawi tam Dius wa kaylat fagmatuyanun nu kalyam, ay nu e fagfili nu gfawabilugan, ay nu gbul famayad gina gfawabilugan.”

Alubad. 94:21

Kanya fagayu gkamatoan laman namawayan at matuyan fag ngay taw, ay gagbilug ngay faugali laman gfabul ngay taw at yud e asalanan.

Fangatulun 17:15

Yawi maksvn nu kauri sik taw tagfauri at yud e asalanan, ay tagfalfas sik taw at ke asalanan.

Fangatulun 17:23

At mauri fag taw gbul famayad laman fagmatuyanun wa kafasludan.

Fangatulun 24:24

Nu nafalfas way o sik taw ke asalanan, ngay taw kauri ay gfalingun emu.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 10:1

Ida, afanyuan am! Am takawat at yud matuyan fag ngay faugali. Aroro wa matuyan nu gfawabilugan am sa ku ngay taw at yud e kwa ay tagidapan. Ay gbul am anggan ngay fagbubayun ay ngay yud e fagtainan ya at ngay fagagbilugun.

Isayas 28:7

Ay dewa katanya, ngay tagfon fanggalangun ay ngay taglong granranugan aroro galangu, ay at ngay amatanganan wa maugali ya. Ay ngay taglong gsalan wan nu gfae masuad at ngay taginfan, ay ngay tagfon fanggalangun wa masine at ngay algan.

Isayas 29:21

anggan taglong at yud matuyan sabaliwa tiba, anggan takamuagan laman gfaylatan tagwabilug, ay anggan ngay takamuagan tagfatuyan laman at yud e asalanan fag ngay taw wa umke fagmatuyanun.

Isayas 32:7

Ngay tagfandaya at ngay balyawvtan wa masine. Kanya fagayu gfalganan gugat at mauri sat yud e kwa fag ngay taw siginan at fakamuaganun, dewa at yud e kwa at fagetun matuyan.

Isayas 59:15

Anud, fagmatuyanun nalyam wan, ay fagayu tagsaruyan at mauri gafalingunan wan. Ay Yawi nalag takatanya, ay wa guseganan aroro we gfawabilugan ya.

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mikas 7:3

Kanya fagayu annanad wan gfakamulun at mauri. At ngay tagfangguna ay at ngay tagwabilug gbul famayad laman namakamulun at mauri. Ay gfaning way at mabalyanan fag ngay taw at fakaylatun, ay masadi yangay laman gfayud e masuad fagmatuyanun.

Mateu 23:35

Sumugu kban kafag ngay taw sa ayu, laman Dius at nafalganan fag faurianan sas fagayu at nafabul at matuyan fag ngay taw kadasug yangay ban fia sa ayu, siginan ebi at faurianan sat nafabul Abel, sitsigon at nafabul Sakaryas, Barakyas at baguama. Kanya ebi ay nafabul gina sisad wabilug Dius at bale ay at fagirugan fanggalangun.

Deuterunumyu 16:19

Kanya nangus fagayu nu gfawabilugan di gfainbalian at matuyan, ay di e fagfadiugananun. Ay lag gbul famayad, aroro takatanya gsalag way at ke fagsafulun, ay gfaurianan at matuyan, ay gfaylatan sat ngay algan.

Santiagu 5:6

Nafaurianan am ay nafabul at matuyan fag ngay taw, kanya fagayu deyud gfawayan ayu.