Isayas 5:21 - Fanawbuid tagsibaliwas Fakayabian

²¹ Ida, afanyuan am! Am takamanagsag te, “E fagsafulun au!”

Isayas 5:21 ပူးပေါင်းရင်းမြစ်များ

Ub 11:12

Madulo way yud e fagsafulun nu nke fagsafulun ay madulo yangay sik asnu talun nu griangan sik taw.

Fangatulun 26:12

Amasine yap tua sik yud mamatanganan, nu gamut sik taw tagamatangan gugat te, e fagsafulun tua.

Fangatulun 26:16

At momuy fag taw nu glong, amamatanganan yap tua fituk taw ke fagsafulun.

Fangatulun 3:7

Lag o gamatangan te, e fagsafulun wo, suyui tua Yawi, ay lag gfakamulun at mauri.

Isayas 10:13

Aroro Asirya at fun nalong te, “Nafakamulun au takatanya, siginan ku fagmabitsugun ay ku fagsafulun. Nagbilug au ngayuk talun ay at ngay ramraman. Maseganama au ay nababo kwan kafag ngay talun at ngay fun.

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 40:23

Kanya naiyan ngay fun ste swa daga siginan at ngay fagfagtainanan laman we tungkul ya.

Isayas 47:10

Ay gafanud o te, we faurianan takadasug sa emu dewa o gfakamulun at mauri, aroro gamatangan o te, we glag emu. Am ngay fagsafulun ay am fagmamatanganun nafalyam emu, ay kanya wan am fagnalongun te, ‘We gfasud angku.’

Uan 9:41

Isus gbalus, “Nu dway am glag, wam nangus e asalanan. Ay aroro glong am te, ‘Glag tuami,’ nu katanya, e asalanan yayam.”

Ruma 1:22

Kafag ngay taw glong te, “E fagsafulun ami.” Dewa katanya, kanya fagayu wa mamatanganan.

Ruma 11:25

Ku ngay faduksay, kaylat au nu sumaful am tuy fag masuksukan at masuad, laman diam kamatungudun. Wa ban glugo ngay taw Israel nu kamaogatun at ngay amatanganan. Kanya ban fagayu di kamaogatun ya, gina ban ansak at kayuan at yud Udyu fag ngay taw tagafanud sas Dius.

Ruma 12:16

Ugalii tua manabayan sas galay am at sadi. Lag am kamatungudun nu bunway fasudsunani yangay dewa tagafalingunan fag ngay taw. Lag am gamatangan te, amamatanganan tuam ay iba.