Isayas 5:20 - Fanawbuid tagsibaliwas Fakayabian

²⁰ Ida, afanyuan am! Am taglong te, masine way at mauri, ay mauri way at masine, ay taglong te, at madulum mayamag, ay at mayamag madulum, ay taglong te, at mayat matamis, ay at matamis, mayat way.

Isayas 5:20 ပူးပေါင်းရင်းမြစ်များ

Ub 17:12

Glong am te, yabi nangus menit yakman, ay dulum nangus umsik fagmayamagun.

Nu Galin 23:7

Lag am gfantabugan at yud matuyan say iba, ay lag am gfabul taw at yud e asalanan. Aroro gfaurianan kban fagayu tagfakamulun takatanya.

Fangatulun 17:15

Yawi maksvn nu kauri sik taw tagfauri at yud e asalanan, ay tagfalfas sik taw at ke asalanan.

Fangatulun 4:17

Ay kanya fagayu gfakamulun at fagmauriun, kaksvn nu katebo fakonun, ay nu kadanum.

Isayas 24:9

Wa ban e gfangalubadan ya gina gmamaman, ay at fanginum ban mayat way.

Isayas 29:21

anggan taglong at yud matuyan sabaliwa tiba, anggan takamuagan laman gfaylatan tagwabilug, ay anggan ngay takamuagan tagfatuyan laman at yud e asalanan fag ngay taw wa umke fagmatuyanun.

Isayas 30:10

Kafag ngay taw nalong sat ngay taglong te, ‘Lag gfoyung ya emi sabaliwas Dius at nalong sa ayu. Lag gfoyung sa emi at matuyan fag ugali. Am fagfoyungun sa emi nusnge wain yakman tagfauseganan emi, ay sik ngay taginfan yakman at yud kafasludan.

Isayas 32:5

Ay sik ngay taw yud e fagsafulun, wa ban e gfauseganan ya anya, ay sik ngay tagfandaya wa ban e gsuyu anya.

Esekyel 13:19

Nafauri am angku si ku ngay taw at daga salubangan, dewa way siginan sik alay fag barli ay fag tinapay. Ay siginan ay fakamuagun nalong am te, “Fabuli wan at yud e asalanan ay falangfei at ke ngay asalanan.” Ay ku ngay taw nafanud sa ay foyungan.

Amus 5:7

Afanyuan am! Aroro abat ngate am gfae masuad at fagmatuyanun, gfakamulun wayam at mauri!”

Mikas 3:2

Dewa katanya, wam gfakamulun at matuyan, ay fakaylatun, at mauri way. Nafaidapan am ku ngay kaiban kata nu nabul am at balat, ay nabul am at ngay faknul siginan at bini ay naramyuk, ay nafatama am ay naon.

Abakuk 1:4

Nu katanya, am faugali we tungkul ya. Ay wa yangay e fagmatuyanun ya aroro tagfawabilugan at fagfadiugananun at ke asalanan way fag ngay taw, bunwa at yud e asalanan. Nu katanya, fagmatuyanun we tungkul ya.”

Malakyas 2:17

Malakyas nalong yangay sa sangay taw Israel te, “Nafauri am Yawi siginan ay ngay nalong. “Dewa katanya, ginto am te, ‘Nataw nunda em ngay nalong at mauri ay at yud matuyan sa anya?’ “Nalong am te, ‘Tagfakamulun at mauri, masine way sis Dius at daga salubangan. Nu katanya, dada wan Dius at matuyan nu gfawabilugan?’ ”

Malakyas 3:15

Ay malong tam te, ‘Takamatungudun fag ngay taw mauseganan, aroro kanya fagayu kae ngay ramraman tua. Ay kanya fagayu wa gafaurianan, dewa nafaskud Dius.’ ”

Lukas 16:15

Ay Isus nalong te, “Dewam gfoyung sa tibak taw te, ‘Matuyan em fakamulun,’ Dius saful ay amatanganan. Aroro ngay taw at natuyan te, mafanud, kanya Dius kauri way.

Deuterunumyu 25:1

Duak taw nu gbadbaboan way, ay kanya fag dua nu nafadasug way at mamalong sas faginsafulan, ay ngay taginsaful nu nalong wan nu sinu at ke asalanan ay at yud e asalanan,

2 Pedru 2:1

Ebi e takamuagan fag ngay taglong si sangay taw Israel, ay kadasug yangay ban sa ayu takatanya fag ngay taglong. Kafag ngay taw masuksukan nu gfadasug tagsalan ay at mauri fag ngay foyungan. Ay kanya fagayu kauri tam Fun, at nafalangfe anya fagayu. Nu katanya, faurianan ban masakit nu kadasug sa kafag ngay taw.