Isayas 5:16 - Fanawbuid tagsibaliwas Fakayabian

¹⁶ Dewa katanya, e sumeg Yawi at Mabalyanan aroro kanya matuyan nu gwabilug, ay namalag te, kanya at yud e malong fag Dius aroro siginan at ngay fakamulun at matuyan.

Isayas 5:16 ပူးပေါင်းရင်းမြစ်များ

1 Krunika 29:11

“Yawi, o wan at fun sas fagayu nusnge wain, ay at mabalyanan, ay sik fagsuyuun tagtungud sas fagayu, ay at mauseganan! Aroro o way tagagbilug fagayu tagsis banwa ay tagsis daga.

Alubad. 21:13

Yawi, gseg ami emu, aroro sam fagmabitsugun. Galubad ami sa emu ngay alubad at mauseganan, aroro sam fagmabalyananun.

Alubad. 46:10

Ay Dius glong te, “Maragangani way, ay asafuli te, au wan Dius. Ay ngay talun at taw sas fagdaul daga gfauseganan angku.”

Alubad. 9:16

Yawi nafatoglag at sadili siginan nu matuyan nu gfawabilugan ngay taw. Ay ngay tagasalanan umfaurianan aroro sat ngay sadili nafakamulun.

Isayas 12:4

Ginanya ban fag menit, nangalubad am te, “Fagayu am fauseganani Yawi! Segi anya! Foyungi sas fagayu taw at ngay nafakamulun.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:17

Ay ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag,

Isayas 2:9

Nu katanya, kanya fagayu umfaurianan ay umkapla. Yawi, lag o kafanyu ya anya fagayu.

Isayas 28:17

Kata wayam sik bale ku nainsaful te, o masine wan. Ay gina am gfawabilugan, nasaful au te, wam matuyan. Nu katanya, namalayug au ayu sas fulug ay namalimus sas lugwak ay fakamuaganun ay fagsegun te, mafalangfe ayu.

Isayas 29:23

Aroro Akub at ngay kasugfunanan gina lumag ku nafakamulun sa anya, kanya dumungugan tua angku, Akub at yud e malong fag Dius. Ay kanya kalimu tua angku, Israel at Dius.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 33:10

Yawi nalong te, “Katsi namakamulun kwan, ay fagayu ban taw sumeg angku.

Isayas 33:5

Yawi tagtungud sas fagayu, aroro kanya gbanwan sis banwa. Kanya namasure ban at fagmatuyanun ay at fagmamatanganun sas furuan Erusalem.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 6:3

Ay kafag ngay awatan nasfuan nauro te, “Yud e malong, yud e malong, yud e malong, Yawi at Mabalyanan! At kamasuloan ankapnu sas fagdaul daga.”

Isayas 61:8

“Au, Yawi, guseganan ktua at matuyan. Kauri au ngay tagfangkamul ay tagfakamulun at mauri. Ay siginan ku fagmatuyanun, namon kban sa ku ngay taw nusnge wain, ay nangawat kban sa anya fagayu sik nasadian at yud e fakatabuan.

Isayas 8:13

Au, Yawi at Mabalyanan. Tuyani te, kdi e kalong. Nu katanya, suyui tua ay alimui angku.

Esekyel 20:41

Gina kban nafaful ayu siginan ay mesa fagbanwanan fag ngay talun, kaylat kwa ban ayu kata nu kaylat au gayuk at mabebanglu fag fanggalangun laman sa angku. Kaduge ban tibak furuan gdama gfalag kban sa ayu ku fagyudun e malong.

Esekyel 28:22

Nanlong o te, ‘Au, Fun Dius Yawi, glong au te, Sidun, o wan ku fawayan. Gina kban gfaurianan emu fag menit, ngay taw ban gfauseganan angku, kanya ban fagayu sumaful te, au Yawi. Sa takatatuy fag balyawvtan sumaful ban o te, kamatuyan au nya.

Esekyel 28:25

Yawi nalong yangay fia te, “Namaful kwa ban ngay taw Israel siginan at fagrapyaganan fag ngay talun. Siginan ban takatatuy, gfalag kban sa sangay talun ku fagmatuyanun. Kanya ban fag ngay taw namanwan sit mesa talun, ku nafon fag fagbanwanan sa ku fagsuguan Akub.

Esekyel 36:23

Namalag kban sa sangay talun at ngay taw ku ngayan at yud e malong ay at mauseganan nu inda nu gfauri am ku ngayan. Gina kban nafalag sa anya fagayu te, ku ngayan di e malong, siginan ku fagnamakamulun sa ayu, kanya ban fag ngay talun at ngay taw sumaful te, au Yawi. Au, Fun Dius Yawi taglong tuy.

Esekyel 38:16

Gug, namawayan ban o ku ngay taw Israel, kata sik linyabu tagtabun daga, laman ban ku fawayan fag ngay talun tumoglag angku te, kdi e malong.

Esekyel 38:23

Takatanya fag balyawvtan namalag au ku fagmabalyananun sas fagayu talun te, kdi e malong. Ay kanya ban fag ngay taw sumaful te, au Yawi.’ ”

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Lebitiku 10:3

Nu katanya, Muisis nalong sas Arun te, “Katanya Yawi at longan at masuad te, ‘Nusnga sinu fag tagfon fanggalangun at nangakbang sa angku masine nu gsaful te, dakdi e malong, ay masine fagayu taw nu gfauseganan tua angku.’ ” Ay Arun wa naringang.

Tap 20:13

Sanya fag talun at ngayan te, Meriba, aroro ngay taw Israel nafamabo Yawi ay sanya yay fia Yawi nu gfalag at kamasinean.

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

1 Pedru 1:16

Kata Dius at Longan sit Rirukan te, “Lag am e malong, aroro au kwe malong.”

1 Pedru 2:15

Aroro Dius kaylat at yud mamatanganan fag ngay taw nu ddi e fakamayudun sabaliwa ayu, siginan nu gfakamulun am at matuyan.

1 Pedru 3:15

Amatangi tua gugat tam Fun Isus ay fagfausegananun ay ay fagfaningun. Kabavn mafalganani nu gfayamag am sas nusnga sinu fag taw taginto sa ayu sabaliwa ay fagsegun.

At Nafasure 3:7

“Riruki sas tagbarita tagulit ngay tagafanud sis Filadelfia te, “Tagted Dabid at fanluang di e malong ay matuyan. Kanya nu naluang wan sakbawan we madingding ya, ay nu nadingding wan we mananluang ya. Kanya glong te,

At Nafasure 4:8

Kanya fag ufatk tagleleg fag awatan mesa unum at fakfak, galay at sadi mafus way lang mata fagdaul at bilug. Ay kafag ngay awatan wa karagang nu galubad dewa swa menit ay sad yabi te, “Yud e malong, yud e malong, yud e malong, Dius tam Fun at mabalyanan sas fagayu. Dius tagleleg ebi, ay katsi, ay kabavn ban.”