Isayas 5:13 - Fanawbuid tagsibaliwas Fakayabian

¹³ Nu katanya, ku ngay taw ban gatabanan, aroro kanya fagayu wa gamatangan ya ku ngay nafakamulun laman sa anya fagayu. Kabul ban am sas fanlunus ay sas fandanum gasfuan ay ngay tagfangguna.

Isayas 5:13 ပူးပေါင်းရင်းမြစ်များ

2 Fun 17:6

Usea nu gfunan gina sis fasiamk banwa, Asirya at fun nagbilug Samarya ay nataban ngay taw Israel sas Asirya ay nafabanwan sas furuan Kalak si sangay talun at munakbang sis Liskung Kabur sis Gusan fag talun, ay si sangay taw Medya at ngay furuan ayu daul.

Fangatulun 10:21

Ngayu tua tagdungugan at matuyan fag taw at aringang, dewa katanya, at yud e fagsafulun umbul, aroro wa gtogdungug.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 1:7

Ay talun anrasras wan ay nirug wan ay ngay furuan. Ay tibak talun at ngay taw naago siginan ayu ay ngay gamasun, ay nalag wam fia kanya fagayu nu grasras. Nu katanya, kanya fagayu we fanambagun ya.

Isayas 23:9

Yawi at Mabalyanan at ke algan takatanya, laman namatong takamatungudun tagseg at kamasinean, ay laman gfamababaun ngay takadungug sas fagdaul daga.

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Isayas 3:1

Fun Dius, Yawi at Mabalyanan, namalyam ban ngay taw Erusalem ay ngay taw Uda at ngay fagsegun: at fakonun ay at fanginum,

Isayas 3:3

ay at ngay fun tagfawayan, ay at fagsuyuun fag ngay taw, ay at ngay tagfalu longan, ay at ngay tagfakamulun at madulo, ay at ngay tagfangufit.

Isayas 44:19

We namatangan ya te, ‘Kafag kayu sik lifung ku famatama ku nanan, ay ku fagsugban way yamas, ku fakonun. O nangawat kyay sik mauri fag fagsegan at sawad? O nanseg au sa sik lifung kayu?’

Isayas 49:21

Ay gamatangan ban o te, ‘Sinu at nafasalug anya fagayu laman ku ngay sisian? Ay ku ngay taw tangayu nbul wan, ay anbalu au. Ay tiba natabanan sa tibak talun, ay au way lang at kinsawad. Sinu at nafagurang kafag ngay sisian? Ay daginan kanya fagayu?’ ”

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Eremyas 14:18

Ay nu nalao au sas fagtanuman ay sas furuan daul, nalag au at ngay kinbul sis awayan ay sis fanlunus. Ngay taglong ay ngay takamoyung gfataglayun nu gfakamulun, dewa katanya, wa saful at ngay fakamulun.’ ”

Eremyas 14:3

At ngay maramraman nasugu at ngay fagsuguan laman nanagub. Ay kafag ngay fagsuguan nalao sa sangay bubun, dewa katanya we mamam. Nu katanya, kanya fagayu anfoli ay we bilug at ngay baringan, ay at kaksvnan nu kapla natabun at ngay alfuyu.

Eremyas 8:7

Ngay manuk tungud saful tua nu ginain nu nanlayug sa tibak talun ay nu ginain nu kafoli, dewa katanya, ku ngay taw wa nasaful ku ngay faugali.

Takabalu 4:9

Amasine yap sik taw at kinbul sis fagawayanan, nu gamut at kinbul sis fanlunus tagarimanan way nu kabul aroro we fakonun.

Esekyel 7:12

Matuyan, munakbang wan nu namaurianan au ayu. Ngay tagbayad wa gfanagsag ya, ay tagfalao wa ganuran ya, aroro ku dotama ban umdasug sas fagayu taw.

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Amus 8:13

Gina kban gfaurianan ayu fag menit, ay ngay baguina at masine ay ay ngay baguama at maseganama ummomuy aroro maksvn nu kadanum.

Lukas 19:44

Kanya ban fagayu namatong emu, gasfuan tagbanwan si emu. Ay wa ban e gang ya gtudtungudan, aroro wo nasaful te, Dius andasug sa emu.”

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

2 Pedru 3:5

Kafag ngay taw at algan wan kalyam te, Dius at nawat tam kiwang siginan at longan. Ay kanya nawat daga siginan sad mamam.