Isayas 5:12 - Fanawbuid tagsibaliwas Fakayabian

¹² Gina am maful si ay fagmafulun, ay amatanganan sa way baliwa ay ngay fagfawangun ke ngay bakyang, ay ngay fagfadkalinganun, ay tulali, ay anggan ay ngay fanlangu. Dewa katanya, wam gamatangan ya sabaliwa Yawi at nafakamulun laman sa ayu.

Isayas 5:12 ပူးပေါင်းရင်းမြစ်များ

Fakasigadan 31:27

Wain am fagnadayaun angku? Wain am fagyudun nafasaful ya sa angku te, glao wo? Nu nalong di o, gfalo kro fia emu manabayan ay gfauseganan siginan sa ngay fagfawangun.

2 Samwel 19:35

Katsi ku banwa waluk safulu wan, ay kwa manamnam ya at mataba ay at yud mataba fag fakonun. We namnam ya sa angku ngay fakonun ay fanginum. Ay kwa yangay gdungug ya tagalubad. Gfaidapan kway ban emu, mesug fag fun.

Ub 34:27

Kanya nafakamulun takatanya aroro kanya fagayu natalyuyan anya, ay wa nafandungug at balyawvtan.

Alubad. 28:5

Kanya fagayu nafayud e tungkul am ngay nafakamulun. Gfaurianan ban o anya fagayu kata nu giklas sik bale, ay wa ban o gdog ya nangawat.

Isayas 22:13

Abat ngate, guseganan yayam. Nanfilas tuam sik ngay baka ay sik ngay tupa, ay guseganan wam gfangon ay ginum. Aroro nalong am te, “Guseganan way tam, gfangon ay ginum tam, aroro didayu umbul ban tam balabag.”

Isayas 24:8

ay wa ban e kadungug ya at masine fag ngay fagfawangun at awang, kata fagfadkalinganun ay fagfawangun ke ngay bakyang, ay wa ban e guro ya guseganan.

Isayas 29:1

Yawi nalong te, “Afanyuan Erusalem, Dabid at fagbanwanan fag furuan! Agvd, e fagmafuluni kayu banwa am tagsis furuan.

Isayas 5:19

Ay nalong yayam te, “Taw Israel at Dius at yud e Malong, fasakiti wan nu gfadasug o am algan, laman lumag ami. Fafasludani wan ebi am nalong am fagnamakamulunun, laman sumaful ami.”

Isayas 56:12

Kanya fagayu glong te, “Gewan! Namul tam fanlangu laman galangu tam! Aroro nu setain nu yud tam e fagayudanun katsi fag menit, katanya yangay ban anggan balabag.”

Esekyel 26:13

Gfaragang kban nu galubad am ay nu gfawang am ay ngay fagfawangun ke ngay bakyang.

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Lukas 16:19

“Ebi e sik taw maramraman, ay kanya galanbungan tua gugat masine. Ay fagayu menit at fakonun mataba tua gugat.

1 Kurintu 14:7

Sik fagfawangun yud e leleg, kata tulali ay fagfawangun ke ngay bakyang, nu dway nafabadbalian at mesa awang, tain ro nu kasaful at ruri?

Udas 1:12

Kafag ngay taw gina gasfuan ayu gfangon, gfae fakaplaun ayu, aroro kanya fagayu gfangkumon. Ay at fagamatanganun at sadili way lang fakaylatun. Kanya fagayu kata way at yud e arak fag linyabu, tagabuban tagmara, ay kata yangay sik tanum tagrare yud grawvg dewa ndasug fanrawvgan, ay an-gulad, ay at lalid anyango wan.

1 Samwel 12:24

Nu katanya, suyui tua ban gugat Yawi, ay faningi anya sas fagdaul ay amatanganan. Amatangi tua ban gugat at ngay nafakamulun at maksvn nu madulo.