Isayas 5:11 - Fanawbuid tagsibaliwas Fakayabian

¹¹ Ida, afanyuan am! Am takafulo masurip laman nanginum fanlangu, ay am tagfasigad ginum siginans fafun sitsigons buknga yabi laman galangu am.

Isayas 5:11 ပူးပေါင်းရင်းမြစ်များ

2 Samwel 19:35

Katsi ku banwa waluk safulu wan, ay kwa manamnam ya at mataba ay at yud mataba fag fakonun. We namnam ya sa angku ngay fakonun ay fanginum. Ay kwa yangay gdungug ya tagalubad. Gfaidapan kway ban emu, mesug fag fun.

Fangatulun 20:1

Tagfasawe nu gmamaman fanlangu, at rawvg kamalingun ay fagyudun manabayan, nu katanya, nusnga sinu fag taw tagmamaman fanlangu, we fagsafulun.

Fangatulun 23:32

Aroro gina ro wo galangu, am bilug wa manabayan ya, ay kata sik maganga fag ule nu nagat emu.

Isayas 22:13

Abat ngate, guseganan yayam. Nanfilas tuam sik ngay baka ay sik ngay tupa, ay guseganan wam gfangon ay ginum. Aroro nalong am te, “Guseganan way tam, gfangon ay ginum tam, aroro didayu umbul ban tam balabag.”

Isayas 24:9

Wa ban e gfangalubadan ya gina gmamaman, ay at fanginum ban mayat way.

Isayas 28:1

Afanyuan Samarya; kanya kata sik sangbo barugwak, tagalangu fag ngay taw Israel at fakamanagsagun. Furuan Samarya sisad datag, sit masine fag daga, dewa katanya, at kasinean kalyam way ban kata sik barugwak takalangke.

Isayas 28:3

Kanya ban nansiad Samarya, kafag sangbo barugwak, ngay tagalangu fag ngay taw Israel at fakamanagsagun.

Isayas 5:22

Ida, afanyuan am! Am tagananad ginum at malangu, ay tagsaful ngay famasuglat sas fanlangu.

Isayas 56:12

Kanya fagayu glong te, “Gewan! Namul tam fanlangu laman galangu tam! Aroro nu setain nu yud tam e fagayudanun katsi fag menit, katanya yangay ban anggan balabag.”

Abakuk 2:15

Ida am! Aroro nafae fakaplaun am ay fakbangan fag ngay talun. Kata nu nafalangu am anya laman lumag am nu malulasan.

Abakuk 2:5

At matuyan, ngay ramraman wa mafanud. Ay fagayu taw takamatungudun ay tagfangalabian ramraman, kabavn gafanawa ay we fagmanabayanun. Kanya fagayu kata way sik takamabul yud kagwanta. Nu katanya, kanya fagayu gfangagbilug ngay talun.

Lukas 21:34

“Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

Ruma 13:13

Ugalii tua at masine aroro si tua tam sad mayamag, ay di tam si ya sad madulum. Ay saruyi takatatuy fagayu: fakamasaweun nu guseganan, fagfanlanguanun, fagfanugtugun, ay at mapla fag fakamulun, fagawayanun, ay fagfangalabianun.

1 Kurintu 6:10

ay tagfangkamul, ay tagfanganuran, ay tagalangu gugat, ay tagfauri tibama, ay takamasing, fagayu tagfakamulun takatanya wa ban umful sas Dius at fagfagtainanan.

Galasya 5:21

ay fagfangasulupun, ay fagfangalanguun, ay fakamasaweun nu guseganan sat mauri, ay tiba yak ugali takatanya. Gfararang au kata ebi taguna ku foyungan ayu te, nusnga sinu tagfakamulun takatanya wa ban umtap sas Dius at fagfagtainanan.

1 Samwel 25:36

Abigail nu nfoli wan sat bale, Nabal anke fagmafulun kata nu sik fun. Nabal guseganan ay galangu. Nu katanya, balabag di ya Abigail nu glong sat mangama sabaliwa Dabid nu namablang anya.