Isayas 5:10 - Fanawbuid tagsibaliwas Fakayabian

¹⁰ Ay at fagtanuman wat ubas, dewa gbia, alay way at gutluan fanlangu. Ay at natanum fare, dewa safuluk tasan, at gutluan sadi wayk tasan.”

Isayas 5:10 ပူးပေါင်းရင်းမြစ်များ

Nu Galin 37:22

Ngay barugwak ay ngay sanga fag ngay famasine, mawatan siginan at yud e suglat fag gintu.

Isayas 32:13

Sa ku ngay taw at daga e tumugbung sik ngay makmak madugi. Kalyam ban at manabayan fag furuan at ngay bale.

Isayas 7:23

At tanuman wat ubas nu sadik libuk fun, nu kabayad sadik libu tuak lifung salapi, dewa katanya, ginanya ban fag buknga, tagtugbung sit ngay gamasun at madugi way fag ngay makmak.

Eremyas 48:33

Sis talun Muab we guro ya guseganan ay gfanagsag sa sangay gamasun ay sa sangay tanuman wat ubas. Ay we gfamilugan ya sit ngay fagturisan. Ay we guro ya guseganan gturis sa sangay fagturisan. E guro yay oma dewa katanya, bunwa te, guseganan.

Uel 1:17

Ngay bvtang wa gtugbung sit matugas fag daga. Nu katanya, wam e fagfasakboun ya sa ay ngay fagfungsuan, aroro niklas wan.

Lebitiku 26:26

Wa ban kasakan ya ay fakonun, nu katanya, sadi wayk fagdafugan safuluk mangena at fagfatamaan tinapay, ay kafag tinapay nangafudan yayam. Gfangon oma ban am dewa katanya wam kapsug.

Lebitiku 27:16

“Ay sik taw at fanggalangun sas Yawi nu at daga wan at fagtainan at nafon anya, tagfon fanggalangun glong kafag daga at famayad nu seyu nu gbvtang; nu sik saku kafag daga nu gbvtang, at famayad duak safuluk sanbung salapi.

Agay 1:6

Ngayu oma ay natanum, dewa katanya, alay way ay gutluan. E fakonun oma am, dewa katanya, wa kasakan. E fanginum oma am, dewa katanya, kadanum yayam. E lanbung oma am, dewa katanya, karios yayam. E bulan oma am, dewa katanya, kamin way vtv.

Agay 2:16

Aroro ebi, gina am nalo sa ay ngay fafulan trigu, gseg am te, dua tua ro ksafuluk tasan ay gutluan, dewa katanya, safulu wayk tasan. Ay gina am nalo sa ay fagturisan rawvg ubas gseg am te, lima ro ksafuluk baringan ay fagmafapnuun, dewa katanya, dua way mangaro ksafuluk baringan.

Deuterunumyu 28:38

Ngayu oma ban ay ngay natanum, dewa katanya, alay way ban ay gutluan, aroro ngay liung ban kon way.

Deuterunumyu 28:39

Gtanum ban am ngay wat ubas ay galaga am maksvn, dewa katanya, wa ban am e gutluan nusdi alay, ay wa ban e nainum mamam malangu siginan at rawvg, aroro ngay ulud ban kon way.