Isayas 5:1 - Fanawbuid tagsibaliwas Fakayabian

¹ Nangalubad au sik alubad laman sa ku fakesugun, sabaliwa at tanuman wat ubas: Ku fakesugun e tanuman wat ubas si sik buksul sit masine fag daga.

Isayas 5:1 ပူးပေါင်းရင်းမြစ်များ

Alubad. 101:1

Yawi, galubad au sik alubad famauseganan emu, sabaliwa nu mafangesug o ay nu matuyan o.

Alubad. 45:1

Ku fagnanlongun sas fun at masine tua fag ngay longan tagsi ku amatanganan. Mafalong ktua at masine kata sik taw tagsaful fia gfaturunan nu garingang.

Alubad. 60:5

Siginan am fagmabalyananun, dungugi ay falangfei emi, am fakesugun fag ngay taw.

Alubad. 80:8

Kata ami sik wat ubas am nabuba siginans talun Igiptu. Ay am natanum sim naiyan fag ngay taw at daga.

Sulumun at Alubad 2:16

Gagbilug kwan ku fakesugun fag mangama, ay kanya wan tagagbilug angku. Kanya namafangonan at ngay fagbaugun sat ke ngay barugwak.

Sulumun at Alubad 5:16

At lislis matamis. Anud fagayu tagsi anya malabian mandi. Nafoyung au sa ayu fag ngay baguina sis Erusalem te, kata kanya ku fakesugun fag mangama at kawalungan.

Sulumun at Alubad 5:2

Sik yabi, kaduge au gtiug yud ngabasad, nadungug au ku fakesugun fag mangama nu katuk. Ay kanya glong angku te, “Ku fakesugun fag baguina, fasakboi angku, aroro ku alfuyu nadamugun.”

Sulumun at Alubad 6:3

Ku fakesugun fag mangama gagbilug wan angku, ay au wan tagagbilug anya. Kanya namafangonan at ngay fagbaugun sat ke ngay barugwak.

Eremyas 12:10

Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 2:21

Kata oma am sik masine fag wat ubas ku natanum, dewa katanya, wain ay faginkataun sik rawvg at madanan?

Esekyel 15:2

“Taw at baguama, setain wat ubas nu gtungud tibak fun kayu at sanga?

Esekyel 19:10

“Am mina kata sik wat ubas tagsis tigyangan liskung nu matanuman. Kanya fag tanum ngayu at sanga ay at rawvg, aroro ngayu tua at mamam.

Usea 10:1

Ebi, ngay taw Israel kata sik ngay tanum wat ubas mataglu ay marabung ay at rawvg ngayu tua. Dewa katanya, kaduge kanya fagayu ankayu, kayu yangay nya at nawat fag ngay fagirugan ay gfasine at fagsegan fag ngay gang.

Mateu 21:33

Isus nalong yangay fia te, “Dungugani sadi ya ku faydayuanan. Sik tagagbilug daga natanum sik ngay wat ubas sit daga ay naalad at tanuman, ay nawat yangay sik fagturisan ubas at rawvg, ay nawat sik bale ngabat laman fagulitan at tanuman. Ay kanya nafaalaga at tanuman sa sik ngay tagalaga ay nalo sa tangayayu fag talun.

Markus 12:1

Isus gfasigad gfoyung sa sangay taw sik faydayuanan te, “Sik taw natanum ubas sit daga ay naalad at tanuman ay nawat sik fagturisan ubas at rawvg, ay nawat yangay sik bale ngabat laman fagulitan at tanuman. Ay kanya nafaalaga at tanuman sa sik ngay tagalaga, ay nalo sa tangayayu fag talun.

Lukas 20:9

Isus gfasigad gfoyung sanya fag ngay taw tuy fag faydayuanan. Glong te, “Sik taw natanum sik ngay wat ubas sit daga. Ay kanya nafaalaga at tanuman sa sik ngay tagalaga ay nalo sa tangayayu fag talun ay glugo tua ban nu gbanwan sanya.

Uan 15:1

“Au wan at matuyan fag fun wat ubas, ay ku Mama tagalaga.

Deuterunumyu 8:10

Ay nu nafangon ban am ay napsug am, gseg tua ban am Yawi, aroro kanya nafon tua sa ayu at masine fag talun.

Deuterunumyu 8:7

Aroro Yawi namabanwan ayu sat masine fag talun, at ke ngay liskung ay ke ngay bulbug tagfamilugan sa sangay datag ay anggan si sangay buksul.