Isayas 49:9 - Fanawbuid tagsibaliwas Fakayabian

⁹ Foyungi ban sat ngay natabanan fag ngay taw Israel, ay sat kinkubung sasad madulum te, ‘Duksuni wan! Nalfas wam!’ Ay kanya ban kata sik ngay tupa tagfangonan sa sangaba dalan, ay sa sangay buksul ebi at yud e gtugbung.

Isayas 49:9 ပူးပေါင်းရင်းမြစ်များ

Alubad. 102:20

laman gdungugan at maubungan fag ngay taw nu guro aroro gidapan, ay laman namalfas at maubungan at fagnamabulun wan.

Alubad. 146:7

Yawi gfon tua fagmatuyanun sa tagafalingunan fag ngay taw, ay gfon fakonun sa sangay takalunus. Ay gfalfas at ngay maubungan.

Alubad. 22:26

Ngay taw nangus at yud e kwa gfangon tua ay kapsug. Ay fagayu nangus takakbang sa emu tanan tua nanseg emu. Ay kanya nangus fagayu kabavn gfauseganan tua emu.

Alubad. 69:33

Yawi, ggubuk tua ngay taw at yud e kwa, ay di kalyam at ngay taw at natabanan.

Isayas 41:18

Namae familugan au mamam sat yud e gtugbung fag ngay buksul, ay namae ngay bulbug au sa sangay datag. Ay at matat fag talun umke mamam, ay at ngay kin-gong fag daga umke ngay bulbug.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 42:7

laman at yud glag, glag tua, ay namalfas at ngay maubungan siginans fagmadulumun.

Isayas 48:17

Yawi ay Tagfalangfe, Israel at Dius at yud e Malong glong te, “Au, ay Dius Yawi at nafoyung ayu te, tain at masine sa ayu, ay au tagtaban ayu sat matuyan fag dalan.

Isayas 5:17

Ngay furuan ban at marasrasan, at maramraman fag ngay taw at fagbanwanan ebi, umsik masine ban fag fagnamafangonan ngay tupa.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Isayas 9:2

Ngay taw tagbanwan sisad fagmadulumun lumag ban sik maksvn fag fagmayamagun. Ay fagayu tagbanwan sanya gadamlagan.

Esekyel 34:23

Ay nanfili kban tagalaga anya fagayu kata ku fagsuguan Dabid laman kanya nangalaga.

Esekyel 34:29

Namon kban sanya fag ngay taw at masine fag talun ay tangayu fag gutluan laman ban di kalunus, ay laman ban tibak talun at taw di gfalingun.

Uel 3:18

Ginanya ban fag buknga, umramraman am. Ay umkapnu ban sa ay ngay fagsuadan ngay fanlangu siginans wat ubas. Ay umkayu yangay ban ay ngay baka ay ngay kambing sa sangay fagnamafangonan. Ay ay ngay liskung ban di kalanggang. Ay e gbulbugan ban siginans Yawi at bale ay nanfamilugan sa sangay fun akasya fag datag.

Lebitiku 25:54

Ay kanya fag taw Israel nu dway makatu gfafoli, takata kanya fag balyawvtan, gfalfas wan anya ay anggan at ngay baguama gina gfalfas ay gfafoli fag banwa.

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Lukas 1:79

laman nandamlag ngay taw tagsi yay sad dulum, ay takalimu sas fakabulun, ay laman namoyung ban antam, laman tam darafa lumao sat manabayan fag dalan.”

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Uan 10:9

Au wan sakbawan. Nusnga sinu tagsakbo nu sa tua angku nu gdalan, kanya umlangfe. Kanya fagayu gsakbo ay gduksun ay lumag at fagnanfangonan.

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Efesu 5:14

Ay at nayamagan matuyan nasasad mayamag. Kata sik longan te, “O fag taw tagtiug, afuloi wan, ay abangkadi siginans fakabulun, ay tam Fun Isus dumamlag emu.”

Efesu 5:8

Ebi gbanwan am sis fagmadulumun, ay katsi tam Fun nafasa tua ayu sad mayamag. Ugalii at masine kata nu si am sad mayamag.

Deuterunumyu 32:13

Ay kanya nafagbilug sa anya fagayu buksul, ay nafon at ngay gutluan siginan at ngay daga laman at fakonun. Ay nafon ngay deut tagsiginans gang ay tagsiginans ulibu fag langis tagtugbung si tagagangun fag talun.

Kulusas 1:13

Ay kanya nafalangfe antam siginans fagmadulumun at fagmabalyananun ay nafalin antam sat fakesugun at Baguama at fagfagtainanan.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.