Isayas 49:8 - Fanawbuid tagsibaliwas Fakayabian

⁸ Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Isayas 49:8 ပူးပေါင်းရင်းမြစ်များ

2 Samwel 7:13

Ay kanya ban at namawat ku bale laman sa ku ngayan, ay gtuyan au te, at ngay kasugfunanan tua ban gugat tagfunan kabavn.

Alubad. 2:8

Eti sa angku, ay gfon au emu ngay talun sas fagdaul daga, laman am fagnangagbilugun ban.

Alubad. 69:13

Yawi, dewa katanya, gdarangin au sa emu. Balusi ku fagetun gina sim nafalganan fag buknga, ay falangfei angku aroro mafangesug o.

Alubad. 75:3

Gina ban fagdaul daga nauigan ay gina ngay taw kalimu, gfaogat kban fagdaul daga at fagtungkudan.

Isayas 26:3

Yawi, foni sik maksvn fag fagmanabayanun sanya fag ngay taw tagamatangan kabavn sabaliwa emu, aroro gafanud tua sa emu.

Isayas 27:3

Au wan, Yawi, tagalaga kafag tanuman wat ubas. Gfarugme au gugat, ay gulit kayu menit ay kayu yabi laman di e gfauri.

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 44:26

Ay dewa katanya, namafasludan ktua ku ngay taglong at ngay longan. Gfoyung au te, ‘Gdog yay ban e namanwan sas furuan Erusalem, ay gdog kyay ban namawat tibak furuan sis talun Uda at kinrasras wan.’

Isayas 49:19

Anrasras wo ay nafasik mabaluanan, dewa katanya, katsi tagbanwan si emu wa sak ya. Ay at narasras emu umyayu wan.

Isayas 51:16

Nafoyung kwan sa ayu ku longan, ay siginan ku fagmabalyananun nadiri au ayu. Au at nafatungkud banwa ay anggan fagdaul daga at fagmatungkudan, ay au yangay at nalong sas furuan Erusalem at ngay taw te, ‘Am wan ku ngay taw.’ ”

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 54:3

Aroro umbia ban am fagbanwanan ay umdugdug ban at fatuan, ay am ngay taw ban nangagbilug tibak talun ay gbanwan ban sanya.

Isayas 55:6

Akbangi sas Yawi ay darangini kaduge kanya munakbang si ayu, laman kanya ggubuk ayu.

Isayas 57:13

Ay nu naet am gubuk, fabayani wan ay ngay fagsegan taggubuk ayu. Kanya ban fagayu kalayug siginan at maksvn fag tagmara. Dewa katanya, nusnga sinu tagafanud sa angku, namanwan tua ban sanya fag daga ay nangagbilug at yud e malong fag buksul.

Isayas 58:12

Ay ngay kasugfunanan ban gdog yay nangawat ay ngay furuan taglugo wan nu marasrasan ay namasine ban ngay fagtungkudan turuk. Ngay taw ban gtoglag ayu te, sik tagfasine am at kinrasras fag ngay alad ay fag ngay bale.

Isayas 58:5

Gina am yud gfangon laman gdarangin, maksvn nu kamababaun am. Garungan am kata sik ugun at ngay don. Gsulun am lanbung tagfatoglag te, kabalu am, ay gtaygilidan am sis dafug. O nunda kata kanya at matuyan nu yud gfangon laman gdarangin? O nu glong ro am guseganan au takatanya?

Isayas 61:2

Nasugu yangay angku laman namoyung au te, katsi fag buknga Yawi namalangfe at ngay taw ay namaurianan at ngay fawayan. Nasugu yangay angku laman namasun au ngay takabalu sas Siun. Abat ngate gfoli dafug sat alfuyu laman famasaful te, kabalu, kanya naugwag way langis ay nasangboan barugwak at famasaful te, e fagmanabayanun. Ay kanya umkata ngay fun kayu at mogat, Yawi at natanum. Ay e gtoglag ban anya fagayu te, at matuyan fag ngay taw tagfauseganan Yawi.

Isayas 61:4

Ay kanya gdog yay nangawat at ngay furuan taglugo wan nu marasrasan.

Isayas 65:9

Gfasawad kban Akub ay Uda at kasugfunanan tiba, ay kanya ban fagayu at nangagbilug ku nafili fag talun at ke ngay buksul. Kanya fagayu ku nafili ay ku ngay fagsuguan at namanwan ban sanya fag talun.

Mateu 26:28

Tuy ku taguk takabusbus ban laman gfalyam ngayuk taw at asalanan, ay famatuyan Dius at nasadian sa sangay taw.

2 Kurintu. 6:2

Aroro kanya nalong te, “Ebi gina au gfalag sa emu ku fakafanyun, nadungug ktua am darangin, ay ebi gina fakalangfean fag menit nagubuk ktua emu.” Amatangani, katsi wan at buknga nu gbul am Dius at fakafanyun. Katsi wan fag menit fakalangfean.

Efesu 1:6

Fauseganani Dius, aroro kanya nafakamulun tua at madulo fag famonun sa antam siginan at fakesugun at Baguama.

Ebreu 12:24

Ay andasug wam sas Isus, Tagwabilug sat Bagu fag Nasadian. At taguk at kinbusbus gfalyam asalanan, ay di kata Abel at taguk taget famasud.

Ebreu 5:7

Ay Isus kaduge ste swa daga kanya gdarangin galiasun get sas Dius te, “Falangfei ban angku siginans fakabulun.” Ay Dius nadungug anya aroro kanya matuyan tua nu gfaning.

Ebreu 8:6

Dewa katanya Isus at fakamulun amasine yap tua ngay tagfon fanggalangun at fakamulun. Ay kanya tagwabilug Dius ay taw at nasadian. Ay kanya fag nasadian gtungud tua at dan fag nasadian, aroro kanya fag nasadian siginan sangay fatuyanan tagtungud tua nu masine.