Isayas 49:4 - Fanawbuid tagsibaliwas Fakayabian

⁴ Ay nalong au te, “Ku ngay nagdalanan fag fagidapun we fanambagun; nafangulan kway ku fagmabitsugun.” Yawi nafalganan wan at fagnamonun sa angku tagalvngvdan ku nafakamulun.

Isayas 49:4 ပူးပေါင်းရင်းမြစ်များ

1 Fun 19:10

Ay Elyas nabalus te, “Yawi, Dius at mabalyanan, matuyan tua nu gfakamulun au sa emu. Dewa katanya, ngay taw Israel natalyuyan way at fagmasadiun sa emu, ay kanya fagayu narasras at ngay fagnangirugan fanggalangun laman sa emu, ay nafabul am ngay taglong. Au way lang at sawad, nustua gyafabulun yangay angku.”

Fangatulun 29:26

Ngayu at nangakbang sa sangay tagfangguna laman nanget te, fadiuganani anya, dewa katanya, Yawi way lang at mafon fagmatuyanun.

Isayas 25:1

Yawi, o wan ku Dius! Gseg au ay gfauseganan emu aroro madulo am ngay fakamulun. Nafafasludan tuo fagayu am ngay algan siginan ngay ebi taguna.

Isayas 35:4

Foyungi tua sas fagayu takalimu te, “Lag am kalimu. Faksvni tua ay amatanganan. Umdasug ban ay Dius laman gfasud ay ngay fawayan, ay namalangfe ayu.”

Isayas 40:10

Yawi tam Fun kadasug, ay namagtainan e fagmabalyananun. Kanya kadasug wan gbuba at ngay famonun sat ngay taw.

Isayas 40:27

Ngay taw Israel, Akub at ngay kasugfunanan, wain ay fakamayudun te, “Yawi wa ggubuk emi gina ami e fagidapun, ay ku Dius wa kasalag sa em ngay fagayudanun.”

Isayas 57:21

Sik taw at mauri wa ban mabayan nu gbanwan.” Katanya ku Dius at nalong angku.

Isayas 59:18

Kanya namasud at ngay tagfawayan kata at nafakamulun, anggan sa tangayayu fag ngay furuan. Ay kanya ban fagayu lumag wan at dotama.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 62:11

Dungugani! Yawi nafabuba sik foyungan sas fagdaul daga, glong te, “Longi sa sangay taw Israel te, at Tagfalangfe andasug wan, ay gbuba ngay famonun.”

Isayas 65:2

Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Isayas 65:23

Kanya ban fagayu wa gfakamulun at yud e tungkul, ay at ngay sisian ban di gdalan sat maksvn fag fagidapun. Aroro Yawi nafaramraman anya fagayu, anggan at ngay kasugfunanan.

Esekyel 3:19

Dewa katanya, nu nalong oma o ay kanya wa naubun at fagmauriun, kanya umbul aroro siginan at asalanan, ay wo e kurang ya sa angku.

Lebitiku 26:20

Wa ban e fanambagun ay ngay nainlufuyan, aroro wa ban e rawvg ay ngay tanuman, ay wa yangay ban e rawvg ay natanum fag fun kayu.

Mateu 17:17

Ay Isus nabalus te, “Sik ngay taw wayam at yud gafanud ay at yud mamatanganan. Seduge ya ban nu gbanwan au si ayu ay nu gagwantan au galo ayu? Agvd, kin, tabani stie.”

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Lukas 24:26

At matuyan, masine Dius at nafili fag Fun nu nanginkidapan yay, ay sanya ginan nangadasug sat fagmasineun.”

Uan 1:11

Ay kanya dewa andasug sat sadili furuan, at ngay kaiban wa naylat anya.

Ruma 10:21

Dewa katanya, katatuy way at longan sabaliwa ngay taw Israel te, “Fagngabak menit guro au sa sik takamabo ay sa sik takamaogatun fag furuan.”

2 Kurintu. 12:15

Guseganan au gfakamulun fagayu ku fakamulun ay gfon au anggan ku leleg aroro sa ayu. Wain ay fagyudun fia kesug angku, ay kaksvn wa kanya nu kesug au ayu?

2 Kurintu. 2:15

Kata ami at mabebanglu fag fanggalangun tam Fun Isus at nafon sas Dius. Kanya fag fanggalangun at ayuk karapyag sa sangay taw takalangfe, ay anggan sa sangay taw takafaurianan.

Galasya 4:11

Nu katanya, gafanawa au te, fangulan way ban manga ku ngay nainlufuyan laman sa ayu.

Filipus 2:16

kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.