Isayas 48:9 - Fanawbuid tagsibaliwas Fakayabian

⁹ Ay aroro sa ku fagmasineun, nafaragang ktua ku dotama sa ayu, laman kdi gfamin ayu.

Isayas 48:9 ပူးပေါင်းရင်းမြစ်များ

Alubad. 106:8

Dewa katanya, kanya nafalangfe tua anya fagayu, laman gfauseganan anya, ay gfalag at fagmabalyananun.

Alubad. 143:11

Yawi, falangfei angku, laman ban e gfauseganan tua emu. Ay siginan am fagmatuyanun, falangfei angku siginan sangay fagidapun.

Alubad. 25:11

Yawi, aroro matuyan tuo, falyami ku ngay asalanan.

Alubad. 78:38

Dewa katanya, Dius anfanyu yay kafag ngay taw, ay nafalyam tua at ngay asalanan ay di nafamin nu gfabul. Dius dewa ngayu ginan nu kadotama maksvn, kanya gfaragang tua gugat.

Alubad. 79:9

Em tagfalangfe fag Dius, gubuki emi laman mananseg tuami emu. Falangfei emi ay falyami em ngay asalanan, laman ban ngayu tua tagfauseganan emu.

Fangatulun 19:11

At mafainfanyuan fag aringang famasaful te, e fagsafulun o, ay nu gfawakalong tuo nusnga sinu at nasalan sa emu, gfae fagusegananun emu.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 37:35

Gdiri kban ay namalangfe tuy fag furuan laman e namauseganan angku ay aroro ebi nafatuyanan au sa ku fagsuguan Dabid.”

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Isayas 48:11

Nafakamulun au takatanya laman sa ku fagmasineun. Kwa kaylat kae fakaplaun, ay kwa gfon sa sangay fagsegan ngay famauseganan angku.

Isayas 65:8

Yawi nalong yay fia te, “Lag yap gfangulan sik raug ubas dewa tibak rawvg andan wan, aroro at masine fag rawvg e fanambagun yay. Katanya yangay ban ku fakamulun sa ku ngay taw, kya ban gfamin anya fagayu. Gfalangfe kyay ban fagayu tagfaning angku.

Eremyas 14:7

Ngay taw nalong te, “Yawi, nafamabo ami gugat emu ay nasalan. Dewa ami sak gafaurianan aroro sa em ngay asalanan, kin, fakamuluni wan laman ngay taw gfauseganan tua emu.

Esekyel 20:14

Dewa katanya, kwa nafakamulun takatanya, aroro kwa kaylat ku ngayan nu gafaplan sa sangay talun tagligung ku ngay taw, at nasaful te, au wan at nafalfas ngay taw Israel siginans talun Igiptu.

Esekyel 20:22

Dewa katanya, kwa nafakamulun takatanya, aroro kwa kaylat ku ngayan nu gafaplan sa sangay talun tagligung anya fagayu at nasaful te, au wan at nafalfas ngay taw Israel siginans talun Igiptu.

Esekyel 20:44

Ngay taw Israel, sumaful ban am te, au Yawi, gina kban nafalag sa ayu at masine, dewa ay ugali ay nafakamulun maksvn nu mauri. Au, Fun Dius Yawi, taglong tuy.”

Esekyel 20:9

Dewa katanya, kwa nafakamulun takatanya, aroro kwa kaylat ku ngayan nu gafaplan sa sangay talun tagligung si sangay taw Israel, ku fagnamalagun nu setain nu gfalfas au ku ngay taw siginans talun Igiptu.

Esekyel 36:21

Kesug au ku ngayan at yud e malong, ngay taw Israel at nafauri nusnga nday fag talun kanya fagayu nu glao.

Uswe 7:9

Ngay taw Kanaan ay tibak taw tagbanwan ste dumungug takatanya. Ay kanya fagayu nanligung emi laman namabul. Setain ya am fakamulun laman sam ngayan at mabalyanan?”

1 Samwel 12:22

Yawi di gfabayan ayu, aroro kanya nafili tua ayu laman at ngay taw.