Isayas 48:6 - Fanawbuid tagsibaliwas Fakayabian

⁶ Nadungug wam ebi ku ngay algan, ay nalag yangay am nu kafasludan fagayu, dewa katanya, wam gafanud te, au at nafafasludan. Siginan katsi, glong kwan takafasludan ban ku yud yay batang gfoyung sa ayu, ay fagyudun yay saful.

Isayas 48:6 ပူးပေါင်းရင်းမြစ်များ

Alubad. 107:43

Ngay taw at ke fagsafulun gamatangan tua nangus gugat takatanya fagayu, ay gamatangan tua nangus gugat te, Dius mafangesug.

Alubad. 119:13

Glong ktua ban gugat fagayu am ngay faugali, am nafoyung sa emi.

Isayas 21:10

Ay glong au te, “Ku ngay iba taw Israel, takata sik ngay nagdagamian sis fagruyusan, gfoyung au sa ayu ku ngay nadungug siginan Yawi at Mabalyanan, Israel at Dius.”

Isayas 42:20

Glag oma am, ay wam kasalag. Gdungug oma am, ay wam kaylat gdungugan!”

Isayas 42:8

Au Yawi! Kanya ku ngayan! Kwa kaylat tibak fagsegan nu gbul famauseganan sabaliwa angku.

Isayas 42:9

Fagayu ku nalong ebi anfasludan wan, ay katsi gfoyung au ayu takafasludan ban.”

Isayas 43:19

aroro katsi saman wan ku fakamulun, wa kata ebi, ay kafasludan wan. O nunda wam glag? Nangawat au sik dalan ay sik ngay bulbug sat magong fag talun.

Isayas 48:7

Katsi yay nu gfakamulun au takatatuy laman wam glong te, saful wami.

Eremyas 2:31

Katsi am fag kasugfunanan, dungugani ku longan. O nu glong am kata kway sik tagagangun fag daga, ay sik talun at madulum? Wain ay fagnalongun te, ‘Gfaning wami em fakaylatun ay wami kaylat ya nangakbang sas Yawi.’

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Eremyas 50:2

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Amus 3:6

O nunda ngay taw wa gtadtaruyan kalimu galay e nauyup budyung laman famasaful te, e fawayan takadasug? O nunda sik furuan daul nangafaurianan, Yawi nu dway nasugu?

Mikas 6:9

Dungugani Yawi at longan sas furuan Erusalem, nusnga sinu tagsuyu Yawi e fagsafulun tua. “Uda at ngay kasugfunanan, nangaful am sas furuan Erusalem laman nandungugan am anya.

Mateu 10:27

Ay fagayu ku longan ayu sis dulum, longi sis mayamag, ay ku naibugan sa ayu, foyungi laman fagayu taw dumungug.

Uan 15:15

Kwa gfangayan ya ayu te, fagsuguan, aroro sik fagsuguan wa saful at tagfayafun at fakamulun, nu bunway gfangayan au ayu te, ku ngay fagadgalangan am, aroro nafoyung kwa sa ayu fagayu ku ngay nadungug siginan ku Mama.

Fakamulun 1:8

Ay baliwan, gina ban at Masine fag Falad andasug, gfon ban sa ayu fagmabalyananun. Ay namoyung ban am ay ngay nalag sa baliwa angku sas Erusalem ay sas fagdaul talun Udea ay sas talun Samarya ay anggan sas fagdaul daga.”

1 Kurintu 2:9

Kata at Rirukan te, “We taw nalag ay we taw nadungug ay we namatangan sabaliwa Dius at nafalganan sas fagayu takesug anya.”

At Nafasure 1:19

Nu katanya, riruki am nalag katsi, at kinfasludan wan ay takadasug yay ban.

At Nafasure 4:1

Nu ntabu takatanya fagayu, nalag au sis banwa sik sakbawan maluangan. Ay nadog kyay nadungug aro taw ku nadungug fag aringang takatas budyung, ay glong angku te, “Ululi stae ay gfalag au sa emu takafasludan yay ban.”