Isayas 48:21 - Fanawbuid tagsibaliwas Fakayabian

²¹ Ay kanya fagayu di ndanum gina Dius gtaban anya fagayu sit magong fag ngay talun, aroro kanya nafasure mamam siginan sad gang at nafon sa anya fagayu. Ay kanya nabaltak sik gang, ay mamam nafamilugan sanya ginan.

Isayas 48:21 ပူးပေါင်းရင်းမြစ်များ

Nemyas 9:15

Ay gina kanya fagayu kalunus, nafon tuo fakonun tagsiginans banwa, ay gina kadanum, nafon yangay o at fanginum tagsiginans gang, ay nalong o te, ‘Mananakbo ban am ay manangagbilug ku nafatuyanan sa ayu fag talun.’

Nemyas 9:20

Nafadasug o am Masine fag Falad laman tagfoyung anya fagayu. Ay nafon tuo mana laman at fakonun, ay nafon yangay o mamam gina kadanum.

Alubad. 105:41

Ay kanya nabaltak gang, ay anke mamam ay nafamilugan, ay ansik liskung sat matat fag daga.

Alubad. 74:15

Gfae ngay bulbug o ay gfae ngay liskung, ay gfalanggang o at yud kalanggang fag ngay liskung.

Alubad. 78:15

Ay gina ngay taw sis talun at yud e taw, Dius nasulbung ngay gang, ay mamam naduksun sanya ginan kata sik ngay bulbug, laman kanya fagayu e fanginum.

Alubad. 78:16

Ay nafafamilugan kafag mamam siginans gang kata sik liskung.

Alubad. 78:20

Anud, kanya nafae mamam gfamilugan siginans gang, o ay nunda ro mafon yangay antam tinapay ay yamas?”

Nu Galin 17:6

Namanya au emu si sik gang sis Kureb. Ay nu sanya wa ro wo, falangi kafag gang, ay mamam ro gduksun laman ngay taw e fanginum.” Nu katanya, Muisis nafakamulun takatanya sis Israel at ngay fagtainan at daga salubangan.

Isayas 30:25

Ginanya ban fag ngay menit, gina e gfabul ay ngay fawayan ay e grasras at ngay bale fagulitan, mamam ban gfamilugan siginan sangay fungsu ay buksul tangabat.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Eremyas 31:9

Ay kaduge kban gtabanan gfauli kanya fagayu, at kaksvnan nu guseganan sak gwayway ay gdarangin. Gtaban kban anya fagayu sa sangay bulbug, ay glao ban sat masine fag dalan ay di ban kataid. Aroro au taw Israel at mama, ay Efraim ku baguama taguna.

Tap 20:11

Sanya ginan, Muisis nafabat at tulag, ay nafalang kafag gang dua ginan, ay tagbia fag mamam nafamilugan sanya ginan, ay kafag ngay taw, ay anggan at ngay fagbaugun nainum.