Isayas 48:17 - Fanawbuid tagsibaliwas Fakayabian

¹⁷ Yawi ay Tagfalangfe, Israel at Dius at yud e Malong glong te, “Au, ay Dius Yawi at nafoyung ayu te, tain at masine sa ayu, ay au tagtaban ayu sat matuyan fag dalan.

Isayas 48:17 ပူးပေါင်းရင်းမြစ်များ

Fakasigadan 24:48

Ay narungan kwa vtv ay naseg Yawi. Nafauseganan au Yawi, ku tagfayafun Abrayam at Dius. Kanya at naguna angku sat matuyan fag dalan nu inda nu glag au ku tagfayafun Abrayam at arian Nakur at fufu, laman at baguama at bubay ban.

1 Fun 8:36

dungugani tua ban anya fagayu sanya sis banwa. Ay falyami ban am ngay fagsuguan fag ngay taw Israel at ngay asalanan. Foyungi anya fagayu laman matuyan tua nu gbanwan, ay fadasugi arak sa am nafon sa anya fagayu fag talun laman at fagagbilugun.

Ub 36:22

Amatangani, Dius mabalyanan, ay we takamoyung tagfasud anya.

Alubad. 25:12

Yawi, foyungi at matuyan fag dalan sas fagayu tagfaning emu.

Alubad. 32:8

Yawi nalong sa angku te, “Gfoyung au sa emu at masine fag dalan am fagnanloan, ay gfalu kban emu gina au gulit emu.

Alubad. 71:17

Dius, siginan nu masisian au nafoyung o sa angku sabaliwa am ngay nafakamulun at madulo. Ay dasug katsi gfoyung kyay gugat sa sangay taw sabaliwa am ngay nafakamulun at madulo.

Alubad. 73:24

Am ngay fangatulun, si tua gugat angku, ay nataban tuo angku sas fagmanabayanun.

Isayas 2:3

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Isayas 28:9

Kafag ngay taw kamayud ay glong te, “Nataw manga Dius at amatanganan sabaliwa antam? O nunda kata yay tam sik ngenge sirut at bagu katabu gsusu? Wain fakatanyaun at foyungan sabaliwa antam?

Isayas 30:20

Tam Fun Dius kata nu nafainum ayu ay nafaon sik ngay faurianan ay fagidapun. Kanya dewa nafakamulun takatanya sa ayu, kanya wan ay takamoyung ay di sumuksuan ayu. Lumag wam fia anya,

Isayas 30:21

ay dumungug wam fia nu garingang nu namoyung ayu at matuyan fag dalan, dewa nusnga nday am.

Isayas 41:14

Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Isayas 43:14

Ngay taw Israel, Yawi ay tagfalangfe, ay ay Dius at yud e malong glong te, “Namadasug au sas Babilunya sik ngay tagfawayan tagsiginan tibak talun, ay ngay taw Babilunya glagyu gsakay sit fakamatungudunun fag ngay sakayan lino. Namakamulun kban takatanya laman sa ayu.

Isayas 43:16

Au Yawi at nafae dalan sas wabilug dagat.

Isayas 45:11

Yawi, Israel at Dius at yud e Malong, at nawat anya fagayu glong te, “O gfayud am ku ngay nawat? O gsugu yayam angku te, ‘Fakatatuyi tua nu kawat o’?

Isayas 48:20

Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.

Isayas 49:26

Namaon kban sa sangay taw at nafalingun emu at sadili bilug, ay kanya ban fagayu umkata sik ngay tagalangu aroro nainum at sadili taguk. Nu katanya, fagayu ban taw sumaful te, au wan Yawi, at nafalangfe ay at nafalfas emu, Akub at Dius at mabalyanan.”

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Isayas 54:13

Namoyung kban sa am ngay taw laman gbanwan tua manabayan.

Isayas 54:5

Ay at nawat emu kata wa nu am mangama. Au, Yawi at Mabalyanan sas fagayu. Au wan Israel at Dius at yud e Malong, am Tagfalangfe. Ku ngayan te, Fagdaul daga at Dius.

Isayas 54:8

Nu katanya, sik buknga sirut naubun au emu aroro ankuri au emu. Ay dewa katanya, anfanyu ktua emu, aroro nu mafangesug au, di e fakatabuan. Au, Yawi, taglong tuy.

Eremyas 6:16

Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Mikas 4:2

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun tagsis furuan Erusalem.

Uan 6:45

Katatuy Dius at ngay taglong at rirukan: ‘Dius namoyung ban sa anya fagayu.’ Ay nusnga sinu ban tagdungugan ay at kinfoyung sa baliwa ku Mama, kanya kakbang tua sa angku.

Efesu 4:21

gina am nadungug sabaliwa anya. Ay sa ay fagmasadiun sa anya ansaful tuam at matuyan fag foyungan sabaliwas Isus.

Uswe 3:4

laman ro sumaful am te, dada ro ay dalan, aroro yam batang glao sanya. Dewa katanya, lag am kakbang sas Fagsuadan Nasadian; fasik kilumetrui ay kayayuan.”