Isayas 48:16 - Fanawbuid tagsibaliwas Fakayabian

¹⁶ Akbangi sa angku ay dungugani: Siginan ngay sfagsigadan kwe nalong at masuksuk. Ay gina ku longan kafasludan, sanya kwan.” Ay katsi Yawi tam Fun nasugu angku. Dius nasugu angku gadgaloan at Masine fag Falad.

Isayas 48:16 ပူးပေါင်းရင်းမြစ်များ

Isayas 34:1

Am fag ngay talun at ngay taw, akbangi ay dungugani angku. Fagdaul daga dungugani anggan fagayu tagsanya.

Isayas 41:1

Yawi nalong te, “Am fag ngay taw tagsiginan sangay talun tagsis wabilug dagat, ragangani ay dungugani angku. Ay am tagsiginan tibak talun, faksvni ay amatanganan ay akbangi sa angku, ay nangaful tam sas fagnanginsafulan.

Isayas 43:13

Siginan ebi au wan Dius. We masaruyan sa ku fagmabalyananun. Ay we mafabali fagayu ku ngay fakamulun.”

Isayas 45:19

Ku ngay nalong di e masuksuk. Kwa ro nalong sas Akub at ngay kasugfunanan te, ‘Rvbvyi angku,’ nu dway ro e fagsegun te, lumag ro angku. Au wan Yawi, ku ngay nalong matuyan. Glong au fagayu at masine.”

Isayas 57:3

Dewa katanya, tagfangufit, tagfanugtug, ay takamatugtug am at kasugfunanan, gewan.

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Uan 18:20

Isus gbalus te, “Nu gfoyung au si tua sfagngayuan taw, kabavn gfoyung au sa sangay bale fakafulan ay sas taw Udyu at maful sis Dius at bale. Kwe foyungan at masuksukan.

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.