Isayas 48:13 - Fanawbuid tagsibaliwas Fakayabian

¹³ Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.

Isayas 48:13 ပူးပေါင်းရင်းမြစ်များ

Ub 37:18

O magubuk ro wo Dius nu gfae linyabu, katugas sik taganyang fag salaming tansu?

Alubad. 102:25

ay nawat o banwa ay daga.

Alubad. 147:4

Kanya saful way galeme at kayuan, ay nafae ngayan galay at sadi.

Nu Galin 20:11

Kaduge unumk menit, nawat au banwa, ay daga, ay dagat, ay fagayu tagsanya, ay natungkud au sis fafituk menit. Nu katanya, nafili kwan Famiangalay fag Menit, ay tuy at nafasamanan fag menit laman sa angku.

Isayas 40:12

Sinu at masuad sat daluap fagdaul dagat, ay sinu at madango banwa? Ay sinu at masuad fagdaul daga sa sik bang, ay sinu at mafafabudbungguan ngay buksul ay ngay fungsu?

Isayas 40:21

O nunda yam nasaful ay yam batang gdungug? O nunda ye nafoyung ayu siginans fagsigadan? O yam natogdungug siginan ngay nu kawat fagdaul daga?

Isayas 40:22

Dius malunggung sit fagbanwanan sis tungud fagdaul daga ay gfunan, ay nu glag at ngay taw ste swa daga kata way sik ngay fitfit. Kanya nawat banwa kata nu narafad sik umut, ay kata nu kawat sik bale ramit laman ngay taw at fagbanwanan.

Isayas 40:26

Tangdai sas banwa! Sinu nunda at nawat ngay galeme? Dius wan at nawat kanya fagayu, ay gfasadsadian gfasure gina glong at mesa ngayan. Ay siginan at fagmabalyananun, nusdi sadi di e nalyam.

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 45:12

Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’

Isayas 45:18

Yawi, o at nawat banwa ay fagdaul daga. O wan Dius. Wo nawat fagdaul daga way ro e gleleg, nawat o kanya laman e gbanwan. Ay nalong o te, “Au wan Yawi, sas day angku we tibak dius.

Isayas 51:13

O wam gamatang ya angku? Au oma at nawat ayu. Au wan at narafad banwa ay au yangay at nawat fagfatungkudan fagdaul daga. Wain ay fakalimuun yay gugat ngay taw takadotama ay tagfalingun ayu? Ay kanya ban fagayu wa kadotama ya ayu, laman di e gfaurianan ya ayu.

Eremyas 51:15

Siginan Yawi at fagmabalyananun ay at fagsafulun, kanya nawat banwa ay fagdaul daga.

Ruma 4:17

Anriruk te, “Nafili au emu laman ngayuk taw at mama.” Sis Dius at daga salubangan Abrayam wan tam mama, aroro Abrayam gafanud sa anya. Dius tagfaleleg at ngay kinbul, ay takawat nusnge wain siginan at yud kalag.