Isayas 48:12 - Fanawbuid tagsibaliwas Fakayabian

¹² Ku nafili fag ngay taw Israel, dungugani. Au wan Dius; au wan at fakasigadan ay at fakatabuan.

Isayas 48:12 ပူးပေါင်းရင်းမြစ်များ

Fangatulun 7:24

Nu katanya, ku ngay sisian, dungugani fia ku ngay longan.

Fangatulun 8:32

Nu katanya, ku ngay sisian, dungugani fia angku, mauseganan tua nusnga sinu tagfaning ku ngay foyungan.

Isayas 34:1

Am fag ngay talun at ngay taw, akbangi ay dungugani angku. Fagdaul daga dungugani anggan fagayu tagsanya.

Isayas 40:26

Tangdai sas banwa! Sinu nunda at nawat ngay galeme? Dius wan at nawat kanya fagayu, ay gfasadsadian gfasure gina glong at mesa ngayan. Ay siginan at fagmabalyananun, nusdi sadi di e nalyam.

Isayas 41:4

Sinu at nafakamulun takatanya fagayu? Sinu at nafafasludan takatanya, ay at nafae ngay sugfun taw siginans fagsigadan? O nunda bunwa au? Au wan, Yawi, siginans fagsigadan, ay anggan sas fakatabuan.”

Isayas 43:10

Ngay taw Israel, am wan ku tagfatuyan. Nafili au ayu laman ku ngay fagsuguan, laman sumaful am angku ay gafanud tuam sa angku, ay anggan sumaful am te, au wan Yawi. We dius at naguna angku, ay wa ban e dius ya tagguyan angku.

Isayas 43:11

Au Yawi, ay sas day angku we tibak tagfalangfe.

Isayas 44:1

Dewa katanya, katsi, Israel ku fagsuguan, dungugani. Akub at kasugfunanan, nafili au emu.

Isayas 44:6

Yawi wan Israel at Fun ay at Tagfalangfe. Yawi at Mabalyanan nalong te, “Au wan fagsigadan ay fakatabuan. We tibak dius sas day angku.

Isayas 46:3

Akub at ngay kasugfunanan, am at sawad fag ngay taw Israel, dungugani angku. Nalaga au ayu siginan ngay nu kasalug am.

Isayas 46:4

Galaga kban ayu dewa ban am anfagtainan wan ay gubanun. Nawat au ayu, ay nangalaga au ayu. Ggubuk au ayu ay namalangfe.

Isayas 49:1

Dungugani angku, am tagbanwan sa tangayayu fag ngay talun sis wabilug dagat: Gina au yud ansalug, Yawi nafili angku laman at fagsuguan.

Isayas 51:1

Yawi nalong te, “Dungugani angku, fagayu am takakbang sa angku laman umlangfe am. Amatangi ay mangaguyang Abrayam ay Sara. Dadwa kata sik fungsu, ay am at naggatvngan. Amatangi ay mangaguyang Abrayam, ay anggan Sara at nafasalug ayu. Ebi gina au nafili Abrayam, kanya sesadi yay, ay dewa katanya nafayu au at ngay kasugfunanan.

Isayas 51:4

Ku ngay taw, dungugani angku. Ku talun at ngay taw, dungugani angku. Namon au ayu ku ngay suguan, ay kanya umkata sik salung sas fagayu talun at taw.

Isayas 51:7

Dungugani angku, am tagsaful at matuyan ay tagfaning ku faugali! Lag am kalimu ngay taw tagfapla ay tagfalingun ayu.

Isayas 55:3

Akbangi ay dungugani angku laman gleleg tuam. Nangawat au sik nasadian laman sa ayu, ay wa ban e fakatabuan. Kafanyu kban ay kesug ayu kata ku nafatuyanan sas Dabid!

Mateu 20:16

Ay Isus nalong te, “Nu katanya, at naguyanan, kanya ban gumuna, ay at naguna, kanya ban gaguyanan.”

Ruma 1:6

Anggan am kataip yangay am sat ngay nauro, laman tam Fun Isus at ngay taw.

Ruma 8:28

Ay nasaful tua tam te, Dius gfakamulun tua gugat nusnge wain at masine sas fagayu takesug anya, at masuad, sat nauro fag ngay taw gfaning at algan.

1 Kurintu 1:24

Ay dewa katanya, nu sas Dius at ngay nafili fag ngay taw Udyu ay fag ngay taw Gresya, tam Fun Isus wan Dius at fagmabalyananun ay at fagmamatanganun.

Deuterunumyu 32:39

Damai au way lang ay Dius! We tibak dius sas day angku. Au at mafabul ay au yangay at mafaleleg, ay au wan at mafae fakarukan ay au yangay at mafafia. Ay we malagyu siginan angku.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

At Nafasure 1:11

Ay nalong te, “Riruki ro fagayu am nalag ay fadasugi sas fituk furuan: sas Efesu, ay sas Esmirna, ay sas Pergamu, ay sas Tiatira, ay sas Sardis, ay sas Filadelfia, ay sas Laudisya.”

At Nafasure 1:8

Dius tam Fun tagleleg katsi ay ebi ay takadasug yay ban, ay at tiba tungud nu mabalyanan, glong te, “Au wan taguna ay taguyan.”

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 2:8

“Riruki sas tagbarita tagulit ngay tagafanud sis Esmirna te, “At nalong te, au wan taguna ay taguyan, ay at nadog naleleg, glong te,

At Nafasure 22:13

Au wan taguna ay taguyan, ay at fakasigadan ay at fakatabuan.