Isayas 48:1 - Fanawbuid tagsibaliwas Fakayabian

¹ Dungugani, am, Akub at ngay kasugfunanan, at ngayan yangay te, Israel, tagsiginans Uda at kasugfunanan. Maksvn nu gfatuyanan am sas Yawi at ngayan nu get am sas Israel at Dius. Dewa katanya, kamaningan wayam, aroro wa matuyan ay ngay ugali.

Isayas 48:1 ပူးပေါင်းရင်းမြစ်များ

Fakasigadan 32:28

Ay kafag mangama nalong sa anya te, “Siginan ban katsi Israel wan am ngayan, bunwa ban Akub ya, aroro nafawayan o Dius ay anggan ngay taw, ay nababo o.”

Fakasigadan 35:10

Ay Dius nalong anya te, “Akub, siginan ban katsi bunwa ya Akub am ngayan, Israel wan.”

2 Fun 17:34

Ay dasug katsi gfakamulun yay gugat takatanya. Ay nu gseg Yawi, wa matuyan, ay wa gfaning at ngay suguan ay at foyungan, at nafon sas Akub at ngayan yangay te, Israel, at ngay kasugfunanan.

2 Fun 5:20

Gekasi namatangan te, “Ku tagfayafun nangus wa naylat Naaman fag taw Aram nu glao yakmay nabul at famonun. Gfatuyanan au sas Yawi, tagleleg fag Dius te, nangguyan au anya ay namul at famonun.”

Alubad. 63:11

Dewa katanya, fun ay anggan fagayu taw at nafatigwanan at ngay sadili sas Dius, guseganan. Ay Dius gfaragang wan ngay taw nu kamuag.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Alubad. 68:26

Kanya fagayu guro te, “Ngay taw Israel, segi Yawi tam Dius, si tangayu fag taw at fagmafulan!”

Alubad. 68:27

Tagsis fagunan, Benamin way at gaban, at yud ngayu, ay at fadogan, ngayuk tagfangguna siginans Uda, Sebulun ay Naftali at gaban.

Nu Galin 23:13

“Faningi tua fagayu ku longan sa ayu. Ay lag am gdarangin sa tibak fagsegan nusdi taglong at ngay ngayan.

Fangatulun 5:16

Ay tibaginan am bubay umkuri emu.

Isayas 26:13

Yawi em Dius, tibak dius gfagtainan yay emi, ay dewa katanya, o way lang em fagnansegan.

Isayas 44:5

Ay tiba glong te, ‘Au Yawi ktua at taw,’ ay tiba glong te, ‘Au Akub ktua at kasugfunanan.’ Ay tiba nanriruk sat daluap Yawi at ngayan, ay nantuyan at sadili te, taw Israel.”

Isayas 45:23

Gtuyan au te, fagayu ku ngay nalong di ban ginbalian. Fagayu taw nantudan laman gseg angku, ay namatuyanan te, gfaning ban angku.

Isayas 46:12

Dungugani angku, am fag ngay taw takamabo, ay at yud matuyan.

Isayas 51:1

Yawi nalong te, “Dungugani angku, fagayu am takakbang sa angku laman umlangfe am. Amatangi ay mangaguyang Abrayam ay Sara. Dadwa kata sik fungsu, ay am at naggatvngan. Amatangi ay mangaguyang Abrayam, ay anggan Sara at nafasalug ayu. Ebi gina au nafili Abrayam, kanya sesadi yay, ay dewa katanya nafayu au at ngay kasugfunanan.

Isayas 58:2

Kayu menit, kanya fagayu nangakbang tua sa angku, laman nanginsaful ku ngay balyawvtan. Ay nu gdama au, kanya fagayu kata sik talun at ngay taw at yud e malong ay at yud kamabo ku ngay suguan. Ay gfalag sa angku te, kaylat nangakbang sa angku ay nanget sa angku fagmatuyanun.

Isayas 62:8

Yawi nafatuyanan te, namakamulun takatanya siginan at fagmabalyananun. Ay kanya nalong te, “Kwa ban gfon ya ay ngay trigu sa ay ngay fawayan tagsiginan tibak talun. Ay kanya ban fagayu wa nanginum ya ay ngay wat ubas at mamam, ay nainlufuyan.

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Isayas 65:16

Nusnga sinu taglong te, e fon ban sas Israel ay tagfatuyan sanya fag talun, kanya masine nu gfakamulun takatanya siginan nu glong ku ngayan, at matuyan fag Dius. Aroro kwa ban gamatangan ya at kinlangfe fag ngay fagidapun.

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Eremyas 44:26

Dewa katanya, ngay taw Uda tagbanwan sis talun Igiptu dungugani ku longan. Gfatuyanan au te, siginan ban katsi, nusnga sinu fag taw we malong ya ku ngayan. Kwa ban kaylat ya nu glong am ku ngayan gina am gfatuyanan, ay nu glong am te, “Gfatuyanan au sas Fun Dius Yawi, tagleleg fag Dius.”

Eremyas 5:2

Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Lebitiku 19:12

“Lag gfatuyanan at yud matuyan sa ku ngayan, aroro takatanya gfauri wayam ku ngayan. Au Yawi.

Mikas 2:7

Ay wain, o nunda ban Yawi namaurianan wan Akub at kasugfunanan? O nunda we amatanganan ya gfalyam kafag ngay taw at asalanan? Ay o nunda at fakamulun wan tagfabul? Katatuy Yawi at famalus, “Ay fakamulun nu masine di, magbilug tua ban am ku ngay fatuyanan.

Sefanias 1:5

Namamin kyangay anggan ngay taw tagsas tungud bale laman nanseg menit ay magdanun ay ngay galeme. Namamin kyangay ngay taw takamuagan glong te, ‘Gfaning ami emu,’ ay aroro mangaro gseg way Mulek fag fagsegan.

Sakaryas 5:3

Ay kafag tagbarita nalong angku te, “Marirukan sanya fag fagrirukan ngay faurianan takadasug sas fagdaul Israel. Katatuy at marirukan: fagayu tagfangkamul gaiyanan siginans Israel. Ay sit bilingan marirukan te, fagayu takamuagan gaiyanan yangay.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Tap 24:7

Gsawe wan ngay mamam sat ngay fagsuadan, ay kanya fagayu gtanum ngay bvtang sa sangay tanuman at kinrugme. Ay at fun amabalyanan yap tua Agag, Amalek at fun, ay at fagfagtainanan umsik takadungug.

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.

Uan 1:47

Natanael nu munakbang wan, Isus glong te, “Damai, sik matuyan fia fag taw Israel, kanya di kamaningan lang.”

Uan 4:24

Dius sik falad, nu katanya, nusnga sinu tagseg anya, masine nu gseg nu siginan fia at falad ay fagmatuyanun.”

Ruma 2:17

Glong am te, ngay taw Udyu am, ay gfaning am Muisis at Faugali, ay kamatungudun am glong te, masadi am sas Dius.

Ruma 9:6

Dewa katanya, Dius at Longan wa nyud e masuad, aroro Dius at nafili bunwa fagayu Israel at kasugfunanan.

Ruma 9:8

At masuad te, Abrayam at ngay sisian, bunwa fagayu at kintap te, Dius at sisian, nu bunway at kinsalug tua tagfafasludan Dius at fatuyanan takatap te, Abrayam at ngay kasugfunanan.

Deuterunumyu 10:20

Suyui ay Dius Yawi, ay faningi tua anya, ay sii tua gugat anya, ay nu gfatuyanan am fasai yakman lang at ngayan.

Deuterunumyu 33:28

Nu katanya, ngay taw Israel ban gbanwan tua manabayan, sit talun tangayu at trigu, ay at malangu fag mamam siginans wat ubas at rawvg, ay sit ke damug siginans banwa tagfae mamam sas daga.

Deuterunumyu 5:28

Yawi nadungug ay ngay nalong gina am gfakamatoan angku, ay kanya nalong te, “Nadungug au ngay taw at longan sa emu, ay masine at ngay nalong.

Deuterunumyu 6:13

Suyui ay Dius Yawi, kanya yakman lang ay fagfausegananun ay sa yakman lang at ngayan nu gfatuyanan am.

1 Timuteu 4:2

Takatanya fag ngay foyungan siginan way takamaningan fag ngay takamuag, ay at amatanganan annanad wan sat mauri, ay wa gfaning ya at amatanganan at masine.

At Nafasure 2:9

Saful kwan ay fagagwantanun fag ngay fagidapun. Saful kway te, sik ngay maidap way am, ay at matuyan maramraman am. Ay saful kyangay te, e gfalingun ayu. Kanya fag ngay taw kamuagan te, sik ngay taw Udyu, ay at matuyan kanya fagayu Satanas way at ngay taw.

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.