Isayas 47:8 - Fanawbuid tagsibaliwas Fakayabian

⁸ Dungugani, sik tagfangaylat o sam sadili fakaylatun, ay nu gamatangan o, we kadasug sa emu at mauri. Ay nalong yay o sam sadili te, we gfasud angku. Ay nu gamatangan o, wo umsik fagbubayun, ay di mbul am ngay sisian.

Isayas 47:8 ပူးပေါင်းရင်းမြစ်များ

Isayas 14:14

Nangabat au sas tungud linyabu, ay umkata au Tiba Tungud fag Dius.’

Isayas 32:11

Glugo wan nung am lang gbayan, ay wam gugatan gfakamulun. Katsi tadtaruyani alimui. Buli wan ay lanbung ay futusi si ay fagwan sik saku,

Isayas 32:9

Fagayu am fag ngay mangena tagbayan lang, dungugani ku fagyalongunun ayu! Gina yud anlangfe sik banwa siginan katsi, umlimu ban am aroro ay tanum ubas wa ban e rawvg ay wa ban am e fagrabasun.

Isayas 45:18

Yawi, o at nawat banwa ay fagdaul daga. O wan Dius. Wo nawat fagdaul daga way ro e gleleg, nawat o kanya laman e gbanwan. Ay nalong o te, “Au wan Yawi, sas day angku we tibak dius.

Isayas 45:5

Au wan Yawi, we tiba yak dius sas day angku. Nafabitsug au emu gina o yud natoglag angku,

Isayas 45:6

laman fagayu taw sas fagdaul daga sumaful te, sas day angku, we tiba yak dius. Au wan Yawi, ay we tiba ya.

Isayas 47:10

Ay gafanud o te, we faurianan takadasug sa emu dewa o gfakamulun at mauri, aroro gamatangan o te, we glag emu. Am ngay fagsafulun ay am fagmamatanganun nafalyam emu, ay kanya wan am fagnalongun te, ‘We gfasud angku.’

Eremyas 49:31

Au Yawi, nasugu kwan sa anya fagayu te, namawayan am ngay taw at manabayan ay at yud e fagafanawaun. At sakbawan furuan we dingding, ay kanya way lang fagayu tagbanwan sit furuan.

Eremyas 50:11

“Ngay taw Babilunya, naago am ku ngay taw at ngay ramraman, ay gfanagsag am ay guseganan kata sik tumad baka tina sis fagfafangonan ay kata sik kabayu tama tagfanagsag guni.

Eremyas 51:53

Furuan Babilunya ban dewa gdasug sas banwa ay dewa gfaogat gugat at ngay alad, namadasug kban at nanrasras.

Esekyel 16:49

Am faduksay Suduma anke asalanan siginan nu kamatungudun. Kanya fag talnayan ngayu oma at fakonun ay doma e fagayudanun, dewa katanya, wa ggubuk at yud e kwa ay tagayudan.

Esekyel 28:2

“Taw at baguama, nanlong o sas Tiru at tagfangguna te, ‘Au, Fun Dius Yawi, glong au te, kamatungudun o glong te, sik dius o, malunggung o sit faglunggungan sis fagngabasadan dagat. Dewa katanya, at matuyan, dewa o gtuyan te, sik dius o, sik taw way o ay bunwa o sik dius.

Esekyel 30:9

“Ay ginanya yay ban, gsugu au ku ngay tagfosuk longan gsakay si sangay sakayan lino laman namalimu ngay taw Etiupya at yud gafanawa. Ginanya ban fag buknga kanya fagayu kalimu aroro talun Igiptu marasrasan wan. Matuyan, kanya fag menit kadasug wan.”

Daniel 11:36

“Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Daniel 4:22

o wan kafag fun kayu, mesug fag fun. Aroro ansik mabalyanan o. Am fagmabalyananun andasug sas banwa ay am fagagbilugun andasug nusnga nday fag fungfung daga.

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Daniel 4:30

kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”

Daniel 4:4

Ste si ku bale manabayan tua nu gbanwan au ay kdi e fagayudanun.

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Daniel 5:30

Ay ginanya fag yabi, e nafabul Belsasar, Babilunya at fun,

Naum 1:10

Kata am sik tagalangu at mafasafungan madugi fag wat. Namamin au ayu kata nu e nairug ngay nagbiluganan fare.

Naum 3:4

Umfasludan takatanya sas furuan Ninibe aroro kanya kata sik mangena at malayun nu gfalo at bilug ay gfagsuguan tibak talun. Ay kanya kamaylatan ay gfantaban ngay taw siginan nu gfangabalo.

Abakuk 1:7

Ngay taw maksvn nu kalimu anya fagayu, aroro nusnga setaw at fakaylatun gfakamulun, gfafasludan wa fia ay we mafafaragang.

Sefanias 2:15

Katanya ban takafasludan sas furuan Ninibe, aroro kanya fagayu glong te, ‘We manamawayan emi ay we mafasud emi.’ Dewa katanya, kanya fag furuan umrasras wan, ay tagbanwan ban sanya, tagfangagat way lang fag ngay mela. Ay nusnga sinu ban tagdalan sanya gfalingun ay kase kafag furuan.”

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

Tagfangguna 18:27

Dan at kasugfunanan gbuba Mikas at ngay fagsegan ay gtaban kafag tagfon fanggalangun. Kanya fagayu nalo ay nafawayan furuan Lais, at mabayan fag ngay taw, ay nafabul fagayu tagbanwan sanya, ay nairug at furuan.

Tagfangguna 18:7

Nu katanya, kafag limak mangama gfataglayun nu glao ay andasug sas talun Lais. Ay kanya fagayu nalag te, mabayan ngay taw tagbanwan sanya, kata ngay taw tagsis Sidun. Mabayan sanya fag talun anggan at ngay taw. Kanya fag talun ngayayu sis talun Sidun ay we gfadiugan ya tibak talun.