Isayas 47:6 - Fanawbuid tagsibaliwas Fakayabian

⁶ Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Isayas 47:6 ပူးပေါင်းရင်းမြစ်များ

2 Samwel 24:14

Ay Dabid gbalus Gad te, “Gidapan au gfili. Masine nu Yawi wan tagfaurianan antam, aroro Yawi mafangafanyu tua. Kwa kaylat nu ngay taw way ro at namaurianan angku.”

2 Krunika 10:11

Ku mama nafaidapan ayu maksvn. Gtungud yay kanya nu namabiatan au ayu. Ku mama at famalang ayu nu sik famulpug, angku ku famalang sik ngay agipan tua.’ ”

2 Krunika 28:9

Ay kafag ngay tagfawayan nu ndasug wan sas Samarya, Uded, Yawi at taglong, nalong sa anya fagayu te, “Yawi kauri ngay taw Uda, nu katanya kanya nafon sa ayu kanya fag ngay taw. Dewa kanya, maksvn wan ay nafakamulun sa anya fagayu, wam anfanyu ya gfabul, ay sit fagbanwanan sis banwa Yawi nasaful takatanya ay nafakamulun.

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

2 Krunika 36:20

Ay Nabukudunusur nataban sas Babilunya at yud anbul fag ngay taw Israel, ay kanya talamean nafagsuguan kanya fagayu, ay talun Persya ansik mabalyanan.

Esra 5:12

Em ngay mangaguyang nafauri tagsis banwa fag Dius, nu katanya Dius nafagbilug anya fagayu sas Nabukudunusur, Babilunya at fun. Nabukudunusur naiklas Yawi at bale ay nataban em ngay mangaguyang sas talun Babilunya.

Alubad. 69:26

Aroro kanya fagayu gfaidapan ay gibugan gugat sabaliwa am nafaurianan fag ngay taw.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 13:16

Ay e gfafalang ban at ngay sisian sit daga salubangan. Ay e namul ban at ngay ramraman ay e namataladan at ngay bubay.

Isayas 14:17

O nunda siring bunwa in at nafarasras ngay furuan, ay at nafakata talun at yud e taw fagdaul daga, ay at yud nafalfas at nataban fag ngay taw?’

Isayas 14:6

kanya fagayu ebi kadotama gugat ay gfaidapan ngay taw, ay maksvn nu gfaurianan tibak talun.

Isayas 43:28

Nu katanya, nafae fakaplaun au am ngay tagfon fanggalangun, ay o, Israel, nafabayan au emu gafaurianan ay gafaplan.

Eremyas 50:42

Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Babilunya.

Takabalu 1:14

Kanya nafaful fagayu ku asalanan ay nafafasanan sa angku, ay kanya wa fagayu at nafatabanan angku. Fun Dius nafamomuy angku, ay nafababawan angku sa ku ngay fawayan ku fagyudun makatu gfawayan.

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Takabalu 2:2

Ay kanya narasras yangay ngay taw Israel at fagbanwanan. Ay siginan at dotama, kanya narufa yangay furuan Erusalem at alad. Ay nafaragang wan sanya fag fagfunanun, ay nafaragang yangay ngay tagfangguna ay nafae fakaplaun.

Takabalu 4:16

Yawi nafasaruayan ay wa nagubuk ya anya fagayu. Ay nusnga sinu we gsuyu ya ngay tagfon fanggalangun ay ngay tagfangguna.

Takabalu 5:12

Ay nasiuk em ngay tagfangguna at ngay take ay narabing sa sangay kayu, ay wa nasuyu ya em ngay fagtainan.

Esekyel 28:16

Am ramraman nu nkayu wan siginan nu gfabangsi o, ankayu yangay am fakamulun at mauri ay anke asalanan o. Nu katanya, gaiyan kwan emu siginan ku nafili fag buksul at yud e malong, ay naiyan kwan emu siginan at ke ngay gang taganyang.

Ubadyas 1:10

Aroro nafauri am ay kaiban Akub at kasugfunanan, gafaplan ban am gugat, ay kabavn ban gfauri au ayu.

Ubadyas 1:16

Nu katanya, nu setain ku ngay taw nu gafaurianan si ku nafili fag buksul at yud e malong, namaurianan kyangay ban fagayu talun at ngay taw. Gfadasug kban sa anya fagayu at maksvn fag fagidapun, yakmay ban kanya fagayu namin.

Sakaryas 1:12

Yawi at tagbarita ginto te, “Yawi at Mabalyanan, seduge tua ban nu yud o kafanyu Erusalem ay tiba yak furuan sis Uda? Nu kadotama o anya fagayu fitu wak safuluk banwa.”

Sakaryas 1:15

Dewa katanya, maksvn nu kadotama au ngay talun ayu daul takaylat way gfauseganan at leleg. Ay ya oma fia son maksvn nu kadotama au anya, ay kanya yay fagayu at nafaksvn.’

Mateu 7:2

Aroro nusnga setaw ay amatanganan at mauri sabaliwa ay iba, katanya yangay ban at foyungan sabaliwa ayu. Ay nusnga se aksvn nu gfaurianan am ay iba, katanya yangay nu gafaurianan am.

Deuterunumyu 28:50

Kanya fagayu madot ay wa ban kafanyu ya ayu dewa am at mafagtainan ay at masisian.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.