Isayas 47:5 - Fanawbuid tagsibaliwas Fakayabian

⁵ Yawi nalong te, “Babilunya, nanmalunggung o maragangan sasad dulum. Wa ban e gfangayan ya emu te, ngay fagfagtainanan o at fun fag mangena.

Isayas 47:5 ပူးပေါင်းရင်းမြစ်များ

Alubad. 31:17

Yawi, gfainfanyuan au sa emu te, lag gfabayan nu gafaplan au. Dewa katanya, at mauri nangus fag ngay taw umkapla wan, ay kanya fagayu glao sat manabayan fag fagfolian.

Alubad. 46:10

Ay Dius glong te, “Maragangani way, ay asafuli te, au wan Dius. Ay ngay talun at taw sas fagdaul daga gfauseganan angku.”

Isayas 13:10

Ngay galeme ban wa gdamlag ya. Ay menit dewa ansure, madulum way, ay magdanun wa gyamag ya.

Isayas 14:23

Ay fagdaul ban talun Babilunya namasik talun au ngay mela at fagbanwanan, ay kata sik bunaw tagamakmakun, ay rumasras kban kata nu e nawaris. Au, Yawi at Mabalyanan, taglong tuy.”

Isayas 14:4

namalingun ban am Babilunya at fun. Katatuy ban ay nalong: “Katsi nababawan wan ebi fag fun takamaidapan, ay anragang wan nu kamalingun.

Isayas 21:9

Damai! E kadasug wa ngani sik taw gsakay si sik ngay kabayu at faguyudan. Ay kafag taw glong te, ‘Niklas wan Babilunya! Anggan fagayu at ngay fagsegan narit sas daga ay anrufa wan.’ ”

Isayas 23:2

Ay fagayu am tagbanwan sis tigyangan dagat, lag garingang, anggan fagayu am tagfaebayad sas Sidun. Ngay tagsakay

Isayas 47:1

Yawi nalong te, “Babilunya, umlunggung ban o sasad lukbu, ay wa ban o e fagfagtainanan ya. Ebi kata oma o sik maylat fag baguina, ay katsi wo katanya ya.

Isayas 47:7

Ebi glong o te, ‘Sik mangena au fag fun ay kdi e fakatabuan.’ Ay wo namatangan am ngay nafakamulun takatanya, ay wo namatangan ya te, setain ban takafasludan sa emu.

Eremyas 25:10

Ay wa ban am e fagusegananun ya ay e fagfanagsagun. Ay wa ban e kadungug ya at ngay bagu kadadwa nu guseganan. Ay wa ban e glubuk ya trigu ay nu nyabi ban we gfasalung ya salung.

Eremyas 8:14

Sanya ginan, kanya fagayu glong te, “Nataw ya tam fagfanyaun? Gewan, glagyu watam sat maaladan fag ngay furuan ay nangabul tam sanya. Aroro Yawi tam Dius namabul wan antam, kata nu gfainum antam at maganga fag mamam, aroro anke asalanan tam sa anya.

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Takabalu 2:10

Ngay tagfangguna sis Erusalem maragangan malunggung sis daga, ay nafasat ngay alfuyu dafug, ay nasulun saku, laman gfalag te, kabalu. Ay at ngay baguina garungan aroro kapla.

Abakuk 2:20

Dewa katanya, Yawi gbanwan sit bale at yud e malong. Nu katanya, fagayu taw sas fagdaul daga maragangani sit daga salubangan.”

Sakaryas 2:13

“Fagayu am maragangani sis Yawi at daga salubangan, aroro kanya kadasug siginan at fagbanwanan at yud e malong.”

Udas 1:13

Kanya fagayu kata at kinramsaw fag burak siginans dagat nu glugwak, ay kata way sik galeme at malyaman, ay at mafalganan wan sat yud e fakatabuan fag fagmadulumun.

At Nafasure 17:18

Ay am nalag fag mangena at masuad, at mabalyanan fag furuan daul tagfagtainan sas fagayu fun ayu sirut sas fagdaul daga.”

At Nafasure 18:7

Nusnga setaw nu gfauseganan at sadili, faurianani ay fae fakabaluuni yangay anya, aroro kanya glong sat sadili te, Malunggung au kata sik mangena fag fun, bundi au sik fagbubayun, ay kabavn ban kwa kabalu.

1 Samwel 2:9

Kanya gdiri tua at matuyan fag ngay taw tagbanwan si anya. Dewa katanya, kanya gfabul at mauri fag ngay taw ay gfasas fagmadulumun. Nusnga sinu wa mababo nu siginan way at sadili fagmabitsugun.