Isayas 47:3 - Fanawbuid tagsibaliwas Fakayabian

³ Ay fagayu taw lumag nu malulasan o ay umkapla o. Namaurianan au emu ay kwa ban kafanyu ya emu.”

Isayas 47:3 ပူးပေါင်းရင်းမြစ်များ

Fakasigadan 3:7

Ay dadwa nu naon kafag rawvg, nasaful wan at masine ay at mauri. Nu katanya, nasaful te, malulasan. Ay nabul sik ngay don ay nawat laman at fantabun at bilug.

Isayas 20:4

Aroro Asirya at fun tumaban ban talun Igiptu ay Etiupya at ngay taw, dewa sisian ay dewa fagtainan. Fagayu ban gasifayanan way ay wa galapakan. Masure ban fagayu at ngay balitang, ay kanya ban fag ngay taw Igiptu umkapla.

Isayas 3:17

Nu katanya, namae buyu au at alfuyu, ay kanya ban fagayu umlanu.”

Isayas 35:4

Foyungi tua sas fagayu takalimu te, “Lag am kalimu. Faksvni tua ay amatanganan. Umdasug ban ay Dius laman gfasud ay ngay fawayan, ay namalangfe ayu.”

Eremyas 13:22

Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 13:26

Namaksvn kban ay fakaplaun kata sik mangena at malulasan.

Eremyas 51:11

Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Eremyas 51:4

Fagayu ban at nabasingan mataygilid way lang ngayu si sangaba dalan sis furuan Babilunya.

Eremyas 51:56

Kadasug ban at nanrasras talun Babilunya ay nantaban ban at ngay tagfawayan, ay at godun ban fagayu kalifung wan, aroro au, Yawi, tagfauri fagayu at mauri ay gfaurianan au talun Babilunya at kasakan sa anya.

Esekyel 16:37

Namaful kban kanya fagayu ay si ban at ngay salubangan gbul kban am ngay sulun laman kanya ban fagayu lumag nu malulasan o.

Naum 3:5

Yawi at Mabalyanan nalong te, “Am fag ngay taw Ninibe, dungugani! Ku ngay fawayan am! Nu katanya, namapla au ayu sis salubangan ngay talun ay sa sangay fagfagtainanan. Umkata am sik mangena at naurug at lanbung sitsigon at alfuyu ay anlag nu malulasan.

Ruma 12:19

Ku ngay fakesugun, lag am gfasud tagfauri ayu, nu bunway fabayani wan Dius at namasud. Aroro katatuy at Rirukan te, “Tam Fun nalong te, ‘Au waban tagfasud, ay au waban tagfafoli.’ ”

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”

At Nafasure 16:19

Ay arodi, Babilunya fag furuan ankafud tulu. Ay ngay furuan sas fagdaul daga anrasras wan, ay Dius namatang at mabalyanan fag furuan daul Babilunya ay nafainum kafag taya at bilug, kanya Dius at fandotaman at maksvn fag faurianan.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”