Isayas 47:11 - Fanawbuid tagsibaliwas Fakayabian

¹¹ Nu katanya, faurianan umdasug sa emu, ay wo saful te, setain nu gagbilug o am fangabalo laman masaruy o faurianan. Ay umdasug sa emu sik faurianan ay wo mabayad laman wa kataglayun. Sik faurianan masakit nu kadasug sa emu gina o yud mafalganan.

Isayas 47:11 ပူးပေါင်းရင်းမြစ်များ

Nemyas 4:11

Nu katanya, em ngay fawayan nalong te, “Lag tam gasafulan, laman ro nu glag wa antam, si watam at furuan ay gfabul watam anya fagayu, laman we kawat ya.”

Alubad. 35:8

Fagidapun nangus umdasug sa anya fagayu gina yud mafalganan. Kanya way ban nangus fagayu at kumsangdaw sat nafasangdawan, ay kanya yangay ban nangus at kumtong sat nalusung.

Alubad. 50:22

Fagayu am at yud gamatang Dius, dungugani, aroro nu dway am gdungugan, namamin kban ayu, ay wa ban e gfalangfe ya ayu.

Alubad. 55:15

Fakabulun nangus gguyan gugat ku ngay fawayan laman namabul. Ay e namoli nangus anya fagayu gina yay gleleg, aroro tagsit amatanganan ay tagsit bale fagmauriun way lang.

Alubad. 73:19

Kanya ban fagayu umfaurianan masakit: ay umke fakalimuun ay umbul.

Fangatulun 13:21

Takadasug sa sangay tagasalanan faurianan way, dewa katanya, sat matuyan fag ngay taw, gfon ban nusnga setaw at masine.

Isayas 13:6

Fagayu am waywayi, aroro munakbang wan Yawi at menit, Dius at Mabalyanan nu namaurianan.

Isayas 29:5

Dewa katanya, umdasug ban sik menit at ngay tagfawayan umkata sik dafug ay kata sik naglayapan takalayug sas tagmara. Ay umfasludan ban masakit takatanya sa anya fagayu.

Isayas 30:13

umkamin ban am, ay ay asalanan kata karang si tangabat fag alad, ay masakit way nu kasuak.

Isayas 37:36

Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Isayas 45:7

Au wan at nafae yamag ay at nafae dulum. Ay au yangay tagfadasug fagmasineun ay fagmauriun. Au Yawi at nawat takatanya fagayu.

Isayas 47:9

Dewa katanya, kaduge way sik menit umsik fagbubayun o ay am ngay sisian umbul. Umfasludan takatanya, dewa o saful gfangabalo ay gfangufit.

Isayas 48:8

Wam nadungugan ay wam natogdungug kanya fagayu, aroro siginan ebi wam gdungugan. Nasaful kwa te, kamabo am, aroro siginan nu kasalug am kamabo wayam.

Isayas 57:1

At matuyan fag taw nu nbul, we ginto ya te, “Wain at faginbulun?” Ay we nasaful te, Dius nabul wan kafag taw laman gfasaman siginans fagmauriun.

Eremyas 51:29

Talun Babilunya ban guigan kata sik taw tagtadtaruyan ay maksvn at fakasaitun, aroro Yawi namafasludan wan at algan sanya fag talun laman we gbanwan ya sanya ay laman umsik mabaluanan.

Eremyas 51:43

Ay sanya fag ngay furuan mabaluanan way lang kata sik talun at yud e gbanwan ya ay at yud e gdalan ya.

Eremyas 51:8

Masakit talun Babilunya nu karasras! Abalui wan anya! Namafia am at ngay nabasingan, bangaran ban umfia yay.”

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Esekyel 7:26

Ay umdasug ban sa anya fagayu nusnga setaw fag malimu ay at mauri fag ngay barita. Ay kanya ban fag ngay taw nanginto sa sangay taglong, dewa katanya, wa ban mafabalus at ngay fagintoun. Ay namayfoyung yangay ban sa sangay tagfon fanggalangun ay nanget famalun sa sangay tagfangguna, dewa katanya, wa ban e gfoyung ay we mafalu anya fagayu.

Mateu 18:34

Ay kafag fun andotama maksvn ay nafataban anya sa sangay tagfauri yakmay ban nafafabayad at bedan.

Lukas 12:59

Glong au emu te, wa ban o umkalfas, yakmay ban o nabayad fagayu am bedan.”

Lukas 17:27

Ebi kanya fag ngay taw manabayan way fia gfangon ay gmamaman, ay kadadwa, yakmay Nui nasakbo sas sakayan lino. Ay ginanya lugwak andasug ay nafabul kafag ngay taw.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

At Nafasure 3:3

Nu katanya, amatangi tua ay nadungug ay ay fagfaningun fag foyungan. Fakamuluni takatanya fagayu, ay ubuni wan ay fagmauriun. Nu dway am gugat kafulo, umdasug au kata sik tagfangkamul, ay wam saful te, ginain fag lungud menit.